聾左一隻耳

都試過中耳炎耳膜入面含哂膿
聽野好似係水底咁
人地同我講野我要兜返啱邊用冇事個隻聽

單耳乜資助都無，連2蚊八達通都申請唔到

我都係耳屎會塞死
耳機開到差唔多最大聲我都唔覺好刺耳，啲fd未擺入去已經話就大聲到就聾

以前細個老豆老母會好似採耳咁幫我挖啲耳屎出黎，挖完嗰排會覺得成個世界都嘈咗好多最有印象係沖廁，大聲到癲
但係隔一排又會塞返，大嗰咗都唔敢比人咁樣用力挖，所以係長期塞住

見你話睇公家私家吸耳其實係點？我試過睇政府門診，佢係開支橄欖油比我滴幾日，再去睇就揾支生理鹽水沖，唔知係個醫生手勢問題定點，整完個耳仔損咗小小

細個發燒燒聾咗左耳
唔係完全聾晒但得返一兩成聽力左右，初時成日聽到嗡嗡聲後尾唔知幾時開始就冇咗，廿年前阿媽帶埋去照磁力共震都唔知乜原因
其實對日常生活影響又唔算好大，除咗親人之外其他人都唔知我得一邊聽到嘢，係有時啲人喺我耳邊講嘢要扮知佢講咩俾反應佢

其實楊過斷左一隻手後，經過訓練仲好打過佢雙手果陣，會唔會有啲教學可以訓練用一隻耳仔維持原來生活？

之前做曬聽力檢查又話無問題
可能真係血管問題

之前中肺炎，我隻耳仔都好撚痛。
應該係d病毒上左隻耳。
而家隻耳間唔中都會痛。

我去耳鼻喉科 個私生幫我吸 QE將軍澳都有 吸做仲做埋聽力測試
滴油佢成日畀我 滴咗好多次得一次成功 你藥房買就知 支嘢唔係塞嗰時用 係個個星期都要用先得 仲要支嘢用法好柒麻煩
同埋耳道有毛 好似鼻毛咁令啲嘢停留 再慢慢流出嚟
好少用水沖 如果啲水冇完全流晒出嚟入埋發炎又係搵嚟搞 而家用機吸 但太難吸都係醫生夾出嚟再吸
如果好似我咁唔撚再多手搞 我而家都冇乜點塞過 本身講嘢口部有活動 耳邊就會郁動排出耳屎

非常多謝你嘅分享，祝你以後身體安康

Exactly醫生只會幫你排除有冇嚴重疾病嘅原因 e.g. 腦中風
排除晒之後就會同你講咁我就搵唔到病因了

同埋有弱聽嘅耳仔 由於你日常嘅使用習慣 佢日後有好大機會繼續衰退

有一次傷風右耳塞咗
睇醫生佢話係耳咽管塞，話過兩日冇事
點知過咗2個星期都係塞，有時又好似好少少，就冇理到
後來發展到右耳24小時耳鳴、聽中頻至低頻好濛，
仲有時會突發頭暈好似暈船浪
走去睇耳鼻喉先發現我右耳得返6成聽力
醫生話唔係耳石移位，係梅尼爾氏症
我仲講笑話「未撩耳屎症」？
原來係耳中風後嘅症狀，即係耳水不平衡
醫生話冇得醫，做手術都係一半半機會，所以叫我共存

所以如果單邊耳仔聽力一差，要即刻睇急症
過咗3日唔睇，好大機會錯過黃金時期
咁就一世

所以我寧願啞都唔想聾
Take care 世事無常

試過傷風帶耳機聽住歌訓
第一日一邊耳仔聽唔到野
好彩過左幾日好返 不過recover 8成左右

因為日常使用習慣會再衰退係點
可唔可以解釋下
呢個病我係前晚見到youtube有個channel先知 佢係突然耳鳴又check唔到點解 食藥又冇幫助 但最後又好彩好返 但comments好多都係耳鳴之後就聽力衰退或者聾咗

同我一樣, 好啲就係做test聽力仲有7/8 成, 不過高頻聲就好明顯渣過正常果隻
事隔已經都有5年, 都係耳鳴, 㩒耳咽管位會有水聲, 頭暈暈哋咁

因為你一邊耳仔聽力弱咗 就會自然集中用第二隻耳仔
你減少使用變弱咗嘅耳仔 聽力就會繼續衰退（好似弱視咁樣）

所以樓主醫生建議佢配助聽器 就係想佢繼續日常使用弱聽嘅耳仔 但係助聽器收返嚟嘅聲音同真實嘅聲音會有少少唔同 或者會有雜音（唔同價錢爭好遠） 真係日常生活要用的話 需要時間習慣

唔記得㩒reply 睇睇上面

明白
就好似病咗躺喺床上肌肉就會慢慢少咗咁

身體健康真係好重要

肌肉有得訓練 聽覺神經衰退不可逆轉
大家都要好好愛護自己

真