【冇甜】《與未成年學生妹同居生活之日常》(12)

Alice帶我哋嚟到一間望到海景嘅房。

當我同Jessica望完個海景，坐低之後，Alice就單膝半跪喺我身邊，雙手遞本Menu俾我。

Jessica好似有少少驚訝...

我眼尾都唔望一眼Alice，就咁單手拎起Alice手上本Menu睇睇。

Alice就繼續單膝半跪咁跪喺我身邊等...

我就慢慢睇...逐頁逐頁睇...

睇完前又睇吓後...睇完後又睇返上前...

Alice都仲係Keep住唔郁...低住頭咁單膝半跪等...

淨係睇本Menu都睇咗差唔多五分鐘...

『有冇乜想食？』又問問Jessica意見。

「你話事吖～我都OK～」Jessica都照返劇本裡嘅對白咁答～

係～係對白嚟㗎～

我哋係咩關係...用咩態度...做啲乜講啲乜全部都已經喺今朝傾過晒。

都係嗰句啦～我哋就係演員～我哋就係做戲～

『你話呢個好唔好？』

又同Jessica玩多五分鐘...

「我真係冇所謂吖～」

差唔多喇...

我隊返本Menu俾Alice：『你話有咩啱我哋食？』

Alice仲係單膝半跪喺我身邊，雙手接過本Menu：「由於兩位都係剛加入嘅會員，我會推薦返我哋今日嘅特別菜式俾兩位...」

Alice就慢慢又用心咁介紹～（當然都仲係一直Keep住單膝半跪喺我身邊啦～）

而我都仲係眼眉都唔望Alice一眼～

等到Alice都差唔多幫我哋安排好晒～清清楚楚咁講咗一次之後...

『就跟你安排。』我點一點頭。

「冇問題～」Alice終於都可以企返起身，「咁就請兩位稍等十五分鐘～」

我同Jessica都點點頭。

Alice再向我哋鞠個鞠之後，低住頭向後退咁行出房。

我同Jessica都打咗個眼色後，就再睇睇間房同計時。

喺唔到五分鐘內，Alice就送咗支紅酒入嚟：「已經抖夠氣～可以享用～」

等到Alice幫我斟完...試一啖...

『嗯。』我點點頭。

Alice就再幫我哋斟杯紅酒～放好～自己就企埋一邊～

我同Jessica就享用杯紅酒，又隨便傾兩句。

當然就唔會傾公事～唔會提及有關我哋係神秘顧客嘅身份啦～

始終Alice都喺度㗎嘛～

然後過咗唔夠十分鐘，啲嘢食都開始嚟。

「呢道菜式係...」Alice都會逐一介紹返～

Alice介紹完，又會企埋一邊。

我同Jessica都邊食邊傾～又飲飲紅酒～

『點吖？有冇睇啱啲咩吖？』

都係跟返今朝夾定嘅話題～

「有吖～我睇中咗個袋吖～等陣你陪我去睇吖～」

『等陣吖？』

「係吖～點吖？又唔得閒吖？」

『有啲嘢要同人傾...』

「唔好傾啦～」

『真係唔得吖...』

「你已經好耐冇陪過我喇～」

『乖啦...自己去啦...』

「唔吖～我想你陪吖～」

『咁大個仲要人陪？』

「人哋想黐住喺你身邊吖嘛～」

『帶埋你去傾嘢好唔好？』

「係唔係先？唔會嫌我阻住你咩？」

『你都知你阻呢？』

「咦好衰㗎！」

冇錯～我哋嘅對話好露骨呢～

都係照劇本裡面嘅對白對答姐～

之但係...劇本係劇本...對白係對白...感覺係感覺...

所有對話內容都係假...之但係...個感覺...咁真咁㗎呢？

係咯...Jessica俾我嘅感覺...堅係勁真喎！

就真係好似一個被愛人忽略咗好耐嘅少女，苦苦哀求多啲關注...更多被愛嘅感覺...

呢個都唔係重點...重點係個對象...係我喎...個對象係我喎！

對住我都可以咁有感覺㗎咩？

係唔係搞錯咗啲乜吖？

Jessica有男朋友㗎喇嘛...就算係佢男朋友忽略咗佢...都冇可能投射落我身上啦！

我喎！我同佢男朋友差咁遠！（雖然就未見過Jessica個男朋友真身係點嘅樣...）

喂但就咁睇架波子都知我同佢男朋友相差一大截啦！

明顯Jessica個男朋友唔係成熟穩重型，就係富幾代幾世祖啦！

我喎？我係乜吖？濕鳩一條咋喎！點投射吖？射落海咋！

或者...呃...或者係Jessica好戲啦...

或者...夠晒入戲...入戲到...真假難分啦...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 10－真假難分] PART 04

成餐都跟住劇本咁去演～

又食又飲～

已經將[Day 10－真假難分] PART 03 Upload上Penana

OT完即刻有文睇

所以我Set喺七點有文 就係為咗大家可以辛苦完一日 有文輕鬆吓

幾時食到Jessica

次次有人係上緊網既時候，打電話過黎都會問候人娘親。

仲好攰咁喎

人哋有男朋友㗎喇

打機先慘吖