好後悔黎左加拿大做二等公民⋯⋯

屌晒全地球 · 2023-05-26T20:29:34+08:00

好後悔黎左加拿大做二等公民，由香港400尺換左加拿大2000幾尺3層屋，日日行上行落都行都腳痛。個後花園成間屋咁大，都唔知點打理好，又要燒野食，又要玩水仲要曬太陽，簡直係強制勞動。超市d 哈根大師4蚊一盒，一家都食到肥晒。仲有啲燒味飯，6蚊咁大盒，又菜有湯，你叫啲老人家點食得晒門口停兩部車，出親門都選擇困難唔知揸邊部車，勁痛苦。D 鄰居唔知係歧視我地定咩，成日邀請我地去d 小朋友生日party . 玩到d 小朋友唔捨得返屋企。冬天無限免費滑雪場，零下十幾度搞到成家人唔捨得走返學又冇功課冇暑期作業，好懷念以前日日做功課做到12點D 日子。放暑假又咁短，加拿大又咁多博物館同城堡，點玩得曬呀，仲有睇hockey同歌劇，而家仲plan 緊下星期去Montreal 玩，來一場說走就走的旅行，死啦唔知玩2日定3日好呢。最恐怖係睇醫生唔駛錢，退休又有退休金，令到成個人冇曬奮鬥目標，MPF 攞出嚟d 錢唸住第日老左睇醫生，原來用唔到，完全唔知點洗好，躺平晒咁真係好煩。唉最可怕係，而家仲攪埋果d 民主投票，叫我選市長，選首相，我一個韭菜點識呢D 野先得嫁，以前係香港都唔駛選既。加拿大而家一日3萬單，又話要同病毒共存，又解封又自由咁，反而我地祖國控制得幾好，一人感染，全民檢測封城，將d 感染既人好似重犯咁困住佢，咁先得。最緊要打埋科興，每星期封區同全民檢測，攪到d 市民永無寧日咁先夠安全。所以我真係勸我啲朋友真係唔好黎加拿大，資本主義社會真係好恐怖，要留係中國香港貢獻祖國，學習習近平新時代特色社會主義思想。