歡迎想砌模型o既巴絲入黎 (187) 我要MGSD 巴巴托斯

有d 咁既事

Starwar 人型/載具都係分唔足色
但造型可圈可點

笨大原廠水貼……
就算佢同時出，我都係搵副廠算喇

無論佢點出
都冇可能迎合晒所有人
你鐘意但人哋可以屌緊
你屌緊但可以人哋好buy
係比較麻煩有批人以為自己管理層咁
接受唔到人哋屌佢間公司要反擊啫

拿，有得揀好過無得揀
同埋都係講緊bamdie 有幾仆街姐

同樣地有班haters 都係麻煩，係要周圍走去挑機要其他buy 既人陪佢一齊屌姐

唔買
唔砌過又點知出得差呢
恨鐵不成鋼

其實,好多野就算有人投訴d廠都可以唔理你d客既,
例如呢個市場得我會出,冇其他人做對手,
例如呢個市場得我有咁平,有任何缺點都用價錢黎做最後既解釋
marketing方面其實最主要係佢知道自己既低價戰略,
入門口你已經揀左佢,其實其他野冇咩好討論,因為佢知道自己點搵錢.

但係矛盾在佢marketing既另一面搞gbwc,將件事推到去另一個極端.
呢d比賽已經玩到你用原裝套件冇可能拎到獎既變態局面,
一方面鼓勵你魔改/官方比賽直頭認可左某d風格,
另一方面出埋d膠係唔鼓勵你整出黎係拎到獎,
情況好似玩四驅車但係玩比賽已經要用到自己拆摩打加銅圈先可以拎到獎用官方件冇可以拎獎咁,
唔係話以前好好,而係話佢呢d咁既商法真係討好咩

呢d其實都算係marketing黎,令到d客同間公司有共感
屌b社變左好似屌緊佢自己咁,間接形成個社群係支持佢間公司,
當你冇玩過係度空屌就鬧返你轉頭,事實係唔玩過點會知有咩衰但當你話自己真金白銀買黎玩然後好失望就會唔出聲/冇聲出.

gbwc 呢個問題係香港同日本先越玩越變態咋嘛？
印象中除左香港同日本之外，其他地方既得獎者未至於去到要大改先有機會贏到

而且就住marketing 黎講，上個post 唔記得邊個巴打（應該都係福仔ga la ）講起，bamdie 某程度上要做到既係令到高達既觀眾想買一盒同動畫似既statue 返屋企
如果係用返以前出套件既logic，反而好難吸引本身無上開色既觀眾，而主流既觀眾就係無上開色果班，結果為左銷量咪做好左分色同分件
marketing 角度，更加無理由為小眾出product 啦

gbwc方面我覺得首當其衝係技術通脹, 即係啲人愈嚟愈勁, 炫技方法多咗
同埋另一個問題我覺得係服眾
我記得有一年冠軍係日本一隻「相對上」比較簡潔嘅Nu gundam拎冠軍
結果都有唔少討論話睇唔出佢優勝嘅位喺邊
其實你問我就覺得佢拎獎係冇問題嘅, 因為我自己都覺得佢係當屆啲入選作品入面望落最舒服嗰隻
大眾嘅眼光係俗氣, 浮誇, 追求「酷炫感」的話
喱啲傾向自然會發生
同埋我覺得比賽同產品冇必拉埋一齊嚟睇
就好似啲Online game嘅dynamic balance唔應該考慮電莖損手嘅傾向一樣
當然在商言商......

嘩又入我數啦
上個post就應該唔係我嚟
但我同意喱個睇法, 同都似係我會講嘅嘢
所以唔排除係再早啲嘅post

應該係你黎，上個post 尾講開水星既時候有個巴打講既

技術通脹絕對係啦

十幾年前max 噴法已經好靚
之後就開始玩色塊
再之後就係因為色塊變左做加刻線
加完刻線不如整下舊化
你玩舊化呀？不如學楊過exia 整d 外露機械
搞外露機械順手又再加多少少真實感

我覺得除左炫技之外，同時都係因為有人基於本身套件去加上自己既創意先會越來越痴線

真
我棄左Bandai成年慢慢都唔想理佢出左乜出嚟
真係出件屎都唔到我食完全唔會想屌佢
反而會想屌fb谷班低質盲粉多啲

你個問題係問點解技術新左成品質素高左但有人覺得以前既膠好d,
我覺得個"好"唔係技術上有冇分哂色,分唔到色預印哂畀你就係"好"果一種好
的確係模型行業黎講咁樣係好,我亦都唔係話一跳要跳去出隻灰模畀你果一種.
亦都冇可能講咩例子,b社咁多產品我講一個例子你一定有10個例子去反駁我,所以我好難去用產品黎做討論核心,唯有講d非物質既野,

就例如係佢個公司既"態度" 令人覺得件事好唔好,
例如隻exia mg賣左十年都仲出緊冇新出過,你話佢係咪完美?我覺得唔係,
佢係咪果出果陣係咪出盡左全力,我覺得係.
sf係咪出得唔好所以要推隻mgex出黎? 我又覺得各有各出奶力既地方,
但現在一大堆b社既產品,拎d細節位出黎睇下,問你係咪出左全力去開發?
應該一年入面得暑假同聖誕推出黎果隻重磅野有出盡奶力咁設計

又留意開女既見到隻東海帝王1年前後推左2個版本出黎,我就覺得b社真係除左賺錢冇咩再講盡唔盡奶力,話做唔到技術有限制權鬥果d只係垃圾藉口,你有錢搵既佢出到靚一靚整走哂之前既技術限制既完全冇問題,
只有佢肯畀心機整就會有精品,咁你有咁既能力但唔出力,真係"好"咩?

其實我係同意bamdie 係出product 上面係有佢既傲慢
包括用設定圖justify 竊膠，明明可以分色又唔分呢d
只不過有時睇唔明既係到底點先叫做有“心“出
分色分得多分得好又話唔照顧上色黨
分件鳩流流又會屌佢出得差
感覺上好似無論隻膠出成點都好，總有位可以挑剔咁姐

長谷川啲新模幾過癮
不過作品題材未必人人啱

新一年gbwc又開始,不如搵個參加者講好過塘邊鶴9up
可能人地覺得呢d都唔係問題呢

經常分色 分唔足 都係要貼紙/補色 R/MG都會有補色位

分色唔多唔少會有干涉位
變相跟零件顏色上色 比以前分多咗次序
同色都分到碎濕濕

人哋根本唔在意你件模出成點
只係殺肉零件
係材料嘅一種

順得哥情失嫂意
遷就一邊總會令另一邊不滿
而現今技術冇能力就晒兩邊就實有人鬧
基本上好正常既事
但當你咁上心咁在意人哋批評佢
會唔會覺得自己開始病態？
正如小粉紅見到外國人無論點客觀批評中共都會發癲出征一樣