【冇甜】《與未成年學生妹同居生活之日常》(12)

1001 回覆

7 Like 1 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

永遠的20歲社畜 2023-06-06 18:57:04

我係先天性基因(樣子)缺陷

飛揚 2023-06-06 19:00:16

上回講到飛揚前妻打嚟喎！話有事想見面傾喎～
有咩咁緊要要見面傾？
都係過咗去先啦～反正得閒～
過到去，其實前妻係某名女校嘅校長～
不過佢間學校就冇乜人知飛揚係前夫～冇乜事都會講出嚟啦～
飛揚又𥄫吓學生妹咁～而家啲學生妹好有睇頭～
𥄫咗一陣就上去搵前妻～
點知一上樓梯，就有個學生妹撲向飛揚喎～
飛揚就攬實個學生妹啦～
咁唔小心㗎？小心啲啦～
青春真好...年輕真好...學生妹真好...
唉～好極都冇飛揚份㗎啦～快啲上去啦～
小心啲咁上到去校長室門口，咁啱就有個老師喺入面行出嚟。
“咯咯”飛揚就行去敲敲門...
「Come In...」聽到前妻把聲喺入面傳出嚟。
飛揚就開門入去...望住前妻坐定定喺校長椅等飛揚行過去：「坐吖。」
望住前妻呢個校長Look...其實每個月最少都會見一次㗎喇...多數都係月尾姐...
飛揚坐好之後...
『咁早搵我想傾啲乜？』飛揚都唔轉彎末角。
「欣欣幾好吖嘛？」前妻仲係要講開場白。
『好好吖～我照顧得佢好好吖～健健康康快樂成長～』屌咩又要飛揚講廢話...幾時講重點吖？
「咁就好喇...」前妻點點頭，「我老公想試吓啲...十六歲嘅女仔...」
吓？試...試乜鳩吖？！
跟住嘅劇情發展又會係點呢？

準備出文

飛揚 2023-06-06 19:00:34

[Day 10－真假難分] PART 05

我呆撚咗咁望住前妻一陣...

『喂等等先！你唔係想話要欣欣嘅初夜俾你老公吖化？！』喂你開場白淨係得一句...然後就直接打大佬？唔好咁鳩衝得唔得？

「嗯...」前妻點一點頭，然後就好平淡咁繼續講，「欣欣嚟緊就十六歲...我想安排佢同我老公...」

『喂等陣先！你個囡生日你第一樣諗到嘅係俾你老公試？你冇嘢吖化？你點做人老母㗎？』係唔係痴撚咗吖？

「咁我都冇辦法㗎...」前妻擰一擰頭，「佢想吖嘛...」

『佢想你就推你個囡出嚟㗎喇？！』痴撚線㗎真係？！

飛揚 2023-06-06 19:02:05

「你都唔係唔知㗎啦...我有今時今日都係靠佢...唔順佢意，我乜都冇㗎喇...」前妻一面無辜樣...

『我理得你而家所有嘅嘢係唔係個高官俾你啦！你都冇理由搞著自己個囡㗎嘛！』關欣欣咩事先？

「都話咗我都冇辦法咯！佢睇過欣欣啲相...又知佢嚟緊十六...」我冇等到前妻講落去...

『屌啦你兩公婆都痴撚線嘅！我絕對唔會俾欣欣受傷害！』我一定會保護欣欣！

「你搞清楚...今次我係要通知你...唔係要諮詢你嘅意見...唔好唔記得我係欣欣嘅親生媽咪...你同佢係冇任何血緣關係...我絕對可以攞返個撫養權。」前妻好冷靜咁講晒成句。

『咁你咪試吓囉！我咪爆你哋大鑊囉！某名校校長為博老公歡心，送自己剛滿十六歲嘅親生女俾老公享用！』攬炒呀！

「你估有冇人信你講吖？」前妻擰擰頭，「唔係...應該話有冇人會聽你講吖？」

有冇人會聽我講？

飛揚 2023-06-06 19:03:10

「高官吖...而家仲邊有人敢得罪高官吖？」前妻擰擰頭，「你夠膽亂講...第二日就有國安上門搵你啦...」

搵國安嚟大我？！

『你兩個真係為人師表，誤人子女！校長喎？EDB高官喎？禽獸都不如！』我一手拍落張檯！起身轉身走！

「你咪鬧囉...」前妻仲要冷冷講一句，「點鬧都改變唔到㗎啦...」

『屌！』

我一手打開門！怒氣匆匆咁離開！

急急腳咁衝落樓梯！走出學校大門！大大步咁向住自己架車行過去！

屌你老母真係痴撚線！

飛揚 2023-06-06 19:04:02

“咔！啪！”一上車，閂返埋車門！

『痴撚線...痴撚線...痴撚線㗎！！！』我大大力拍一拍軚盤！

呢個咩世界嚟㗎？

喪心病狂嘅女人都可以做到校長？

禽獸不如嘅男人都可以做到高官？

佢哋兩個連人都冇資格做啦！！！

點解而家個香港可以咁撚痴鳩柒線㗎？！

我又係唔係乜都做唔到呢？又係唔係冇辦法改變？

可愛妹妹仔 2023-06-06 19:04:14

怒氣沖沖

飛揚 2023-06-06 19:05:32

我諗咗一陣...再諗多一諗...

“吼！吼～”開車！

喺高速公路上風馳電掣！

乜都做唔到...乜都改變唔到...都唔係第一日㗎啦...

好似我呢啲廢柴...有邊次唔係逆來順受？

唔係點吖？可以點吖？我普通小市民嚟㗎咋！想我點撚樣呀？

但今次...關乎到欣欣...我仲點可以視若無睹？！

“吼～吼！吼～～～”騎住快線又左穿右插！話咁快就衝到返嚟屯門！

唔視若無睹...又可以點保護到欣欣？

飛揚 2023-06-06 19:07:07

唉諗唔到...乜都諗唔到...

雖然話仲有啲時間...欣欣生日之前...時間無多啦！

屌最多咪一拍兩散！

咁而家返到嚟做乜好？

望一望個鐘...呢個鐘數都差唔多放學...

不如就接欣欣放學啦...

“吼～吼...”泊好架車之後...

就慢慢行入校門口...

飛揚 2023-06-06 19:08:17

「咦？陳同學？」坐喺詢問處嘅工友叔叔就拎住份報紙，望住我，「又嚟接個女放學吖？」

『呃...係吖係吖...』我嘅情緒都未平靜到落嚟...

「你呢個做後父真係唔話得啦～咁錫個繼女～」工友叔叔點點頭～

『呃...OK咁啦...OK咁啦...』仲好過佢親生老母多多聲添...

「差唔多打鐘㗎喇～你隨便啦～」工友叔叔就繼續睇份報紙。

『哦好好...』我就行入去...

行到去教員室門外...又諗返起前妻...

以前嘅佢...邊有啱啱頭先個樣咁仆街㗎？

以前...實習老師嘅佢...同頭先...成為名校校長嘅佢...

究竟係乜嘢令一個好人變壞？

定係其實呢個先係佢嘅真本性？

飛揚 2023-06-06 19:09:27

就喺我諗多兩諗...

“叮叮噹噹叮叮噹噹”落堂嘅鐘聲響起。

我挨喺欄杆，望住個操場。

開始有學生落嚟...開始有學生步出校門...

然後我又繼續呆呆咁企...挨喺欄杆企...望住操場...開始有學生行出去...

然後...然後...

「喂。」身邊有把冷淡嘅女仔聲。

我擰頭一望！就望到...

『雯雯？』雯雯就企正喺我身邊！

飛揚 2023-06-06 19:10:04

「做乜咁驚訝？」雯雯打量我一眼。

『冇...冇吖～邊有驚訝呢～』係驚嚇咋嘛...

雯雯冷冷淡淡咁擰擰頭，貼住喺我身邊...同我一齊望出操場。

呢個氣氛真尷尬...最尷尬嘅都係...點解嗰日佢會...

而家就咁同雯雯一齊企...又唔覺佢對我有啲乜...但嗰日佢真係...

點好呢...尷尬到空氣都停頓埋咁...

飛揚 2023-06-06 19:10:42

『呃...係呢...你男朋友呢？』都係搵啲嘢噏吓...

不過噏咗出口先發覺好似噏錯嘢...

「我冇男朋友。」雯雯冷冷放下一句。

『哦～係吖...你咁靚女都冇男朋友？』屌我喺度噏緊啲乜吖？

「你覺得我...」雯雯望實我，「靚女咩？」

『你...你...靚...靚吖...靚女吖...』唉屌究竟我喺度亂噏緊啲乜呀？

越鳩噏就越錯鳩晒咁囉！

飛揚 2023-06-06 19:11:17

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～