各位早晨
尋晚CLS㗎
上回講到飛揚同Ca姐喺會議室傾傾今日要做嘅嘢~
只係去一間高級餐廳做神秘顧客姐~
呢間吖?好出名喎!
Ca姐有去過?
冇啦咁貴~邊食得起~
Ca姐有個揸波子嘅男朋友喎~咁都食唔起?
點都好啦~都係做好準備先~
去咁高級嘅餐廳,衣服OK嘛?
Ca姐就大方得體嘅~飛揚咁啱又著咗名牌~掂啦~
傾好就出發~
Ca姐一上到車,又聞到月月陣味喎~
可能月月陣味好聞啦~
然後Ca姐又問起飛揚同月月點~
話船P嗰日佢哋好夾喎~好襯喎~
咪又係咁~唔好俾月月聽到添吖~實話飛揚襯唔起佢吖~
然後又問起欣欣喎~覺得佢哋兩個嘅感情都好好~
『都幾好嘅...』好到而家佢話要飛揚同佢試拍拖添...
「我以為繼女都會同後父有啲隔膜㗎添~」Jessica古古惑惑咁諗諗~
『呃...初初都真係有嘅...但一齊相處耐咗...就不知不覺咁好似冇咗個隔膜囉...』都係幾不知不覺...
「直頭好似好親密咁添~」
『呃...或者係佢都當咗我係爸爸囉...』
「但我又睇佢唔似係當你爸爸喎...」
『呃...佢口講就話唔係...但相處係...』
「相處都唔似兩父女啦~」
『呃...唔似咩?』
「唔似吖~」
『呃...』
「似啲咩呢?」
『呃...』
「唔...似...」
跟住嘅劇情發展又會係點呢?
準備出文