唔知清係咪講大坑渠,大涌道以前就係一條大涌/大坑渠(所以老荃灣人都係叫做大坑渠)
未有條實體大坑渠之前,其實嗰道係爛地嚟。附近最大就係中國染廠、南豐紗廠,嗰陣全港紡織中心就係荃灣。大坑渠嗰頭比較早起嘅一座嘢反而係荃灣消防局,60年代之前已經有。附近開發埋白田壩/柴灣角變工業區,填完塊爛地就起福來邨、滿樂大廈(重有條街叫曹公街,香車街街市隔離有曹公坊,呢個河涌係同曹公潭同一條水)。最後應該80年代尾/90年代要起埋馬路(大涌道)起樓。中國染廠(而家愉景新城嗰個位咁上下)、南豐紗廠嗰啲工業廢料40 50年代已經一路沖出海,其實荃灣西下面成個地都係呢味嘢
60年代前
估80尾/90年代 (見已經有荃運)
今日大涌道