聾左一隻耳

其實係搵唔到原因架，聾左就聾左架啦

巴打 not alone，social個part 好應同你

我自細都兩邊弱聽，宜家中度，擔心會唔會有日兩邊都聽唔到

樓主可唔可以再講多少少生活上有咩問題

我老豆都係聾左一邊耳仔
佢好細個個時已經聾左
所以講野好大聲 當街當巷都係咁，細個唔係好識諗會覺得同佢出街好羞家
而家會好啲，我會企佢聽到個邊耳仔講野

不過除左佢講野大聲之外 未感受到佢生活有太大不便

就算我仲有一隻正常耳,我都成日會驚有一日第二隻耳都有事
到時就要去攪人工耳蝸.......

成日覺得人工耳蝸未係好安全可靠咁

最主要都係分唔到聲耳方向同嘈嘅時候聽唔到
有巴打話身體平衡會差左,其實我係有少少,但我分唔到係耳定係條腰嘅問題
仲有對某D聲音敏感左,有D聲音聽到會覺得唔舒服,好似有枝針拮入耳咁
同埋耳仔有問題點都會影響到社交,留意下會唔會影響到情緒(我本身就社恐所以無乜影響)

仲以為聽力測試會每個音頻都試添
最後會知咩音頻唔得從而知自己咩神經線受損

咁好似做黎都冇用

係咪耳中風？

呢個係真,所以如果唔係兩隻耳聾晒nothing to lose我係唔會試,況且都唔平.
希望呢十幾廿年D技術進步D,萬一要用嘅時候已經足夠好用

第1次聽雞尾酒效應，唔怪得環境太嘈，我

聽唔到人地講咩，呢樣野搞到我怕同人講野。


係香港真係咪同人講你聾，你拎唔拎到正常人人工都成問題

香港人好歧視殘疾人士

我做聽力測試係入一間隔音室,然後會每個音頻由細聲試到大聲,理論上係試到每個音頻最低聽到幾分貝.
不過......個測試員每次都要㩒掣,而㩒掣時硬件會有聲,所以其實唔係好分到係因為聽到佢㩒掣而覺得聽到個音,定係我真係聽到

連登有咩好笑
上仲大壓力

我做左兩次人工耳蝸手術，係免費，其實聽得番好多嘢，同埋效果一定好過助聽器，我都見過單耳失聰嘅朋友做左人工耳蝸聽野方便啲

聽唔到嘢其實生活會有影響，我都明樓主突然聾左一邊耳好慘，屋企人試過，但因為我係聾嘅，所以有經驗，佢一訓醒聽唔到嘢，就即刻搵耳鼻喉專科醫生去睇，打完類固醇救到佢八九成聽力

我工作係坐office所以每次見工時都無特別講,反正係會議室我對答正常.
有時都會想像,如果我本身係做侍應售貨員個類,咁就真係大鑊會失業.

我一到夜晚瞓覺先聽到(呼...呼...呼...)

可唔可以分享下多D?
我聽講如果手術失敗變左全聾,所以一定係雙耳聾先會做,呢個講法係咪已經outdated?
做完人工耳蝸有乜唔方便?
如果單耳做,兩邊耳聽出黎聲音唔同會唔會有問題?

但係咪一定要及時做？

助聽器已經無用，似乎係得返呢個方法

用左又會比人睇到

試過兩次突發性失聰

其實聽力100分貝以上，同全聾無咩分別，助聽器幫到嘅好有限，就算戴機你聽到嘅聲會愈來愈唔清楚

做完手術聽力去番八九成到，手術做兩個鐘，喺醫院訓3日出得院，我做完手術戴耳機做聽力測試去番40分貝左右，除左耳機就係120分貝，健聽人士聽力係25分貝

做完手術戴耳機可以聽歌，聽電話，照樣讀書番工，其實生活冇咩特別

只不過個頭入面有金屬植入體，就唔可以玩水肺潛水，跳傘之類，或者其他有劇烈碰撞性嘅運動，驚撞親個頭，植入體壞左又要開刀換左佢，同埋唔可以搭磁浮列車，同做磁力共振，因為植入體有磁石喺到

不過要強調，助聽器又好，人工耳蝸又好，啲聲一定同正常人耳仔聽嘅有分別，始終佢哋係機器接收到嘅聲，再翻譯比你個大腦聽，因為你隻耳仔function唔到

人工耳蝸會比助聽器減噪音減得多啲，聲音音色靚啲，清楚啲，但唔會好似你近視，戴眼镜就100%睇得清楚，正如弱視嘅人，戴眼镜都唔會變番視力正常

隻耳成日都好痕
早排先睇咗幾千蚊醫生
依家又痕返

其實戴airpod 個d 長期會唔會傷耳?

明白有幾辛苦 樓主加油

年紀由bb到長者都有人做人工耳蝸手術，睇醫生批唔批，基本上耳仔要90分貝以上先可以做，即係深度失聰

助聽器比較岩輕度至嚴重弱聽嘅人，有啲人戴左耳機都聽到，唔太影響生活，就唔駛做手術

戴耳機其實冇咩特別，女仔可以收埋喺頭髮入面，好難比人睇到，就算男嘅戴，人地都可能以為係藍芽耳機個啲，不過未必個個接受到要戴機，耳機外露會有奇異目光，我都明嘅

歧視其實一定有，我都冇感覺，有殘疾唔係自己嘅錯，喺正常人係主流嘅社會係咁都冇辦法，會比健聽人笑，排斥，其實預左，但都照樣生活

我7-8年前有耳鳴，飲中藥，針灸，撞彩好了，但到依家都有你上述講嘅問題，好想同公司declare有耳鳴