裝修比預定遲20幾日，正唔正常

材料我全部搵設計公司買，至於改動，我只係3月時講過要加兩張床

“開頭給我設計圖時一個價，後來每隔幾個月加一次，又改稱原來樓梯不包，燈不包，很多很多項目又不包，工程一直拖，但已變了五百多萬”

咁佢份報價當初點寫？一份合格嘅報價單係應該要有itemized breakdown，有適當嘅數量同單位（例如米/平方米/個），多數會按照房間location去分好類，有寫清楚包嘅物料來源地牌子，寫清楚要包嘅工序/施工方法（例如瓷磚係用乾濕沙定係膠沙？做完防水要包試水？做完水喉要谷磅？），有咩item係事後翻度（例如電掣係按最後做咗幾多個計數？），有咩嘢係個客自己買料（常見例如潔具燈具）

“最初說9個月完工，後來年半還不行”

仍然係報價單問題，當你成功俾人話到咁多野唔包，咁佢自然大條道理話你加野要做耐啲啦

“要整理漏水問題，但結果整間屋漏水仍非常嚴重”

呢個就唔知係手工物料問題，定係有其他原因喇。

不過佢單野都10年前，我上年搵裝修公司果陣，搵咗三間，都有兩間俾到份見得下人嘅報價。淨低果一間嘅報價，咩item都係一單一單，電掣寫約幾多個，要佢改又唔理人，淨係識得問我幾時confirm佢

告佢
告到佢仆街

睇返你個情況，其實人地賠返十幾日酒店錢你已經係肯負責任嘅行為

7月完工3月要求加床，聽落係有俾到裝修公司好充足嘅時間嘅。

見你有搵設計公司，即係一站式包設計裝修果種？咁合理期望係佢主動按工程進度約你去夾野，所以傢俬遲咗聽落係佢責任，但佢都已經賠返酒店錢俾你，當然如果你認為你因此仲有咩損失，你可以再循法律途徑追討。

至於點解上面咁多人都話要預鬆啲時間？你自己個case都睇到啦，工程期間嘅延誤，有時兩邊都各自有要負責嘅部份。例如房署執修會遲，呢個係業主嘅風險。所以如果預得太緊到頭來只會自己suffer。

冇lu, 我見佢肯賠我都冇追究落去

真

樓主應該係第一次裝修

口頭承諾其實好易出事，到時人地唔認數，你有冇咩證明？錄音？第三方witness？

所以最好叫佢白紙黑字寫低晒。

多得朋友介紹，搵左間準時完成＋成個過程同價錢都好滿意

剩傢私未搞,己經可以住

想問吓大家啲裝修係咪都預咗佢會delay?

我交咗第一期錢之後，佢哋俾咗個好基本設計圖之後, 要三催四號係請先會嚟到度尺, 比完comment呢又唔覆, 要開始發火先覆你話改緊

你有冇full time RSS呀？

係會預delay, 不過多數係造傢私果part, 前期工作反而快

交貨唔差 冇爛尾 就算啦。