岩岩睇完未追po,講幾句觀後感先。
游大東話《P1X3L 5G上台計劃》係本年度最佳綜藝,我好認同。
睇住八個後生仔女,玩得夠放,拍得夠真,一路玩一路培養出默契,中間再加d毫無保留嘅互串互窒,與其話佢地搞笑,不如話佢地令人會心微笑。
然後節目中間不時安排一d環節俾佢地講下肺腑之言,感性得黎又有啟發,可謂笑中有淚。
到最後睇住佢地踏上舞台,走出星途第一步,感覺好似陪佢地完夢咁。真係有種霎時感動。
估唔到呢個節目短短五集,可以做到咁豐富嘅內容,全部野係相輔相成,基本上無一個環節係多餘。有娛樂性又有感人畫面。好好,真係好好。
希望呢八個仔女完成上台夢想之後,可以繼續發光發亮。如果有機會,都希望佢地呢個組合會有更多合作。(有第二季當然好,但要諗諗有咩好做,純搞笑節目的話有太多選擇了。)
(利申:對Ash同Winwin無特別喜惡,但覺得係呢個團體入面,係有佢地嘅化學作用。)
最後想話,Viu可唔可以將主題曲
《逆行星》放上串流平台?
首歌幾順耳幾好聽,想加 playlist
。