【北部都會區格鬥錦標賽】《病港ＩＩ》（７０）

牙M路過每一撻地方都捲入一堆支線任 政變謀反

的確，米田貢作為糧食大亨，他日在南征戰爭中的補給中，或許會起到好大作用，我們可以有一批糧食儲備，解決戰爭時期的緊急需求，就像他援助大學那樣。

人類間互相合作，才能發揮最大力量，先談談條件吧。

「可以傾下點互相幫忙。」

「我可以幫到嘅都係糧食嗰方面，除非你龍陽之癖，我都唔介紹幫下手，哈哈哈哈哈哈……」

「你想我點幫你？」我再問。

「增加影響力嘅方法，莫過於參加大大小小嘅拳賽，做下個拳王。」

「所以你想我打拳？」

米田貢大拍雙腿：「係，我會幫你隱藏身份，執一執個外表等人認唔到你。」

我搖頭拒絕：「不如事先聲明，首先我係唔會親自出手，但願意提供協助俾你。」總是身先士卒下場當棋子，很易被犧牲掉。

何況米田貢想要影響力，那麼事情應該跟北部都會區的政治有什麼關連，我最好少插手為妙。

「繼續講。」

「你旗下有自己拳手？我可以訓練佢哋。」

「由你訓練就一定可以做到拳王？我唔係唔相信你，但有冇咁容易，你係你，佢哋係佢哋。」

「係唔容易，但好值得試。」

米田貢思量了一陣，緩緩說出：「你要求嘅條件係咩。」

「嗰陣你糧食支援大學嘅條件係咩？」

米田貢舉起三隻手指：「三個字，我同佢哋講，要人才。」

「所以大學有俾到人才你？」

「校董會佢哋求其搞個交流團嘅名義，就賣咗幾十個成績好又聰明嘅學生俾我，佢哋依家都住緊喺會所嘅客房到，其中有個係專叫佢嚟打拳，暫時狀態幾好，好似叫乜嘢泰臣耀西……」

原來校董會那些傢伙背地裡賣學生到北區來換取糧食……

可憐那些學生真的以為自己參加了交流團，要在這片窮山惡水的地方生活，再也無法到圖書館溫習。

換我湊前凝視米田貢：「幫你訓練人做拳王唔係問題，問題係你俾到幾多糧食我？」

米田貢怔一怔，隨即報笑：「未有成績就想獅子開大口？不過你有幾大膽，我就幾膽大，即管提出。」

「糧倉喺邊？」

米田貢雖然有些猶豫，但還是起身帶我前去參觀他的糧倉。

糧倉就位於會所附近，面積有半個碼頭倉庫大，裡面除了給人員行走穿梭的通道，其他位置都塞滿給亞麻袋包裝好的大米，而且米袋疊得非常高。

「我其中一個糧倉。」米田貢自豪地介紹。

我環視一眼：「好，就要咗依個糧倉所有大米。」

米田貢臉色一變：「你講多次？」

「依到所有大米，我全部都要。」

「哈……哈哈哈哈哈……」米田貢低頭失笑，拍拍一旁的米袋：「馬克啊，你確定自己食得落咁多米？小心會食死你。」

「你俾唔起？如果係咁，我諗過第二樣。」

米田貢語氣稍為加強：「無我米田貢俾唔起嘅嘢，我只係怕你食唔落，食壞肚……」

「你放心，我消化得嚟。」我會拿來跟港島區居民分甘同味。

米田貢環視自己疊得得山高的大米，像是做最後的懷緬：「如果你真係幫我贏到拳王名號，成個倉嘅米都歸你。」

米田貢居然真的同意了，我承認確實有獅子開大口，本來想他拒絕後再提出只需要糧倉的其中十分之二，這些不過是談判技巧，萬萬沒想到是米田貢真的同意給我全部，真的是……

一筆瘋狂的交易。

可是那麼多包米，要如何運去港島區也成問題。

更重要一點是，米田貢是否真的會按承諾給我全倉大米。

「我每幫你贏到一場，你就俾一定數量嘅大米我，可以？」我繼續提出。

「唔得，一係做到冠軍拳王全倉米歸你，一係做唔輸到狗咁一粒米都唔準攞，俾依個報酬你已經係好大付出，我唔會再讓步。」言下之意，要我先達成條件再給米。

「你唔會反口？」

「我做生意從來唔反口。」

「我估你都唔會想每晚訓唔著。」

當我們走出糧倉時，合作已經談好了。

如果到時候真的有那麼多的糧食支援，要動員合眾國上下打場南征戰爭，應該不成問題……

至少不會有民眾因為我發動的戰爭而餓死。

我和米田貢回到蹄鐵扒房，其時麥里佐已準備好主菜──蘆筍龍蝦粥。

龍蝦以火灼燒烤，將蝦肉全部挑出，像花般堆砌到殼上。

餘下的甲殼熬出湯汁，最後落粥和蘆筍中和濃厚的龍蝦湯。

一碗清新甘甜的蘆筍龍蝦粥，大功告成。

我們大口地吃龍蝦粥，全程顧著吃吃吃，視線保持在料理佳餚上。

特別米田貢吃得像頭豬一樣，湯汁渣滓一點都不剩。

「嗄……唔……」米田貢依舊用餐巾抹乾淨嘴巴：「今日都係超水準。」

「多謝米生讚賞。」麥里佐點頭，轉問我：「馬克先生你覺得呢？」

「好味。」我食評一如既往的簡短。

「多謝你咁有用嘅答覆。」

米田貢突然問：「今日餵咗我阿爸未？」

「老爺……仲未餵。」

「咁都係時候，無嘢食佢又嚟料。」

「明白。」麥里佐馬上準備。

「你家父原來都喺到住？」我說。

「係，不過佢肥到成隻豬咁，平時都唔會點離開張梳化。」

已補琴日文

吞肥

早文一推

開通埋來往大西北同港島嘅路

佢老豆有冇nikocado avocado咁肥

早文

相比之下 呢個奀到仆街

早文祝福

食得太飽變吞肥？

咁今晚重會唔會有文

用餐完畢，我們再喝杯酒就前往會所客房。

那裡居住著米家的座上客，包括那些大學來的人才。

「喺兩位朋友康復前你就住喺到，有任何需要就同管家講。」米田貢也算盡了主人家的禮儀。

「我要訓練嗰位拳手都住喺到？」我想說去打個招呼。

「佢應該喺健身室，嚟。」米田貢讓我跟著去。

會所的健身室設備尚算齊全，就是缺點活人的氣息，僅得不停拳打沙包的聲音。

「耀西泰臣！」米田貢帶著微笑，呼喊拳手名字。

那個叫耀西的傢伙，我大學踢館時好像有遇過。

末世中仍能保持一身肌肉體格，確實是了不起。

「泰臣……耀西……」泰臣耀西停下出拳，更正叫法。

「哈哈哈，唔好意思，不過都係人一個。」米田貢手掌放我背部上：「依位係馬克，今日起佢會係你教練。」

「教練……佢？」泰臣耀西的表情中，明顯認出我：「你係嗰日踢館……」

「你好，耀西。」我問好。

「你好……」泰臣耀西回應。

米田貢負手：「馬克先生我唔係質疑你，但可唔可露兩手我睇睇？」

「點露？」

「叫泰西打你？」米田貢捲起袍袖，笑著說：「定係我打你？你話事。」

我走到沙包前，對它打出右勾拳！

「呯啪！！！」拳頭擊中沙包瞬間，那驚人的響聲令旁觀的兩人都怔住。

受重擊的沙包飛脫出吊架子，橫卧地上。

我使上特種病獵體質的百份百的力量，要證明就證明得徹底一點。

健身室有整整五秒彷彿靜止了，回神後米田貢熱烈拍掌：「Bravo！！！」

「拳頭點可能做到……」泰臣耀西不可置信。

「俾心機就做到。」我像勉勵後輩般答。

「馬克，我完全相信你，校董會搵你做風紀，果然真係與眾不同，嚟緊後日有場預選賽可以小試牛刀，喺古洞嗰到搞。」

「後日…… 」泰臣耀西尋思著：「即仲有三日時間。」

「馬克，記住，成倉米拎唔拎得走，就睇你表現。」說罷，米田貢一派輕鬆的離開。

老實說要短時間內教一個人打拳，打上拳王的界別是不可能的事，唯有盡量教得多少就多少，真的輸了我再下場也沒關係。

「可以同你學嘢係我榮幸。」泰臣耀西說。

「你應該知，呢到係採用黑市拳規則？」我先問泰臣耀西。

「黑市拳，即係無限制格鬥比賽，我接受到。」

「係比無限制格鬥更殘酷嘅拳賽。」

「……」

黑市拳對很多人陌生，其主要特點是對戰中不戴任何保護措施，輸的一方致死率極高，因為不會像普通拳賽那樣，台上有個裁判分隔雙方。

當自己被壓制的時候，就只能憑自己的手腳解圍。

而且比賽中能用任何下三流招式，如插眼和踢陰等很常見，唯一規限是不得使用武器。

所以，會上台對打的都是瘋子。

不怕死的瘋子。

「係咩推使你上台打？」

「想變證明自己。」

「你有冇殺過人？」

推

推

幸運時間！

咁樣教佢唔怕第時要自己執返手尾？
Btw墨b咁乖咁早出文