【北部都會區格鬥錦標賽】《病港ＩＩ》（７０）

我率先向前一踢，化解掉他的刺勢。

方鋒影先是一愣，其後像雜耍般舞劍，雙手如兩條海上的蛟龍，弄得周圍刀光劍影。

可肉體已化作航空母艦的我，對小小蛟龍根本不足為懼，我側身振臂提肘，就將兩把羅馬短劍彈開。

「啊。」方鋒影抬目，暗中驚呼

這位穿斗篷、戴斗笠的傳統劍客，有著張女性化的臉孔，其嗓門卻好早透露出他是男兒身。

「居然可以同獵手黨打到不相伯仲……」茶餐廳裡的顧客低聲討論。

「嘿嘿嘿嘿……」方鋒影暗暗冷笑。

「一係自己交出嚟，一係……」我攤開手掌。

方鋒影把車匙拋來，算是認輸了。

「一大早遇強盜，算我唔好彩。」方鋒影自認倒楣。

很好，我也不想跟獵手黨結下牽涉性命的樑子。

「有機會還返俾你。」我轉身扶起摩托車，將泰臣耀西置在後座：「捉實我，泰臣。」

「唔需要，我無借俾過你。」方鋒影站於原地微笑，兩眼盯著我離開：「你係搶。」

「總之陣間我會將嫁車，帶返嚟依到俾你，如果你唔喺到，會叫老闆睇住。」我擰盡油門，拂塵而去。

然而，這將是我來到之後，做過最後悔的一件事情。

種下因，就有果。

因果。

摩托車一路奔馳，不到十分鐘便回到雙河魚鄉村會所中。

我趕忙把泰臣耀西抱去獸醫那邊，幸虧縫腸這種事獸醫也懂的，可以放心交給他處理。

我正在醫療室外等候的時候，合巧碰見趁獸醫不在想要偷偷離開病房的張氏兄弟。

雙手骨折的張宇一正在揹著雙腳骨折的弟弟，而背部上的張世一就利用雙手幫哥哥打開醫療室的門。

應該讚他們合作無間，還是……

「我哋絕對唔係想出去偷玩！」他倆異口同聲地說。

「我無話你哋出去玩。」我說。

「呃、我知，驚你咁認為啫，你知嫁喇，我哋人設比較調皮……」張宇一像撒謊的孩子，邊想邊構思如何說出：「驚你誤會！」

「你哋都係訓喺床養傷，有咩需要就叫人去做，依個會所大把僕人。」

「我好耐無接觸陽光喇馬克！我唔係吸血鬼呀，我唔同陽光玩遊戲嘅話，我會無energy嫁……」張世一慘然地說。

「我無唔俾你哋出去。」我利申。

兩兄弟對望一眼，馬上離開醫療室。

地方那麼大，他們要去哪裡？

既然已把泰臣耀西送來醫療室，我也騎上摩托車準備回去新田村物歸原主。

一來一回不過一炷香時間，怎料卻發生一件我預料不及的事。

本來水滾茶靚的冰室，映入眼簾如同人間煉獄。

短短一小時內，變成冷颼颼的兇殺現場。

茶餐廳牆壁到地板都濺滿血跡，上至老闆下至顧客無一倖免，全部都身中多刀，留著駭人的傷痕，深紅血液沿著座椅和桌子流淌滴落，全部死者有個共同點，那便是雙眼都給刀刃劃盲。

其中一位死者，更是個不到十歲的孩子。

茶餐廳眾死者中，唯獨一人消失不見。

「劍妖」方鋒影。

直覺告訴我，事情與他離不開關係。

面對現在的突發情況，我只得騎著摩托車回雙魚河鄉村會所，未得有執法人員出現引起誤會和麻煩。

事情既然因我而起，那我也得處理一下。

火速回到會所後，我馬上找個獵手問問。

我稍為認識的獵手，只有那位叫賈綽嵐的傢伙。

經查問管僕人得知，賈綽嵐正在蹄鐵扒房用餐，把麵包沾到洋蔥湯吃。

「早晨。」我坐到他對面。

「你咩事。」賈綽嵐用那雙沒精神的死魚眼望我。

「想搵你一位同事。」

「……」

「方鋒影。」

「同佢唔熟。」賈綽嵐抬目想一想：「潘澤鎗同佢熟。」

「潘澤鎗？」

「去馬房搵佢。」

未見那位叫潘澤鎗的獵手前，倒是見到鬼鬼祟祟的張氏兩兄弟，似乎想要偷馬騎。

「骨折仲想嚟騎馬，你哋都幾識玩命。」不玩命就不會做氣球屋。

「啊！係你啊、馬克……」

「想騎馬？」我直接問。

「呃……係啊，我哋兩個成世人未試過騎馬，平時見阿李縱馬校董咁型可以有特權喺大學騎馬，有機會咪都想試下……」被發現的張世一非常慌張。

「骨折仲騎馬，你哋好易變殘廢。」

「唉。」兩兄弟失望嘆氣。

恰好有位騎師牽著馬匹，徐徐行出馬房：「想騎馬？」身穿綵衣的騎師身高僅得一米五九，身形很精壯。

「佢哋騎唔到。」我代他們拒絕。

「係？真係可惜。」騎師將馬轉牽往沙圈去。

「想問你識唔識潘澤鎗？」我叫住他。

「識。」騎師停下，轉身望來：「有事搵我？」

原來要找的潘澤鎗，近在眼前。

「聽賈綽嵐講，你識得方鋒影。」

「曾經係同一支小隊。」潘澤鎗抿嘴一笑：「佢做咗咩事，令你要搵佢？」

「我借咗佢嫁電單車用，想還俾佢。」

潘澤鎗低頭輕笑：「以我所知，佢唔會咁有善心借嘢俾人。」

「你唔信去睇下，佢嫁「白箭401」就停喺出面。」

「識唔識騎馬？」潘澤鎗轉問。

「識識地。」

補上po 400正評

「白白同你講自己舊隊友嘅嘢，總覺得唔係好抵。」潘澤鎗提腳一踏一跨，騎了上馬背：「揀隻馬，陪我散個步當係傾個計？」

既然不是什麼過份的要求，我便順順他的意思，從馬房中揀了隻棗色的馬牽出。

根據馬房標示，其名字為「帝皇神駒」，很有香港特色的馬名。

「依隻馬？怕你跟唔到我。」潘澤鎗略為打量一番：「如果想問我嘢，我唔會放慢步伐等你。」

潘澤鎗高喝一聲，策馬奔向沙圈場地。

他的意思是，追上他才會答話。

我呼口氣，騎上馬背，後方緊追。

距離上次騎馬有點久了，得重新熟習一下乘騎的感覺。

可是潘澤鎗不給我機會，一副專業騎師的姿態策騎。

兩隻馬跑出馬房，把張氏兄弟嚇得差點摔倒。

張世一忽發奇想：「如果可以騎住馬喺天上面飛應該都幾刺激……」

「飛馬？」張世一跟著仰天幻想：「都真係幾夢幻，仲浪漫過氣球屋！」

「係咪只要任何事物可以喺天上飛，你哋就會覺得成件事好正？」我不禁轉頭問他們。

張世一像個孩子，天真地說夢話：「係嫁！我嘅夢想就係可以有對翼飛。」

「如果可以咁飛到一次，真係死都願意。」張世一點點頭。

「我有個方法。」

「係！？」

「上床早啲抖，發個飛行夢。」我喊。

潘澤鎗的馬很自然地跳過欄杆，進入沙圈繞著路障奔跑。

我也準備讓帝皇神駒跳過欄杆，然而牠好像尚未準備，最終變成在欄杆前急剎。

「嘶！」

帝皇神駒在欄前猶豫、急躁，等到我大拍馬腿厲喝一聲，牠才肯跳入沙圈。

動物和人類一樣，嚴厲地對待才能快速讓牠們臣服。

我跟潘澤鎗大約有半圈距離，無論馬匹或騎術他都比我優勝，要追得上不是易事……

「你咁慢問唔到我嘢喎！」潘澤鎗對我大喊。

沒辦法，用那招吧他。

「咳咳。」我清清喉嚨，唱出鯨歌。

我試圖控制聲量，讓鯨歌不會波及場外周圍的人。

「有啲耳鳴……」潘澤鎗拍拍耳朵。

殊不知，面前沙地突然冒出矗立一面沙牆！

「唔！？」潘澤鎗立刻拉緊馬繩，令馬匹緊急剎停。

見他忽然剎停，我就知起效了。

潘澤鎗搓搓眼睛，發現那面沙牆已消失不見：「我……眼花？」

此時，我已差不多追上潘澤鎗背後。

潘澤鎗見狀，馬上重新起步。

「依個距離我諗已經傾到計，除非你當聽唔到。」我說。

「嘿，可能我未訓夠。」潘澤鎗搖搖頭苦笑，說些有的沒的：「你隻帝皇神駒係未閹，平時性情有啲難捉摸，你咁都駕馭到氣場應該唔弱，馬好揀人嚟恰……」

「香港唔係九成嘅馬，都係閹馬？」我印象中是香港政府規定。

「香港輸入閹馬主要原因係有利比賽，但其實不乏純粹享受養馬樂趣嘅馬主，佢哋會將雌馬雄馬寄養喺依到，唔會拎去比賽，自然仲留有生育能力。」

我巧妙地轉換話題：「咁嗰位方鋒影仲有冇生育能力？」

「哈哈哈，嗰個人係幾似女仔，唔單止外表上，性情上更加係……以前有次出去行動嗰陣，我只係唔覺意串咗佢兩句，夜晚訓醒想去柯夜尿嗰陣，一打開眼就見到佢拎住把刀企喺我前面。」潘澤鎗說起往事，不其然打個冷顫：「依家諗起好彩我醒咗，如果唔係可能已經往生。」

「……」

都真係，可能睇慣咗中二m，轉主角就周身唔自在 我都感覺到，正皮真係有分別

btw 見返某啲經常病港留言嘅熟人

有趣既回覆， 感覺同"一日最衰都係班黃絲。。。" 一模一樣

近期(一年) 感覺都冇以前討論劇情跟住大家搞下笑嗰種

條友講嘢係怪怪地啫 但唔係冇point
相反師兄你討論區唔俾人討論
依家貨不對版水人課金 讀者喺作者個po嘈都唔得
真係惡過共產黨

拎返工同寫文個比喻我覺得冇問題
我俾得咁既錢就預左有咁既service level
我俾錢睇4k 英超， 你俾同viutv 免費既質素我
好難袋住先喎

之前入嚟好開心㗎，我都係病港一睇到過嚟嘅老讀者了，嗰陣好似叫做愛滋病港

我諗其中一大原因係因為，免費讀者流失得越嚟越嚴重，淨返嘅課金讀者一早已經知道劇情，就冇咁好玩

以前見啲人互串好正 我都係病港1開始先追墨巴啲故

講深圳
係咪第一次講香港以外有人？

講真 我有俾錢支持 因為好鍾意呢個故事嘅角色或者成個世界觀 但都有個問題就係個世界觀越寫越大嘅時候 變咗有時好似講極都未入直路咁 兜嚟兜去咁

有啲角色嘅出現 你要睇多一段時間先至知對劇情嘅發展嘅幫助 病港二真係好長好多角色好大嘅世界觀 有啲早期嘅角色 我都唔記得佢係幾時出現發生過咩事 甚至之後會唔會再出現都唔知 同有好多條線鋪咗未收尾 然後又有新嘅線開咗 睇吓睇吓冇咁狂熱嘅讀者覺得冇癮好正常

嗱咁講啦，咁開得盤口話會有咁多字數，實際上長期都無，中間唔交代發生咩事，不論係課金網定連登都係無乜討論，貼完篇文就算，有事收埋無提，做唔到又無改一個真係做到嘅字數出嚟，咁好難怪有課金嘅人會有不滿，有依啲不滿講出嚟都係合理嘅，墨巴啲處理方式係唔太得，都要諗諗點補飛，例如係互動多返啲 課金個邊做下短期減價之類。

以現時情況嚟睇，要求墨巴短時間內有補償返啲文就無乜可能，咁將來幾時有唔會知，真係咁不滿我諗現時都只能夠上連登嘈同cut課金先，墨巴自己都睇落處理唔到各種事先避而不談，咁迫都迫唔出啲咩，退一步cut咗個課金先囉

覺得攪收費網就訂做邊日有文睇，唔好話限幾多字會好啲，真係無文就出嚟講聲交代一句，長期唔得都盡量講一句，咁有課金嘅人都會舒服啲。

寫作依啲有狀態有野寫就有，寫幾多字都得，無野寫格硬寫點都唔會好睇，依家個感覺好似開一堆雖然係有關係嘅支線，但都拉咗好多無乜關係嘅野出嚟，唔知係咪要到字數所以咁樣發展，可能真係無貨/現實有啲事發生處理唔到有影響嘅，可能直接停咗/唔好焗自己寫幾多文對所有人都好啲，但照出現講下少少現況，唔好完全消失，唔係會似攪唔掂就走人。

課金嘅師兄都等完又等先講下，算係好耐性嫁啦，但點都有限度，想長遠發展嘅依啲事點都要處理

依個都係，故事入面講嘅野愈來愈多，就算係睇得出關主線事嘅，同時開好多條線真係兜咗好遠咁，但寫出嚟嘅又始終都唔及好多人問嘅韓湘 艾康 元帥依啲咁多人想快啲知，好似泰臣耀西 張氏兄弟咁寫都唔會覺得係咩重要人物，獵手黨啲人寫完都唔多記得，前排打D個時反應真係好啲，始終啲線拉得太遠，就算係新啲嘅路線 新人物，我諗陀蘭都受歡迎一啲。

當然唔係話唔鋪支線 遷就讀者想要咩就寫咩，但依家似一次太多野，有種唔知幾時先收得到一條線嘅感覺，依家病港2個討論度真係好低，相信好多人棄咗文

睇正皮數又冇咁誇

巴打有point

巴打講得好岩

以韓湘為例， 都叫主角伴侶， 消失左兩年， 你係想寫死句就一句， 如果唔係你都俾個交代呀， 伏左兩年， 少女都變中女啦
又講樹海， 都唔知會唔會返去講， 但又準備開波， 神秘左咁耐原來鳩流流既？ 艾康同元帥走左佬都兩三年， 去左邊做緊乜， 響咁既環境冇人冇物係咪瓜左， 冇人知

地圖越開越大， 支線越開越多， 但大家著重既支線又唔complete 佢， 唔complete 住你話有關連都有d 交代， 寫個外傳又好， 等讀者們得個知字呀。

病港一淨講將軍澳好ok
病港二一開頭淨講港島+connect 去將軍澳我都覺得冇問題， 但e 家越開越大就越覺得作者handle 唔到。

原來韓湘已經消失咗兩年咁耐

係呀

我嘅concept係：呢個世界，道理喺你度又點。

墨生嘅回覆講咗：而家追我都唔會有住㗎喇。再嘈都唔會有嘢返住。

嗰啲錢係sunk cost嚟㗎啦，唔開心就唔好再課新嘅落去。