【北部都會區格鬥錦標賽】《病港ＩＩ》（７０）

做人唔好咁自私 你想有盡頭姐 唔好下下用自己代表晒所有讀者

咁佢講佢作為讀者嘅其中一個睇法有咩問題？？
要綜合哂咁多讀者意見先可以發表？

墨巴雖然我唔介意你慢慢出文，同埋長文好似樓上巴咁講當愛回家咁睇我都唔介意，但我覺得呢個係我追你文咁耐以黎最大嘅公關問題，我希望你可以正面解答下如果你真係有困難，道個歉又好，出返多幾篇都好，總比冷處理更加容易接受。
畢竟睇左咁多巴打不滿嘅回應，大部分都係課金巴打，佢地都仲係好支持你。所以我希望唔好令咁多位巴打對你失去信心
利申返，我都有課過金，都有買哂病港1，唔好話我係免費睇文

咪搞笑啦 佢條友下下以讀者自居 我從來都冇投訴過啲支線 所以佢可以代表埋我投訴？

各有各想法，打和

依兩日課金嘅份量應該係double咗

墨默耕耘

頂替拳賽之前，我有件事還要處理。

趁天未黑，我乘騎摩托車前往落馬洲警署，對上的新深路是連接深圳皇崗。

雖然一直以來我們都無法得知香港以外地方的消息，但多年來沒有外國救援的情況可推測出，世界各地不會好得去哪裡。

所以與其花時間去找片樂土，倒不如自建樂土。

每個社區都設有防疫員檢測站，落馬洲一帶也不例外。

北部都會區越是偏西面錦綉花園的地方，保安措施便越是嚴謹，位於中間的落馬洲同樣。

為掩人耳目，我必須換裝。

長年作為間諜，我有另一個偽裝的身份──牧師。

摘下鳥嘴面具，頭髮綁好馬尾，換上修身端莊的牧師服，我便是約翰‧馬克。

我出發離開雙魚河鄉村會所前，問麥里佐要盒醬牛肉，行賄檢測站的防疫員。

作為警察體系的防疫員會忠誠，不外乎兩個原因。

一， 洗腦。

二，待遇。

在末世時期，肉品被稱為可吃下肚的金塊。

我只需給出醬牛肉，再說自己只是來傳教，他們檢測標準就會鬆很多。

「神父，你最好真係嚟傳教，唔好搞咩花樣啊。」防疫員給我放行。

「勞煩幾位。」

我沿著落馬洲路直駛，中間轉入落馬洲徑，直至看見盡頭的警署。

「先生，你搵邊位？」警署入口的防疫員舉掌攔住我。

「想問警署係咪有位劊子手。」

「係，然後？」

「係佢叫我嚟，想上帝寬恕佢嘅罪行。」

「吓？」防疫員擺出愕然的表情，手指向一條偏僻山徑：「個劊子手間工作室喺嗰到，你入去應該會搵到佢。」

「唔該。」

踏入綠樹成蔭的山徑，如同一座黑暗森林，那裡的花草不見天日，光線受高樹阻擋。

盡頭有間木材搭成的倉庫，裡面瀰漫濃濃的血腥味，工作檯上擺放大量刑具，但沒有人在。

期間我偶然發現倉庫有後門，後門打開後能通往鐵礦山的公眾行刑場，那是塊黃塵滾滾的空曠沙地，行刑場外約有二、三十名居民圍觀。

烈日當空下，四名給捆綁的囚犯跪在地上，有的哭泣、有的叫嚷、有的沉默。

負責行刑的劊子手，身穿大紅大綠的衣裝，手持大砍刀和燒酒。

「犯人曹可軍，偷竊雞隻，行刑。」防疫員一旁宣讀罪名。

「只不過係偷隻雞……只不過係偷咗隻雞……」曹可軍一直唸唸碎，忽然大喊：「只不過──」

聲音戛然中止，人頭落地。

那劊子手雙手蓄力，揮刀便斬下對方頭顱。

「佢應該就係我要搵嘅人……」我行往觀眾之間，等待行刑結束才上前問話。

「犯人朱緯經，犯人郭寶欣，一同入室盜劫，殺害黃某全家四人，行刑。」防疫員繼續宣讀。

「寶欣……下世我哋再拍拖……」朱緯經笑說。

「嗯！好！」郭寶欣回答不夠一秒，其男友即人頭落地。

再下一秒，她自己都眼前一黑。

劊子手先揮刀斬斷男首，然後順著刀揮出之勢，轉身再斬下女首。

行刑場上，餘下最後一個犯人。

劊子手喝口燒酒，噴向自己的大砍刀上：「做多個收工。」

「犯人黑謀士，強姦兩名女子，包含十一歲以下兒童，行刑。」防疫員垂低手，全部罪犯宣讀完畢。

那個叫黑謀士的看他一身黝黑的皮膚，應該又是出自那個什麼「黑曼巴」家族……

「收工？」將要受死的黑謀士面露笑容。

劊子手揮刀之際，黑謀士身體突然前傾伏下，讓大砍刀砍空了，再起身向前奔跑。

「呼──」

「你！？」劊子手瞪眼。

同一時間，圍觀居民裡竟有三名黑人衝入行刑場接應，像是有預謀的逃脫行動。

其中一人更亮出土製手槍，意圖朝劊子手射擊。

劊子手當機立斷，將場上那名防疫員當成肉盾。

「呯！呯！呯！」三槍射擊下，防疫員中槍倒地。

同樣地，土製手槍只開了三發子彈就報廢。

「走呀走呀兄弟！」三名黑人兄弟護著黑謀士離開，真的不得不佩服他們的鄉里情誼。

圍觀的居民好自然讓開一條路，既不想自己受到傷害，又想繼續看好戲。

四名黑人發足奔跑，手持大砍刀的劊子手立刻追捕。

我站在居民讓出的路上對黑人們出拳攔截，不到十秒就將四名黑曼巴家族成員拿下。

劊子手見我一人扳倒了他們，先呆一呆的看著我，然後才舉手示意勞煩了。

事後，四名黑人被就地正法，無需審判程序，毫無法律可言。

「我係用獵手黨身份解決佢哋，唔需要走程序登記。」劊子手對圍觀的居民說。

「做得好！好呀！」上了年紀的大嬸叫好，給劊子手遞上一袋饅頭：「劊子手大哥！沾少少血唔該你啊！」

「仲有啱啱唔該你……神父？」劊子手接過那袋饅頭，並對我上下打量：「你身手幾好。」

「我係專登嚟搵你。」我說。

劊子手帶著那袋饅頭到行刑死去的屍首前，蹲下來將每個白饅頭都沾點新鮮血液，然後整袋交回大嬸手上。

「唔該唔該。」大嬸雙手接過答謝。

「人血饅頭？」我訝異。

「好嘢嚟，佢哋話食咗可以治百病。」劊子手留下來處理囚犯的屍體，將無頭屍首都搬上一架木製推車。

補上po 600正評

吳奇丑一路把木製推車推入倉庫，終於有時間回應一下我。

「我哋獵手黨成員多數都有兩種身份，一個在外好似我咁擔任公職，一個在內就係執行獵手嘅事務。」吳奇丑拉下某條鐵鏈，倉庫大閘隨即關閉，封住倉庫的入口：「你想我用邊個身份對你？神父……」

「如果你有唔好嘅念頭，勸你都係即刻打消，我只係需要佢嘅位置。」我善意地警告。

「哈。」吳奇丑喝口燒酒，用嘴噴落大砍刀：「咁你唔好怪我……」

十分鐘後。

「嗄……啊……噫噫啊……」吳奇丑渾身披血，無力地躺臥地上。

「何必搞到自己咁？」我冷冷的俯視著他。

「你……嗄……我、我根本唔識你！」吳奇丑口腔含著血，說話都很困難：「你唔知頭唔知路嗄，我點會答你條粉腸！噫呀呀……」

「好彩係你依到有大把刑具，我可慢慢問你。」

「哈哈哈枉你係信上帝……」吳奇丑笑說。

「我擺明係假牧師。」我到工作檯前挑選刑具。

「嗄……嗄嗄啊……」吳奇丑偷偷站起，想從背後偷襲我：「呀！」

我早有所料，望都不望向後一踢。

「呯！」

「嘩呀──」吳奇丑飛彈兩米，喉嚨噴出大口血花。

「老虎鉗。」我一眼找到合用的刑具了。

我拿著老虎鉗，轉身行向吳奇丑：「好多人淨係用嚟夾手指，但其實夾其他位痛楚都一流。」

我用老虎鉗伸向吳奇丑鼻骨，粗暴地夾斷鼻樑。

「呀呀呀呀呀──」

鼻血如瀑布般狂流，臉容扭曲猙獰。

「或者幫你拉下眼皮。」我用手指抽起吳奇丑眼皮，再用老虎鉗夾實向上抽拉。

「嗚唔唔唔……」吳奇丑痛得不由自主地拱起腰骨：「呀！」

「其實只要供佢出嚟就無事，反正你哋唔係咩知心朋友，無必要為佢無咗條命。」我老虎鉗下個目標是他的門牙。

「牛……潭山……」吳奇丑終於吐出有用的資訊：「凌晨。」

「點解？」

「獵手……黨……劍客……圈子……都喺……嗰到出沒……」

說起來上次摩西吃掉那個劍魔，也是在那裡練劍。

「放過我。」吳奇丑餘下半條命。

我去握起大砍刀，走向吳奇丑。

「喂……喂喂、講好唔係咁……」吳奇丑一時激動又再吐血。

「我唔會俾機你報仇。」

「霍！」我拉刀一斬。

吳奇丑項上的頭顱飛噴出來，與身體分離。

我扔下大砍刀，拉開倉庫大閘。

「轟隆」閘開的時候，外面世界已經狂雷暴雨。

冷冷的雨水正好為我沖去身上的血跡……

至今我殺了多少名獵手？沒印象了。

獵手黨整個組織，真的腐敗得很。

上樑不正下樑壞，他們歸根究底是錦綉縱容出來……

如果要整頓全個獵手黨的話，那得對錦綉政權下手。

畢竟獵手的特權，都是由錦綉給予。

凌晨，牛潭山。

由下午到現在，都維持著大雨。

我在山上等待良久，就為了等出方鋒影。

上天沒有辜負我的努力，靠著特種病獵卓越的聽覺，好快我就聽見雨中的揮劍聲。

我循聲尋覓，找尋到一位劍客的身影。

可是用蘇維眼睛鎖定後，我發現不是自己要找的那位。

我在牛潭山中多找兩個小時，又偶然發現林中一個詭異的身影。

他抬頭喝著天跌下來的雨水，但我不會看錯，穿著斗篷和斗笠只有一個人。

「喂。」我呼叫方鋒影。

方鋒影轉身望來：「啊，係你。」

「用咗全時間嚟搵你。」

「因為我殺咗成間茶記嘅人？無人叫你搶咗我嫁電單車。」方鋒影不當作一回事。

「殺人要填命，準備好未？」

追左咁多年大家都攰啦，我都就黎有心無力

寫嘅攰，睇嘅都攰

其實係自從有左課金網先有咁多不滿，以前大家都免費仔人人平等，大家進度一樣，會一齊討論劇情，氣氛多數和諧。但有左課金網，有部分人支持又好，想睇多啲又好，變左有兩堆人，一堆連登繼續免費睇，一堆課金網比錢睇。都係個句沒有比較，沒有傷害，課金嘅人後黎就發覺大家進度差得唔多，開始有怨言。

墨巴，明白你都唔細，係到左要搵錢養家嘅時候，但如果要賺錢，不如收平啲，等多啲人接收到嘅範圍定價，好似大家都會訂閱netflix spotify咁可能仲吸引啲。
另一個方法就係 keep 住當興趣咁寫，咁養家就要另覓工作，呢個方法好在，最多啲人屌你出文慢，但唔會有人覺得你呃錢乜乜柒柒。

以上都係純粹個人睇法同建議，人生存係世界上就係受盡折磨，無論咩事都好，欣賞你嘅堅持同毅力，無一份工作或者職業係容易，大家都有難處，我地體諒你時，你又體諒下我地咁，希望你可以快啲over come到，既然無回頭嘅道路，唯有繼續向前出發。始終作家最大嘅顧客都係讀者，我覺得大家多啲互動同溝通會係好事，你有困難下次早啲話比大家聽，相信大家會明白，可以企係你立場度諗。明白男人有時唔想講咁多，我自己都會有咁嘅時候，但就當為左自己精神健康，可以多啲講出黎，就算私事唔想同讀者講咁多，你可以簡單交代下就算，記得搵朋友傾下計！

未準備好

戇鳩 被代表仲要打和 仲要幫個白卡

佢好似課金網嘅一個人，大部分留言都係屌墨巴 又係主要都係講支線悶支線多，日日都見到佢屌又支線，前排先俾人屌到潛咗水。
明明今次件事同個故內容無關，佢都可以格硬去講支線多喺度帶風向，我勁懷疑其實係咪同一個人黎 。
利申 我都認同有部份內容係比較悶（eg. 艾匡），但係唔會用咁嘅形式去表達囉。仲要趁墨巴出事中間講，我想知啲人like佢comment嘅原因係見係鬧緊墨巴就like定真心認同佢講嘅野

追得好爽，追病港真係我每晚收工最期待既睡前活動，好多謝晚晚都keep住出文

咁佢唔用讀者自居應該用連登仔定香港市民？
咁佢真係讀者黎喎

我一樣 病港一開始已經係 完全變咗習慣 唔追唔安樂

「瞓醒要睇文，準備好未？」