【北部都會區格鬥錦標賽】《病港ＩＩ》（７０）

我估個波幅應該做唔到咁遠 所以中大啲人先要咁樣擺個腦過去做router

一開始都未有天腦，無咁快封鎖到消息啦

往後同樣有兩、三隻病翼前來騷擾，但都被我用來福槍擊退。

至於他倆兄弟居然放鬆得玩命。他們一個站在門口前全身仰後，另一個則在屋內握緊他的手，不讓他往後跌墮。

「到我到我！」兩兄弟位置調轉，再做一次那危險動作。

「一陣真係跌咗落去，真係喊都無用。」我冷眼看著。

「唔會喎，我哋好信得過對方。」張世一感受著天空上的自由。

「啾啾──」高頻率且尖銳的猛禽叫聲，忽然在東北面傳來。

「死……」張宇一馬上拿出望遠鏡，觀察聲音的來源：「係黑鳶。」

「鳥類？」我問。

「香港好常見嘅猛禽。」

話口未完，那隻黑鳶竟隻身衝向我們頂上的氣球！

「啪啪啪啪啪──」一下子幾個氣球爆裂。

「……嘩！」張世一嚇得軟坐。

那隻黑鳶繞迴一圈，又繼續飛快地衝向氣球。

「啪啪啪啪啪啪啪──」又多數個氣球爆裂。

「喂！馬克，可唔可以射佢落嚟啊……」張宇一急問。

「你當我神槍手咩……」真正的禽鳥比病翼飛得快好多，體形細小，根本極難捕捉。

縱使蘇維眼睛能捕捉牠的動態，我也沒絕對的距離感預知要何時開槍。

我一連射了三槍，但都射空。

「你哋有冇帶嘢食上嚟？」我轉身問。

「呃、呃，有嘅……」張世一翻找背包，拿出午餐盒裡的沙甸魚三文治：「我原本諗住升到最高嘅地方食。」

「個天真係睇幾多次都咁靚……」張世一看得如痴如醉。

「我就係鐘意天上依種平靜感。」張宇一繼續使用望遠鏡：「咦……嗰個係咩嚟……」

張宇一指向北面較上的位置，我跟著探窗抬頭望上去，離遠看確實有個黑點，那東西就這樣停留在上空，非常奇怪。

「升高啲再睇下。」張宇一說。

「喔！」張世一捧起那些沙袋，將沙子灑出半空。

重量受減的氣球屋，繼續緩慢地上升。

當我們位置越來越高，才發現那黑點是個籃子。

「係熱氣球！」張宇一吃驚。

張世一又驚又喜：「香港地有人同我哋一樣，用熱氣球上天空呀！」

這件事的概率，真的很低……

但就是發生了。

「喂！上面個位先生或者女士！」張宇一不停對著上方大喊，不停灑出沙袋減輕重量：「聽唔聽到我哋講嘢啊！？」

等到我們氣球屋上升到與熱氣球若干位置，我們才發現那熱氣球上的根本不是人類而是……病腦。

單純是隻聰明的病腦，研發製作出熱氣球升上天空。

張氏兄弟本來喜笑顏開的表情，都轉變成愣然定格，深層的畏懼流動全身。

「唏嗤嗤……」一直等待我們升上來的病腦，嘴角浮出邪惡的微笑：「嘰嘰嘰……」

「呯！」我二話不說對其腦瓜開槍。

該死的改裝氣槍，子彈打入了頭骨，卻無法徹底貫穿至後腦，他那腫大的腦袋承受住衝擊的傷害了。

「喲嘎！！！嗉嗉！」腦袋中槍的病腦瘋了般嘶叫，馬上控制熱氣球撞來。

「呯！呯！呯！」我連開三槍。

其腦組織仍未摧毀，只是令到病腦更為憤怒。

「嘩呀呀呀！！！」張氏兄弟跑向操控桿，控制氣球屋遠離熱氣球。

真糟糕，這麼大的腦袋……

小小一顆子彈到底要射到何時？

點睇牙冰係ig幫你宣傳病港

推

牙冰好識貨

Lm

射爆病腦個熱氣球由佢跌落去唔係仲快？

子彈咁細個窿應該反而作用唔大？ WW1嗰啲氣球都係火攻先有有

新po lm

唔知冰姐有冇睇，
Say 個Hi

係

酒店故嗰期牙冰都有喺ig講佢有睇

感謝支持

where 牙冰

想問病港預仲有幾耐完

lm

十年