聾左一隻耳

我嗰陣病發幾日內即刻去睇私家，食左一星期類固醇先好返，不過兩個月後又復發又食藥

試過耳仔有一邊聽野好細聲，同埋天旋地轉，好想嘔，跟住睇醫生

個醫生勁緊張，即刻開醫生紙叫我去睇專科，話好彩就係耳仔發炎/耳水不平衡，如果唔好彩有機會聾

跟住即日去睇專科，做埋聽力測試耳石測試都唔知乜原因，跟住食左d藥就好翻

但果排成日翻發，應該係耳水不平衡

如果覺得嘈戴耳塞有冇幫助保護到對耳？

可唔可以講下食邊隻藥？
如果真係發展左，啲醫生又放晒假都可以食幾日頂住

睇中醫啦屌
針下佢

原來可以咁快睇完一篇文

成日撩耳屎有冇影響？

應該都係基因問題，檢查下基因。

反而想知巴打你覺得細個學講嘢難唔難，掌唔掌握到兩文三語？ 聽唔聽到音樂？

我先兩年chest infection 咳到仆街，咳穿左耳膜，過左一兩日無好轉都即刻去A&E
其實你一隻耳聽覺差左係一定會知
你自己唔理真係自己攞黎

我係左耳聾
但因為係5定6歲已經因為病聾咗
所以都習慣咗
冇咩特別 都係分唔到聲音來源
人地叫會左右擰睇下邊面叫
玩槍game從來聽唔到邊面打鳩我
唯有用獨特嘅方法去分
自己都慣咗企喺人哋嘅左邊 用右耳聽人講嘢
如果一班人坐 咁坐我左邊嘅就唔好意思
好多時都聽唔到佢講咩
以前都有諗過配助聽器 但太貴喇
而且幾乎全聾 都唔知幫助有幾大

咁到底你點解無啦啦會聾左? 個成因係咩?

有冇巴絲答到我用耳機聽歌應該較幾大聲為合理

我12歲嗰陣都係突然右耳聽唔到嘢，睇普通科淨係話有耳屎幫我洗耳，之後隔咗幾日突然好唔舒服天旋地轉，之後我就住咗成個禮拜醫院，不停食藥，腦都照埋，但醫生都話搵唔到原因。

醫生話個病淨係叫突發性失聰，因為唔係啲死得人嘅病，所以咁多年都冇人解剖知道原因。啱啱出院頭一年係會有啲唔慣，但其實對生活唔會話好大影響，可能只係我過咗十幾年都已經習慣咗會耳鳴，同埋會同同事講我右邊聽唔到嘢，佢哋都會慣咗喺番我左邊講嘢。

其實香港比你想像中多人都有一隻耳仔聽唔到嘢，樓主你要加油，只要你自己接受到，你身邊嘅人都會接受你

天生聾左一隻耳

廿幾年都係咁啦

唔好撩咁入啦
細個唔識死成日撩出血好彩而家無事
而家日日撩但有就住唔撩咁入

標準黎講長期聽90分貝以上已經會傷
但係部部機功率唔同 iphone/an/DAP都唔同啦
我覺得較到刺耳(感覺到唔舒服)已經算高 我會較低兩格

以前驗過，但check唔到有咩事，屋企人係健聽

學講嘢一定難，細個學左5年先喺語言訓練學校到畢業，之後就正常讀書番工，冇咩特別

除咗耳之外 其實眼都係都市人最常忽略嘅位嚟
日日睇手機電話 個個都深近視散光
各位好好珍惜眼
利申近視500度

曾經試過兩次感冒，兩次都係連隻眼都一齊發炎，紅腫。去睇私家醫生，我話咁情況都唔係第一次，但個醫生係死都堅持感冒唔會影響眼耳口鼻，激死！結果好彩感冒好返，隻眼都好返。而家睇到樓主個case，覺得好多私家門診醫生根本係廢，佢根本冇動機認真醫好病人，或者係按章工作準時收工。如果有懷疑私家醫生hea做或9up，情願俾錢入急症睇，否則代價可能好大！

我朋友都係咁醫生話會越黎越嚴重

係隔音室入面都聽到個測試員㩒掣時啲硬件聲,咁係咪代表嗰隔音室設定有問題

同樓主差唔多
話說我細細個唔知幾時開始就左邊耳仔唔係好聽到
果時有每年果D小學身體檢查做過聽力測試
係咁E check完佢話冇事喎
如事者過左好多年
大個左先感覺到係真係左耳聽力差好多
企響我左邊細細聲講野基本上聽唔到
都真係成日聽唔到要人講多幾次
好多時我都算 就咁應 哦 就完左話題
可能因為我細個開始就咁 所以冇覺得咩不便
成長過程中試過有一次係左耳突然聽得返大約幾個鐘
但果時感覺就係 嘩好撚嘈呀呢個世界
之後就冇再聽清楚返
不過我想講
一隻耳仔聽得唔好都有好處
就係右邊側訓果時 靜到唔會有人嘈得醒你

叫雞會啄你耳仔