有無熟台灣嘅人可以解釋下，點解仲有咁多人投國民黨？

唔通比國民黨雙手送佢比中共仲要同人講多謝好？核心技術都係美國話事，台積電核心都係美國話事

某部分原因受太多對岸假信息認知作戰，同埋主因都係蠢，井底蛙

港豬都唔知咩野叫民不聊生，好多台灣人而家食都冇啖好食，再行落去就死路一條，都係迫住投對家希望可以改善衣食住行ja

首先就唔存在送，呢個老屈偽命題

巴打唔好怪我直接，呢幾年民進黨廢到唔少後生都講anyone but民進黨，當然我亦都認同投比國民黨就等於拱手相讓個國家俾習帝，所以anyone but國民黨都有佢嘅道理。

但係唔要藍唔要綠，仲可以投俾邊個？投俾柯文哲？雖則你要知道喺連登講柯文哲係政治不正確的。

更何況，如果國民黨會賣台就係投民進黨嘅最大原因，咁都幾可悲，某程度上更加引證到民進黨就係靠亡國感吸票⋯⋯

同埋唔好諗住同台灣人講國民黨賣台會令中華民國變成中國台灣省呢啲咁遙遠嘅問題，民進黨執政呢幾年啲民生嘢搞到一鑊粥咁，佢哋連未來三個月嘅日子會係點都睇唔透，你仲叫佢睇到國民黨執政四年後會赤化台灣咁遠？

利申，真係無立場，但係我離開台灣去加拿大嘅其中一個原因就係喺藍綠鬥爭當中睇唔到呢個國家嘅未來

又唔係台灣人
又冇係台灣生活過
你憑咩覺得自已選擇
會比係當地生活緊嘅人好
做執政黨除咗親唔親中
仲有好多民生問題要處理㗎
加上你唔好以為人哋個國家制度
真係爛掉到國民黨上台
就會直接回歸先得㗎
國民黨之前冇執政過？
你民進黨執政咁耐
又唔見你修改憲法
正式脫離中國？

你驗咗有無愛滋先啦，長期叫支那老雞

唔駛咁緊張，大家都係平心討論，我都有細閱你既內容

今水個勢似柯文哲會有機執到雞
郭台銘既痴線fans同韓國魚差唔多傻假地
藍白基本互𠝹，視乎有幾多人離棄國民黨

民進黨就年年差唔多，憎既繼續憎，鐵票既繼續

咁國民黨夠執政過咁多年啦，有無投降呀？咁你又唔係偽命題？

連登仔唔會明，有幾多個連登仔真係住過喺台灣？

好話唔好聽，有冇試過拎晒全屋嘅奶媽出嚟叉滿佢等分區停電？有冇試過囤水等停水？有無試過倒屎咁早落街排口罩同快篩？有無試過日日出街都要面對每年死3000人嘅交通之餘仲要面對林佳龍喺度講人本交通嘅面孔？有無試過喺台灣求職然後發現即使俾你入到台積電賣肝都淨係得15000蚊港紙人工？有冇試過放工放學行入去便當店發現一隻荷包蛋要加35蚊台幣？

下下講民進黨先可以抗中保台真係無用㗎，搞掂啲民生嘢先啦⋯⋯

美國其實咪又係得民主共和唔算咩藍綠惡鬥

我緊張少少都正常，平時俾人屈得多，難得呢個post咁理性無人屈毛，其實都幾意外

同埋有時候令人憎民進黨嘅原因，並唔係民進黨本身，而係佢哋嘅支持者，班友吓吓都喺度講認知作戰、中共同路人、五毛，難道真係每個批評民進黨嘅人都係收咗共產黨錢？

而連登仔又成日信哂民進黨講嘅嘢，覺得民進黨真係民主燈塔正義之士，之後就牙牙學語開始屈毛，你叫人點樣唔反感？

你試下返返去台灣生活，每日感受住水深火熱嘅感覺，再睇住班連登仔日日隔空幫民進黨歌舞昇平，我敢保證你都會眼火爆

Any肥，如果我係台灣人，我都係會選擇投俾柯文哲，唔係話佢特別好，始終佢都未上任好多嘢都可以係空頭支票，但係至少喺死馬當活馬醫嘅情況底下，佢係一個可以接受嘅選擇

台灣依家生活真係慘到咁

最慘嗰排真係每日都過到屌屌聲㗎

淨係睇當年防疫已經知，中央又柒吓柒吓咁，淨係識得將啲問題怪落去地方政府，地方政府又唔夠權力解決問題，將個波射來寫去，如果民進黨搞民生嘢嘅能力有佢做宣傳嘅一半我相信都唔會咁

不過公道講句，比國民黨做都唔見得好得去邊

台灣嘅民生問題，係資源不足，定係管理問題大啲？
無可能話台灣無錢買資源，台灣好有錢。

不如你睇吓兩黨支持分布先？

剩係講疫情期間
身處香港既連登仔實係拎香港同台灣比啦
咁吹奏台灣都好合理啫
台灣人黎香港生活下咪一樣眼火爆

如果一個有民主嘅國家要拎林鄭管治下嘅香港嚟比較，會唔會有少少可悲

咁中共係拎緊香港做一國兩制示範
俾個錯覺台灣，覺得統一會發大財，所有民生問題都可以解決嘛
事實上香港咁既管治水平咪仲差

海軍對水兵

你話香港俾共匪拎咗嚟做一國兩際示範單位呢樣野，的確係事實，而仲有台灣人會相信嘅唯一解釋就係樓上台灣佬所講嘅一點：台灣人蠢

衰啲講，就算真係親共就貨出得去、錢進得來、台灣發大財咁又點？有幾多錢可以流到落去俾平民百姓？發嘅咪又係資本家、既得利益者，你估輪得到你咩？

拿防疫黎講係錯既，防疫無一個國家係做得妥當。邊個做都會俾人屌，無人鐘意俾人監管住。同人人都係第一次遇見咁既疫情。

就算唔計防疫，其他方面民進黨都真係好撚唔掂

居住正義、司法改革、人本交通、治安、經濟、教育、食安，呢啲真係唔係屈佢