【北部都會區格鬥錦標賽】《病港ＩＩ》（７０）

其實都討論過好多次呢個問題，成日都係不了了之咁

一個強姦犯
一個雞姦犯

所以今次唔可以再由得呢幾個留言沉底

前幾日課金網又係有人講，跟住有兩三個人和應，之後就已經被人話唔好逐隻逐隻字計，又話第二日篇文已經「好似」長咗

Quote啲留言俾大家睇下（課金嘅人可以去1538 & 1539睇）

原先第一個講起嘅留言

我都課咗金幾年，其實一直以嚟呢到同連登嘅出文字數基本上都係一樣，平均每日千五字左右，呢一段承諾仲會唔會實現㗎？

跟住下面某啲留言

係wo，你唔講都冇留意到呢樣

我覺得墨巴要回應/澄清下

原來唔覺唔覺呃左我地咁多字

第二日

墨巴今篇啲字數好似都未達標

我覺得好似長左

唔好捉字數啦…加200個「啊」入去湊夠數都冇意思。一年plan除返開都係一個幾，唔甩更仲間唔中加更我覺得對得住良心。你試下睇沙士個白邪就會明白呢邊叫做交足貨有凸。施主，放下執著。

呢兩日全部留言墨b冇覆
之後第三日留言區討論返劇情，墨b即刻留返言回應
之後課金網就不了了之，冇人再講了

墨狗：Block咗 唔會覆 唔鍾意唔好睇

從來無見過佢comment 一嚟就墨狗

btw M徵病獵去北區可能最好 港島區啲體格可能無咁好

免費撚表示rap

試下ig留言

Show blocked user

推推

推

陳梓傑密集的快拳未曾停下，泰臣耀西拼命地護頭防禦。

「有時候放任對手攻擊都係策略一種，可以加快對方消耗體力。」我說。

八角籠外的觀眾比擂台上拳手更投入，肆意地叫囂。

「打死佢！打死佢！」

「踢佢條嘢啦！」

「擋夠未啊廢柴！」

陳梓傑見泰臣耀西上盤守得很穩，於是起腳要踢向下陰。

此時，泰臣耀西再度反擊了！

腳掌起至大腿之間時，泰臣耀西兩腳合攏，緊緊夾住陳梓傑的右腳。

無法收腳的陳梓傑變成單腳平衡，泰臣耀西上身前傾，伸臂使出閉日！

「嘩呀！」陳梓傑當場盲了左眼。

失明除了是身體的實際傷害，更是心理上的沉重打擊，陳梓傑戰意和銳氣頓時削減一半。

泰臣耀西趁機會將他推倒落地，左右手梅花間竹的對他頭部揮拳，轉眼間戰況逆轉。

陳梓傑無力反抗，頭部不斷給重拳打擊。

「唔……呀呀……啊、噫唔……」陳梓傑嘴裡不停吐血。

「嗄……嗄……」泰臣耀西停下手，場外的人卻叫他繼續。

「喂！繼續打啦，佢頭先打得你咁過癮，你唔係停手啊！」一名叫嚷的大叔踢著八角籠。

「我已經贏咗，唔洗再打。」泰臣耀西舉手向裁判示意。

拳賽裁判見陳梓傑幾乎失去意識，但未完全失去意識，渙散的目光仍有一絲焦點……

「仲未knock out。」拳賽裁判的意思是拳賽仍要繼續。

泰臣耀西不想狠下殺手，轉用二頭肌扣住陳梓傑頸動脈位置，喊出自己招式的名字：「迷魂鎖。」

不消一會，陳梓傑真的失去意識了。

「呯──」陳梓傑倒落地上。

「泰臣‧耀西，勝！」拳賽裁判大聲宣佈。

「哈，我就知秦西會贏。」米田貢笑呵呵地拍掌。

拳賽結束後，泰臣耀西獲得獎品──雞蛋乙隻。

根據比賽的分級，拳賽獎品都會所有不同，但類型都離不開是食物。

雖然泰臣耀西身上添了不少傷，但全程喜不自勝，即場捏開雞蛋生吞蛋黃：「正！滿滿嘅蛋白質。」

「幾好啊。」米田貢像個班主探訪，拍臂鼓勵泰臣耀西：「第一場贏到都唔錯，仲以為你一味捱打。」

「多謝米生俾機會。」泰臣耀西都會半點馬屁說話。

「但有我個問題。」

「係？」

「頭先做咩唔喺擂台打死佢？」米田貢望向被托出擂台的陳梓傑。

「我見佢已經……」

未等泰臣耀西說完，米田貢就插話：「如果你無殺人嘅覺悟，之後嘅「北部都會區錦標賽」就好難突圍而出，亦唔會有人有興趣睇你。」

「噫、係……」泰臣耀西感覺自己被教訓一樣。

「馬克，可以教下佢殺人？」米田貢笑問。

「殺、殺人都可以教到咩……」泰臣耀西怔住。

「當然可以，喺依個倖存區人命係好賤。」米田貢轉身離開，其他僕人都跟著離去。

是晚，香港賽馬會雙魚河鄉村會所。

醫療室中，獸醫正給泰臣耀西包紮。

「我可以意外咁打死對手，但要刻意打死對手……」泰臣耀西凝視著地面，一副悶悶不樂：「我有心理關口。」

我眼前除了泰臣耀西，更有躺著病床的張氏兩兄。

氣球屋墜落後第二日，他倆兄弟便同時間醒來。

可惜是他們一個雙手骨折，一個雙腳骨折，獸醫已用石膏固定好，接下來要等他們康復，不是說要他們能投球踢球那種，至少皮膚外傷要醫好。

「馬克教練，呢樣嘢真係有得訓練？」苦惱的泰臣耀西問我。

「有，緊係有。」我答。

「點做！？」

「我講完你係咪會做？」

「我……」

「嚟個簡單嘅先，見到窗台上面隻貓？」

醫療室的窗台上，躺著獸醫所養的英國短毛貓。

「係……」

「殺咗佢。」我指使。

「吓、吓！咩話……」泰臣耀西大驚。

「怕？」

可愛的英國短毛貓懶洋洋地打盹，對自己的命運一無所知。

獸醫和張氏兄弟聽到我們的對話，他們都同樣愣住了。

「唔好意思，佢係我隻貓……」獸醫想提醒一下。

泰臣耀西吞一吞喉，倏地站了起身，握實拳頭行向英國短毛貓。

「奶、奶油！」獸醫驚呼。

「喵」英國短毛貓奶油牠張眼駭見泰臣耀西舉拳。

「呯」重拳。

泰臣耀西沉著臉，把拳頭打向了牆壁。

「對唔住，馬克教練……」泰臣耀西合上眼，深深呼吸：「我做唔到。」

「你做唔到正常，貓咁可愛。」我會心一笑，輕撫奶油的頭部：「如果啱先你真係打落去，受傷嘅人會變成你」

「咁你點解仲要我……」

「我只係想知，你係咪嗰種為求目標，不惜傷害一切嘅人。」

張世一呼了口氣：「好彩好彩……」

張宇一笑說：「嚇死我，我都以為係真。」

此刻，泰臣耀西都在心中慶幸，原來自己是個好人。

「奶油！對唔住吖，我以後會陪你多啲！」獸醫馬上抱緊自己的貓咪。

那隻英國短毛貓奶油，現在心裡應該想著：「究竟發生了什麼事？」

泰臣耀西好快回到現實層面上：「但對上嘅比賽死亡率係七成以上，淨低三成一係重傷，一係殘疾，我覺得始終都要……」

「經過今日，你仲好想打落去？」我反問。

泰臣耀西猶豫半秒：「……係！喺大學個個都著重讀書，根本無人會玩拳擊，就算有……嗰種刺激程度都同唔到北部都會區呢到相比，嗰陣米生講我聽依到嘅拳賽幾精彩嗰陣，我已經決定死都要打拳！」

奶油

奶油係無辜㗎

希望墨巴睇到嘅話會回覆

佢可以點覆你哋唔通話：俾你哋發現到添

上嚟po文但唔回應，又一次扮睇唔到

免費撚幫推

希望墨說今次唔好諗住又扮睇唔到
我覺得要正面回應下，有個答覆都好

可以做到嘅
咪將連登免費文減半

貫徹香港人精神

我就唔幫推啦 結果應該都係冇俾錢嘅受害

笑撚死 你地覺得需要姐
墨狗唔覺喎