503 Like
14 Dislike
為別人
2017-08-22 00:46:20
試想想,在外面生活的你, 在正常社會下生活的你
如果遇到這些你明知不公,明知不恰當的事物和對待, 你第一時間會做咩?
你會說不,
會拒絕,
甚至會反抗起這些黑暗.
雖然,這裡的牌頭第一點就已經不能說NO sir
但那些閪人的行為, 望落有些愚蠢的諗法,某程度上,其實是在反抗著制度和阿sir的
雖然連坐法的牌頭, 讓我對他們產生了恨意,憎他們的遲鈍和死板.
但我每次大找完,每一個被搏衰之後的夜晚,
我都會細想, 到底錯的是誰?
正常樣巴打
2017-08-22 00:46:45
肥衡嘅極限已經到,係時候到我隻戈sir發揮
為別人
2017-08-22 00:47:19
但想歸想, 睇法還睇法
訓一覺之後, 我還是會做返一個乖乖仔的形象. 變回順從的那群人
因為這些反抗的人和出面社會一樣,都是少數的人,是被打壓的那群
這個小型社會,讓某些東西顛倒, 是變非, 非轉是
爭取上訴的權益,變了妨礙阿sir
論論盡盡既手腳,分分鐘會令你遭遇毒打
因緊張而口齒不清的說話,更會換來羞辱
有無諗過,正常的你如果入左黎, 你會變成邊一類人?
順從嗎?
還是不順從?
我選了順從
你on9嗎
2017-08-22 00:50:56
為別人
2017-08-22 00:55:16
因我不想自己難受, 我想早走,於是我選了站在順從的人的那邊
看著壯逆天日日飽受欺凌,但我會 加入辱罵他的行列之中
看著子健佢因為應錯左一句說話而食狗飯,但我心中入面卻想著,我不想好似你咁,異常遲鈍
看著志成又因瞌睡而找板, 但我會在心中喝彩,打得好
我有種打從心底對他們的厭惡, 我在利用著他們來告誡自己,不要成為他們那邊的人
呵呵
怎麼老覺得, 自己也開始變得不正常了
有陣時我都會覺得自己好過分, 點解我個心入面會咁諗人嫁? 我諗嘢咁惡毒既?
但我有錯嗎?
他們又有錯嗎?
兩邊都沒有錯的話, 是誰錯了?
其實我知道,
我和所有既學童都知道,
錯的應該是阿sir那邊, 錯的可能是這套制度
為別人
2017-08-22 00:56:26
只是當權者的力量,就係會令我們畏懼.
他們的一句玩我走期,已足夠讓我們變成死狗
無論你選了順從或者唔順從, 其實由一開始,你已經無得選
不過.
我已經習慣了,
習慣每天早上的摺毯,習慣每天早上拼盡全力做PE
習慣在洗衣房內燙著阿sir們的軍裝
習慣每一天的飯菜, 都是那種味道(偶爾仲會怨一怨分量)
我已經背得出大部分阿sir的Number
已經可以說出黎緊一個星期的菜單
更加學會了如何睇阿sir頭做事, 邊個阿sir唔中意咩,邊個阿sir中意咩, 我都知道了個大概
為別人
2017-08-22 00:56:51
日常的日子, 令我累積了經驗
武傑被流放出洗衣後, 有陣時會被安排跟保安sir出去沙咀之外既地方剪草
而逆天則繼續自己的世界, 由於君實sir放話,不許再搞事, 我們亦無多動作去郁佢
只是某些可以刁難佢既位, 我們亦都會盡力令他難受
而且經過我的觀察和研究,想唔食檸檬, 最緊要睇一樣嘢. 唔好衰大單嘢
而這個星期開的board,正正印證了我既諗法
有人升班,有人食檸檬
但今次開board,意外地是阿大和指模仔阿希都食了檸檬
為別人
2017-08-22 00:57:45
阿大的四分一檸檬其實大家都知咩事,佢 二年班時的八厭,讓他付出了代價.
而且戈sir仲要講到明會比佢, 所以呢個檸檬真的係預左的, 所以阿大亦只是濕了濕眼眶就算
但阿希食的檸檬,就不尋常了
通常指模仔, 係S最安全的職務之一
所處的大部分時間都在指模房, 衰的機會亦是最少的
但令我們詫異的是, 阿希一食就食左半隻檸檬.大拿拿兩個星期,半個月的加刑
讓他哭到兩眼通紅, 不甘心
但問起佢點解食既原因,又是十分荒唐,
為別人
2017-08-22 00:58:13
阿希話, 指模房既阿頭, 陳主任, 十分迷信風水學
所以有一日汁房果陣, 阿希唔小心擺錯左個盆栽既位置, 弄得陳主任龍顏大怒,話影響左風水之類..可能就是那次, 搞到佢要食檸檬
聽完我就在心中大呼: 唔撚係掛? 咁都屈得?
另一方面, 戈sir收到消息後亦都是大怒, 當著我們的面便大屌那個主任,
話咩 「咁撚乖既人都要搞鳩佢,佢無撚嘢啊嘛」
君實sir亦都在旁安慰阿希
話咩「無嘢既, 我地會幫你取回公道」
那刻看到兩位最親的阿sir講出這些如此窩心的說話,我便覺得好彩自己係S
但那天亦都告誡了我知, 檸檬這回事,真的是變幻莫測的
不過可以肯定的是, 萬一衰了一件大事, 四分一個檸檬係一定走不掉的
為別人
2017-08-22 00:59:47
時間繼續流, 日子繼續過
無論是痛苦,還是不甘, 日夜仍舊會顛倒重複
這時戈sir話, 佢要開始放十日大假, 臨走前一日叮囑我們要醒醒定定
但我們在心裡早已爽到飛起,
最嚴既爸爸走了,仲唔爽皮咩
那天,有兩個新人落山, 我們S又多兩個一年班
為別人
2017-08-22 01:00:24
前浪推著後浪, 後浪則繼續向前推著更後的浪
一浪接一浪
晃下眼
原來我已經是被人推著的後浪之一
夜晚回到倉內, 由於戈sir開始放大假, 這天帶我們的阿sir變了君實sir和豐sir
新來的兩個新人便被君實sir叫了去桌邊,開始問家宅,記錄在案
一切一切,都是那麼的平常.
我望著那兩個新人, 心中不禁有些感慨
為別人
2017-08-22 01:01:21
現在S的高年班, 都沒有幾個會好似阿勇那般咁衰格扮嘢蝦新人掛
他們真是幸福呢..
我想起自己新人組時的日子, 真是可笑..
那時的我,忍了阿勇那麼耐, 到最後要抱多大的覺悟,我才能話比阿sir聽,脫離被欺凌的苦海
好彩那場洗禮, 我撐過左
想到此處, 我嘴角上揚,微微苦笑了一下,日子真的不容易呢...
誰不知
「肥衡, 你笑咩嘢?」
一聲責問傳來, 我立即回神
為別人
2017-08-22 01:04:00
原來是君實sir問的
「肥衡, 你笑咩嘢?」
君實sir又問多了一次
但我卻愕然了
點解平和既君實sir, 這刻佢問我既問題居然如此認真呢?
就在我未反應之際
嘭 !!!!
李一桐bb:p
2017-08-22 01:04:36
為別人
2017-08-22 01:04:38
君實sir突然雙掌一拍, 拍在了佢面前的膠枱上,發出巨響, 將我們狠狠地嚇了一番
我心跳頓時停了幾秒,
那聲巨響話比我聽, 這是君實sir發惡既信號
但我仍處於震驚
平時待我不薄的君實sir竟然無端端對我發惡?
是我激嬲了佢嗎?
恐懼感瞬間湧上心頭
我
我
我
為別人
2017-08-22 01:06:35
「我再問你一次, 肥衡, 你笑咁啲咩嘢?」
我...
「係唔係覺得我問新人嘢好好笑啊? 啊!?」
君實sir喝出的怒氣,震耳欲聾
但係
我
我應該答咩?
正常樣巴打
2017-08-22 01:07:43
前浪推著後浪, 後浪則繼續向前推著更後的浪
一浪接一浪
晃下眼
原來我已經是被人推著的後浪之一
夜晚回到倉內, 由於戈sir開始放大假, 這天帶我們的阿sir變了君實sir和豐sir
新來的兩個新人便被君實sir叫了去桌邊,開始問家宅,記錄在案
一切一切,都是那麼的平常.
我望著那兩個新人, 心中不禁有些感慨
被人推嘅後浪
為別人
2017-08-22 01:07:49
我
我
我
我無文了
屌西狂楊過
2017-08-22 01:08:13
我
我
我
我無文了
屌又喺依啲位停
正常樣巴打
2017-08-22 01:08:48
我
我
我
我無文了
出啦屌
為別人
2017-08-22 01:09:56
後浪推著前浪, 前浪則繼續向前推著更前的浪
一浪接一浪
晃下眼
原來我已經是被人推著的前浪之一
夜晚回到倉內, 由於戈sir開始放大假, 這天帶我們的阿sir變了君實sir和豐sir
新來的兩個新人便被君實sir叫了去桌邊,開始問家宅,記錄在案
一切一切,都是那麼的平常.
我望著那兩個新人, 心中不禁有些感慨
被人推嘅後浪
啊 寫到個腦塞住左 改返
正常樣巴打
2017-08-22 01:14:16
我唔要聽到有聲
2017-08-22 01:30:50
我
我
我
食檸檬啦你