【北部都會區格鬥錦標賽】《病港ＩＩ》（７０）

仲要比個痴線佬

根本嗰個世代就唔會有咁多人幫啲無謂人 仲要係跨區嘅無謂人 得閒到

王秀幾時出返嚟

我覺得
搞信用卡畀錢會好好多
又要轉數又要ig
煩到煩死

「殺得好。」一個中氣十足的人，站於岩壁頂部。

抬頭一望，戴貓頭鷹面具的男人，孤高的俯視著我。

什麼深山野嶺，大半夜有那麼多人。

「又係獵手黨？」我了當地問。

「係，曾經係，但如今依棵大樹害蟲太多。」貓頭鷹使用著借喻嗎？

「……曾經？」

「請你幫個忙，割佢個頭拋上嚟。」

「你要佢個頭？」

「係。」

「嗯……好奇怪嘅要求。」

「主要用嚟梟首示眾。」

他是獵手黨中的好人？

「點稱呼？」我主動問。

「梟。」

「梟……你應該唔會有位朋友，叫做雕？」我曾聽聞獵手黨內有「四禽」，隼和雕都遇過，難不成他是梟。

「佢係位努力嘅朋友，仲嘗試住重組整頓緊分崩離析嘅獵手黨，但依棵良秀嘅大樹內部一早腐蝕得非常嚴重。」

我蹲下來拾起羅馬短劍，如切豬肉般斬斷方鋒影脖子，接著把頭顱高高拋往岩壁上。

梟伸手接住，收下頭顱。

「咁你？」

「我算係脫離咗黨，清除緊害蟲。」

「真正應該統領住獵手黨嘅老大去咗邊？」

「我都想知。」

「……」

「有緣再見。」

和梟的對話結束後，我自己都下山回家去。

第二天，方鋒影首級果然被懸掛倖存區公路上一條橋，民眾嘖嘖稱奇地討論著。

經我昨日的獵殺行動，吳丑奇、葦英蒲、方鋒影，三名獵手都同日身死，事態或多或少驚訝到背後的錦綉政權。

不過獵手黨的插曲，算是告一段落。

雙魚河鄉村會所，游泳池。

游泳池正中的米田貢左擁右抱，飄浮水面上的餐盤有各款新鮮水果，兩旁的女伴不停給他餵食，活像個酒池肉林的皇帝。

「聽講耀西傷咗，仲點打比賽啊？」

「我會出場。」

「你肯出場？」原本抬頭要吃下葡萄串的米田貢，目光移動到我身上。

「我好易俾人認出，你有方法解決依個問題？」

「依個年代要化妝好易嫁喇馬克！」

「打拳嗰陣身體好熱，我諗好易溶。」

「總之我有個御用造型師俾你，好易搞掂啫。」

米田貢所說的造型師，是為他設計出托加長袍穿搭的人──比安基。

比安基說最容易改變形象的方法，是將那個人剪成光頭。

可是頭髮恰恰代表著我的尊嚴，我自然拒絕了意見，於是他說出另一個婉轉的方法，就是電影中經常用到的硫化乳膠光頭套。

硫化乳膠光頭套不易找，北部都會區不會有地方販賣這種奇怪東西，最合理的方式是找人製作一個，於是米田貢指使自己聘用的獵手，特地遠赴到中文大學倖存區，委託當地的專業人士製作。

下單僅花了一個星期時間，硫化乳膠光頭套就到手。

比安基給我硫化乳膠光頭套上妝時，說我不會想像到米田貢為了它，究竟花費了多少的資金。

佩帶光頭套前，要先用定型髮膠給我頭髮向後梳平，然後吹乾保持平整，頭髮凹陷的地方可用絲棉補上。

光頭套上好後用接邊膏上色，好讓膚色看起來相似。

為騙取他人不得不化顯老的妝，刻意留些鬍鬚不剃，抹掉以前的輪廓。

因為蘇維眼珠色澤異常獨特，我額外戴了個黑眼罩。

一轉眼間，我已成了光頭的獨眼拳手。

單看外表，都覺得充滿故事的那種人。

是的，我打算掩蓋著蘇維眼去打拳。

一來，米田貢告訴我假如想吸引觀眾成為粉絲，就需要有高有低的刺激比賽，而不是一面倒的壓制。

二來，正好可以測試下我格鬥術的強度。

「馬克，你可唔可以幫自己起個霸氣嘅名？」米田貢鑑賞我一身造型時，叫我創立新名字。

起個假名也有需要的，畢竟約翰‧馬克是牧師身份，拳手身份應該要是另一個……

「獨眼‧尼克。」我隨口說出。

「尼克就尼克，點解前面要加個「獨眼」？」

「嗯……」我改名一向不擅長。

米田貢一錘定音：「就叫「亞貢」喇！反正你係代表我米家，個「亞」字表示你係第二，「貢」字就代表我，即係第二個我。」

「你點話點好。」我不是創建名字要想半天的那種人。

如是者，北部都會區的拳賽，就以「亞貢」的名號出戰。

可惜上次官方預選賽經已結束，近期拳賽主辦方不會再舉辦新人級別賽事，但米田貢告訴我還有個方法取得門票，那便是得到拳會方面的高層相中。

拳會官方除了正規的比賽，旗下尚有其他比賽項目，就等於足球世界有足總盃或歐冠盃賽事，不會獨沽一味，其中吸金率最高、最精彩的比賽名為「無限戰」。

顧名思義主辦方會不斷給出不同敵人，看挑戰者能捱多長久，挑戰的層級越高獎品越豐盛。

為了讓我準備充足，米田貢特地帶我去看一遍賽事。

無限戰舉辦地點是羅湖懲教所，遠離一般防疫員檢測的範圍。

觀賞比賽當晚未踏入會場，在外頭已聽見澎湃的叫聲。

補上po 800正評

如同夜店的氣氛，會場內十分吵鬧。

射燈打在牆上渲染出美麗的影子，宛如一場視覺盛宴，讓人不由得沉醉其中。

空氣多多少少混雜著酒精、汗水和錢臭的氣味，門口兌換處列明不同食物可兌換多少拳會專用籌碼，如果想下注就得用他們的籌碼。

每個監倉都是一個格鬥籠，上演經典的籠鬥。

濺血和甩骹可說是家常便飯，狹小空間不斷出現血淋淋場面。

貼身肉搏至血肉模糊，只為博圍觀的醉漢一笑。

「估唔到有咁多拳賽。」我環顧整座懲教所。

「拳擊係倖存區最高收益嘅娛樂，係我哋北區人嘅傳統。」米田貢指向不同監倉，給我詳細說明：「依到有唔少拳擊俱樂部，經常都有專業拳手輪流出戰保持住收益，吸引人流。」

「聽落都幾有規模，初初我仲以為只係業餘舉辦嗰種。」

「依到嘅拳擊俱樂部有幾十個，入面最多人支持嘅，有熱拳、北聯仲有阿農奴俱樂部，有望力爭上游嘅有拳體會、黑曼巴俱樂部，至於拳擊聯賽現任冠軍係嚟自皇拳俱樂部嘅小林曾。」

「搞咁多俱樂部有咩用？」

「一嚟比較有競爭性啦，二嚟拳手受傷醫療開支都唔細，有俱樂部喺背後可以幫輕下，但你有我睇住就唔洗怕錢問題。」

突然！某一監倉前的觀眾起鬨發生爭吵，兩方支持者互相開始身體碰撞。

米田貢最愛看熱鬧，馬上湊去看戲。

「說！」操著一腔東北口音的拳手，與對手倒地纏鬥：「說自己和北聯俱樂部是狗！我就放開你！」

「啊──！」給鎖技壓制的北聯拳手是名中年的香港人，臉部快要發紫的他咬緊牙關什麼都不說，堅決不肯低頭自比是狗。

「哈哈哈，你睇到啦？幾精彩。」米田貢最愛的畫面出現了。

最終北聯拳手失去意識，口吐白沫，被判戰敗給抬出監倉。

「同我要參加嘅賽事有咩分別？」

「你最後要參加嘅叫「北區格鬥錦標賽」，佢係真正奠定拳王地位嘅賽事，因為只有頂尖拳手可以參與。」米田貢指向周圍的監倉：「依家呢到嘅叫「北區格鬥聯賽」，係含金量次一級嘅賽事，但都非常精彩，只要有加入任何格鬥俱樂部都可以參加，而無拳擊俱樂部嘅新仔，只可以打地區周邊嘅預選賽，因為多數係爛仔架所以無咩人會去睇，但俱樂部嘅拳探會去嗰到招募有潛質嘅新晉拳手。」

「咁兩個賽事規矩都一樣？」

「大致一樣，但北區格鬥聯賽唔可以挖眼、踢襠、啃咬，而且俱樂部間都有個不成文規矩，就係唔會真係打死雙方嘅對手，因為咁做會對俱樂部造成損失，對大家都無利。」

「難怪嗰個東北佬頭先放佢一馬……」我就在想他一臉殺氣，怎會那麼仁慈。

「嗰條東北佬係阿農奴俱樂部嫁，成個格鬥會都係由倖存區嘅農奴階級組成，我同你講過農奴都係上面拐帶同偷渡落嚟，所以你唔會聽到佢哋嘅拳手講廣東話。」

「頭先北聯呢？」

「北聯就係由北部都會區市民組成，粉絲基礎數最多。」

「仲有咩熱拳、皇拳？」

「熱拳就多後生仔入，皇拳就係專門招攬菁英級拳手。」

「如果我要打嘅係北區格鬥錦標賽，即係我唔洗加入俱樂部。」

「係唔洗，你只要拎住我個名號上陣就得。」

「鈴鈴鈴鈴──」倏地，懲教所響起銀鈴般的鐘聲。

「下場「無限戰」將喺三十分鐘後，喺E5區舉行，投注將於十五分鐘後截止，各位把握機會喇！」一位苗條女朗站在桌子上，高舉著比賽告示牌喊。

「去睇戲嘍。」米田貢繼續領我去參觀。

米田貢走到E5區的貴賓席沙發坐下，不用跟底下的平民百姓擠著身看比賽。

無限戰場地是個長方形的大籠子，東、南、西面皆人山人海，餘下的北面敵人進場用入口。

「如果話啱先嘅聯賽，算係比較嚴肅認真，咁無限戰嘅娛樂性就比較高。」米田貢藏不住嘴角的笑意。

「點娛樂法？」

「你睇落去就知。」

二十分鐘後。

「各位好呀！九點半又係時候睇最精彩嘅無限戰，今日都係我RJ！」一位穿著白背心和垮褲的平頭黑人，以說唱形式開場：「我諗大家都飢餓難耐，今日嘅挑戰者佢叫做鄧昇余，佢嘅本事到底可以打上幾多層？」

籠中的鄧昇余僅穿著格鬥短褲，背脊上留有駭人的刀痕，那是他赤裸裸的戰績。

「第一關熱下身先喇。」RJ嘻笑。

連接鐵籠門口的黑暗走廊中，傳出快速的奔跑聲……

「無限戰最大嘅娛樂……」米田貢凝視鐵籠入口，緩緩地說：「就係觀眾同挑戰者都唔知自己即將要對付嘅係咩。」

「汪！！」一隻皮毛潰爛的唐狗，如同猛虎入閘。

「答案就係狗！佢係俾我哋大會方特登餓咗三日嘅狗！」RJ自豪地宣佈。

鄧昇余看準時機，對那隻撲來的唐狗施踢。

本想踢飛的唐狗，竟反被一口咬住腳掌，鄧昇余旋即將腿掃向鐵籠，讓唐狗狠狠撞上籠子。

「呯鏗──」

「汪！汪嗚……」唐狗馬上又要撲咬。

鄧昇余提腳猛踩，活活將唐狗踩至重傷然後斷氣。

唐狗由本來的高叫，變成痛吟，再到嗚咽。

僅花一分鐘，姓鄧的打贏了。

對愛狗人士來說，是極其難受的一分鐘。

RJ：「有冇人想食狗肉鍋呢！？俾錢嚟我哋即刻現成煮俾佢，啲血啱啱流出嚟仲新鮮仲熱呀，但如果食完生皮癬唔好怪我哋啊！」

第二關，一位患有唐氏綜合症的年輕人。

RJ：「哇，啱啱嚟完唐狗，依次嚟咗隻唐仔……今次鄧昇余嘅對手我唔講咁多喇，你哋明嫁啦下！我仲想上天堂呀大老。」

籠外的觀眾不停給予意見：

「打死個弱智仔！」

「咪住，插盲佢對眼先！」

「慢慢折磨佢啦，呢種人簡直拖累我哋倖存區啊！」

唐狗都尚好，但竟然找有遺傳性疾病的人來玩弄……

實在令我……

「亞貢。」米田貢直接稱呼我的新名字：「你幫佢唔到，依個世界就係咁殘酷。」

「……」米田貢猜出我的想法嗎。

「你估個唐仔係邊個賣佢過嚟拳會到？咪又係佢屋企人，末日後嘅社會係弱肉強食，唔會再包容所有人……佢死喺到或者係最好嘅結局。」米田貢苦口婆心的勸說我。

「……」

「你仲要幫我出賽，你仲有更偉大嘅使命！唔好干預人哋嘅比賽，你唔記得我會所仲有成倉米等你拎咩？哈哈哈哈。」

有時候最無力的，不是你無能力阻止事情發生。

而是你有能力，卻阻止不了事情發生。

早文一推

真係慘， 咁多人講左咁多日， 一個道歉解釋返件事同補救方法都冇
每日貼完就縮就閃， 課左三年半金e 家真係賤過狗

有啲情況你講野唔叻， 唔代表你可以skip 唔講
e 度人少少， 打d 字解釋返件事， 補救返， 之後做好d, 跟本大家俾左錢既都收貨啦

e 家佢不聞不問， 是但有個巴打真係報驚， 上網唱佢， report 俾出版商聽， 佢就真係玩撚完
ed 事唔係冇發生過響其他人度， 孔明已經係一個例子
賣書， 拖左一兩年唔寄， 深潛， whataspp, facebook, ig 搵佢唔到
最尾d 人真係走去報驚， 佢亦再冇書出。
我唔想佢變第二個孔明， 所以咪撚再潛啦。

好老實講如果個回應正面啲嘅話一定唔會俾咁多人屌，例如正面回應點解冇一日3000-5000字，有冇咩補償返課咗金2-3年嘅讀者（唔係依家日日靜靜地加更就算）
最少我一定唔會屌
依家個回應唔嗲唔吊仲撚戇鳩

玩到咁大

平時墨巴都會出黎講兩句，依家真係泊左水

無錯 靜靜地出文就係最好既結果

阿獌熱蝗

因為我都係其中一個苦主
前前後後搞左兩年先退得返錢

佢話自己同助手一路都有處理， 先處理響香港既巴絲， 再處理外國既， 之後話屋企有事， 但係又結婚， 老婆小產， 老婆又有左， 生埋都未寄書。

大家都搵佢唔到， 到最後facebook 都閂埋留言功能， 巴絲們report 左俾佢賣書既平台， 出版商， 有人報左驚， 外國巴絲就report 左俾paypal, 香港就report 左俾銀行。

唔怪得，始終消費者重視自己既權益都合情合理既希望墨巴唔會走到呢步啦

如果將出文改成一星期一休，每星期放一日假，會唔會對大家都好啲

信用卡食手續費

格鬥籠內好快傳出求饒聲，與籠外的嘲笑怒罵成對比。

鄧昇余不停地痛擊對方，直至他倒地抽搐。

我麻木，但不冷血。

我沒興趣再留下來觀看，打算逕自離開。

米田貢又彷彿洞悉我的心思：「亞貢，如果我叫你即刻落場打，你濟唔濟？」

「可以中途插入？」

「原本係唔可以，但如果……」米田貢那正直的臉龐上，泛起邪氣的笑容：「我使少少手段唔係話唔得。」

「速戰速決。」我點頭。

米田貢彈響手指，呼叫僕人去叫拳賽經理前來。

很快，身穿西裝的拳賽經理恭敬到來：「米生，請問咩事？」

「如果我位拳手，想要突然加入無限戰可唔可行？」

拳賽經理面有難色：「呃……米生，賽事已經開始咗，況且好多人已經落咗注，你嘅要求我比較難處理。」

「向經理，你幾耐無食過肉？」

「對上一次係阿女生日，我哋全家一齊食豬肉。」向經理不其然地吞喉，看來非常回味那次的滋味。

「豬肉？哈哈哈哈哈哈……」米田貢笑得好大聲。

「……」向經理怔著。

「有冇食過我哋「五谷行」嘅上等牛肉禮盒？」米田貢續問。

「哈……咪玩啦米生，你嘅牛肉禮盒得錦綉嗰到嘅皇親國戚食得起，一盒已經係好多人成年嘅工資。」