返新工前去咗兩星期北海道～非自駕遊記

咁你都影

之前無做好research
渣車去到見到一堆墓碑呆一呆
之後無再渣入去掉頭走左
search返先知原來真係呢條路入

北海道好多景點都係墓碑旁邊

Day 6 行程概要
- 宗谷岬
- 稚內溫泉 童夢（Again）

Day 6原本係plan去利尻島，不過要來回4個鐘船，加上個行程唔係好排得晒，最後放棄，今日景點其實只有宗谷岬一個 自駕嘅話可以去埋「白い道」，不過我搭巴士就無了。非自駕遊去宗谷岬，來回要2個鐘，搭巴士嘅話去程同回程各得兩個選擇。（疫情前好似多兩個時段，疫情後cut咗，巴士時間表：http://www.soyabus.co.jp/routebus/souyacape）

去程09:39之後就要等到13:20，所以一定係揀09:39最穩陣，10:29去到宗谷岬；回程就有11:14，之後就14:55。即係一係就揀留留宗谷岬45分鐘，一係就留4個幾鐘 時間都幾kick，但一場嚟到又要預食lunch，覺得無可能45分鐘搞掂，所以就預14:55回程。 去車站搭車，今日天氣都叫好好


去到宗谷岬，一落車已經勁大風，係打風個款，所以啲相係對唔正嘅 無間斷嘅大風，個時心諗之後個4個鐘點算，自駕都話可以上車避狂風，無車嘅我話畀自己聽此地不易久留，所以立即決定要坐11:14班車返去。未食早餐，狗衝去食原先搵定個間帆立貝拉麵。

Day 6午餐——拉麵——間宮堂 （まみやどう）（Tabelog 3.55分）
（https://tabelog.com/hokkaido/A0109/A010901/1005390/）

巴士站行上去間宮堂要行條樓梯，真係步步為艱，大風到個人係有機會碌落樓梯個款 未行到門口個店員都幫我開定門，入到去舒服晒 樺太食堂係稚內最高分嘅餐廳，間宮堂排第二。原先Tabelog見到有帶子刺身，但個自助售票機就無，所以只叫咗一碗普通嘅「元祖帆立貝拉麵」，盛惠¥1,000。（太大風所以無影門口相）


Google見過佢個湯底係用帆立貝去煲，所以會好香甜，飲一啖果然好清甜，幾鍾意個湯底 個粒厚魚蛋就唔識欣賞，浸完個feel好奇怪，咬落去口感好差。帆立貝就夠晒大粒，同埋係好食㗎，不過得一粒有啲唔夠喉，唔知有無得加錢要多啲呢

宗谷岬45分鐘遊記
因為驚miss咗車真係要吹4個鐘風，所以食呢碗嘢只係10分鐘嘅事 11點左右落返車站，仲有15分鐘畀我影吓相。巴士站隔離有個休憩所，入去行咗轉，乜都無，個門仲要壞嘅，唔知荒廢咗幾耐


行返出去影埋相，就去巴士站等車，11:14回程了。吹咗45分鐘風，一上車成個人舒服晒，有車應該會方便好多。宗谷岬篇完


返到稚內站只係中午12點，童夢點玩都玩唔到一個下晝，所以去返尋日間甜品舖買嘢食返酒店，做定今晚宵夜。返酒店放低坐咗陣痾個屎，同埋除咗件heattech，就出發去浸溫泉了。

Day 6晚餐——居酒屋——えぞ番屋（Tabelog 3.52分）
（https://tabelog.com/hokkaido/A0109/A010901/1008809/）

Walk in有位，日本食居酒屋入去要先叫飲品，唔飲酒就揀咗杯茶。Menu都係清晰嘅日文字，Google translate無問題。只係去到落單時話想要串燒，個店員就同我唔知講乜，講到佢少少燥底之後串燒上個陣發現係鹽燒串燒，我（亂）估個刻佢係問我要鹽燒定醬燒，最後佢幫我揸主意。



講下食物，杯茶唔知點解覺得好勁酒味。有個前菜，係一舊醃過嘅魚，幾開胃，但勁多幼骨所以食起上嚟勁唔方便。

叫咗一客帶子刺身，有3大粒、切半上，北海道呢期帶子當造，無伏！叫埋熟帶子，係檸檬汁煎嘅帶子，又係3粒大大粒，今次原粒上無得輸，生食熱食都無伏



叫咗三串串燒，全部鹽燒，兩豬一雞，全部無伏！最後驚唔夠飽，所以叫咗個燒飯糰，無伏不過都無乜特別。成餐盛惠¥3,520，呢餐幾好食之後就返酒店執嘢，準備第二朝一早搭JR落旭川。

稚內篇完結
日頭去多次間蛋糕舖買甜品，夜晚食埋佢哋，朱古力脆皮泡芙，又係大大粒，細個幾鍾意M記個脆皮新地筒，好有個個feel另一份係牛奶布甸，買嘅原因之一都係因為個杯幾靚，味道無特別 Day 6完！

嚟到呢度稚內篇就完啦，第二朝6點幾就會搭JR離開稚內。好感恩喺度3日都好好天 雖然中間會驚咗少少啲鹿，不過都有驚無險咁完咗個旅途。稚內個感覺都好歐洲，係再隱世少少嘅歐洲小鎮；好安靜、好舒服；交通方面直頭一模一樣（都係好疏，同真係算山旮旯嘅）。人生會唔會再返嚟稚內，我覺得就未必啦，因為今次真係要去嘅都去晒，反而利尻島、禮文島，不久嘅將來再見！

其實呢度先真係有放假嘅feel（當然關我個勁hea行程事）
童夢溫泉世一

係 每晚揀返啲相就得（係啲相upload完會灰要試多幾次最浪費時間）
所以每晚一定會出一日 唔會爛尾放心

所以我第二日去多次
第一日蠢咗先上去

我完全無印象有雪糕店
啲嘢真係好早收 又無乜巴士 所以唔敢去得太夜

係咪水夢館
我有日行過見到好多人拎住游水用品行出嚟

我行入去個程好淆底㗎 後面有另一個人（真係人）咁啱一齊行
出返去先影 無事嘅