我好似諗通左

TL；DR：我都係近日睇左連登上講遊戲深度討論影片有個啓發，走去諗下而家既遊戲點解會越來越「唔係好似以前咁」。

打開機既人對近呢十幾年既遊戲發展趨勢，相信都有差唔多既睇法：

而家啲game, 唔係永續連線，就係開放世界

相對上來講，能夠單線行完既冒險遊戲已經完全存在於回憶同埋重製之中

近期既Deadspace Remake 同Resident Evil 4 Remake 就係呢種遊戲既好例子

除左indie 之外，幾乎唔會再有人整呢種玩十幾廿個鐘行一條線睇個故事就完既遊戲。（不過indie 而家都係下下都roguelike/lite, 再唔係就玩起建築生存, 又係另一種氾濫）

除左開放世界之外，其次就係一堆服務型遊戲，即係一玩就要玩成世，不停去追裝備追版本更新追DLC，課金買skin 果啲

手機game 要抽人抽武器呢度都唔討論，呢度唔係apps 台

你會發現，而家唔係開放世界又唔係永續在線既game, 可以話係冇！最近期諗到兩隻新既大作係咁做已經係SONY 自己既The Last of Us Part 2 同God of War: Renagrok，情況真係令人唏噓。

跟住我又睇左一段外國Youtber 既片：https://youtu.be/tYbotClXe_c

佢中間思考到如果Anthem 呢隻咁既濕鳩野，唔整開放世界在線打寶。而係正正經經寫個故事玩十零個鐘就單線爆機，咁成個結果會唔會好好多？Anthem 爛係因為佢未整好，但如果佢肯做單線係咪會易整好多？而且你話佢未整好但佢又唔係完全未整哂。飛行、技能、武器射擊同畫面都係非常有料既作品。未整哂既反而咁啱就係多人遊戲既內容不足同有啲bug, 如果佢整做單線，其實係可以好玩架喎！

但結果話比我地聽，如果佢咁做既話銷量肯撚定會仆直。因為我自己又諗起差唔多年期又有隻SE 社發行，叫做Guardians of the Galaxy 既冒險遊戲。雖然都係跟漫畫改編，但係同永續在線果隻濕鳩Avengers 唔同。呢隻GOTG 雖然角色係少啲，但一樣可以執漫畫主題衫來改造型，冒險有難度，故事有深度，分分鐘個劇本仲正過大銀幕果啲所謂Marvel 電影。

當年The Games Awards 仲比左Best Writing 比呢隻game, 劇本功力可見一班。但結果來講，銷量就係仆直，SE 仲連呢間Edios 都賣鬼埋。

我開始思考究竟係咩原因，搞到質素高既遊戲永遠拎唔到需要既銷量？宣傳不足可能係主因，但如果整一隻game 有冇人買係睇比幾多錢宣傳咁不如唔好整啦，齋宣傳咪得？

同一時間，一堆白撚痴整都未整完既所謂開放世界/在線合作打裝game 就成行成市，大把人仆入去課金。

正常思路都會諗咁兩邊都唔同客路，銷情唔一樣係必然架喎。但其實除左客路唔同，兩種玩家既消費習慣其實係咪又有唔同？

於是我諗起果啲on9 到爆既非洲王子詐騙電郵。英文都寫唔啱就spam 出去果種，應該係人都收過。大家而家都知佢係咩邏輯，就係果種漁翁撒網搵傻仔既邏輯。

「如果一封咁撚假既電郵佢都會睇，咁呢個都係白痴仔來，呃白痴仔一定容易過呃正常人好多喎！」

果種電郵就係特登寫到啲野錯哂來過濾左聰明白，專搵白痴仔來呃。

咁遊戲其實咪又係一樣。專心會欣賞劇情又或者係戰鬥系統、劇情設計呢啲只有單人單向game 先做到既野既玩家，通常會係更精明甚至可以講得上係更精打細算既人。經過仔細既考慮先挑選適合自己既遊戲係佢既本能，因為一旦開始佢地就係欣賞，仲要欣賞好耐。

如果你隻game 目標客群係佢哋呢啲會深度體驗遊戲藝術既人，咁你一定唔好賣。因為一來佢地上一隻都未體會完，二來佢地永遠都唔趕時間，你個遊戲既內容亦唔會再大改，佢咪慢慢等你特價先買。

相反一堆由宣傳開始已經係呃鳩人，最後出來根本未整好既遊戲，就會好多人買。因為廣大既開放世界或者係連線同朋友既互動變成左比遊戲內容更重要既賣點。極多人甚至只係跟風就買，根本唔會理會遊戲有冇深度。

假到爆既呃鳩人宣傳就係同非洲王子電郵一樣，用來過濾有深度玩家既濾網，淨返啲根本唔志在遊戲內容既人。

「咁撚垃圾既game 都買，本身都係白痴仔來，呃佢地課金容易過呃正常人好多喎！」

當我同果個youtuber 諗緊點解而家啲game一係就連線農到仆行，一係就大世界行到仆街既時候，或者可能就係因為咁。

線性故事加偽開放先係最吸引

但而家已經冇人咁做
除左重製返以前果啲game 之外

咁其實除咗大廠game
有冇考慮過其他途徑可以買嘅 Game呢
例如DL 又唔係淨係得R18 game

唔大廠咪indie
就算唔係indie
而家細既開發商/發行商都好少有單線既遊戲了......

我覺得係問題喺玩家side
以前嘅玩家係想玩隻game 要遊戲性解悶
但而家有直播有esports 玩game嘅人入面越嚟越多係想用game去賺錢 遊戲本身好唔好唔係佢地在乎嘅地方

但係一隻game 如果唔好玩
直播佢係賺唔到錢
開放世界同打寶game
或者電競遊戲係一直有市場既
我只係想講但唔洗隻隻都係
仲要好多一出冇幾耐就冇哂人收皮
點解啲公司唔可以同用樣既精力整單機game 呢？就算唔係真係好好賣
收返成本應該唔難
但係而家啲大廠好似全部都係詐騙電郵啲人咁
永遠靠呃
搏一鋪搵水魚課金
搏唔到直頭寧願蝕
寧願執笠都唔整單機單線game
成個勢係令人好沮喪

以前PS1 D game好有創意。

而家都有好多game 冇創意
但要去steam 度搵indie
其實以前PS1 遊戲開發成本要平真係可以好平
咪即係而家indie 咁
要玩創意一定係要用最少既budget 來做

而家都有好多game 有創意 但要去steam 度搵indie

因為唔係拎個心出嚟整game

se, konami, 只係睇眼前嘅錢

睇片game算吧啦
應該被淘汰

有心既人已經出走哂去做indie
極度懷疑而家入社果啲人都只係為左擺經驗

其實點先唔算睇片game

打寶賣skin都可以好有深度好好玩 可以望下poe

我其實個意思係佢哋有市場
但唔洗隻隻都係咁
而家大廠出既真係搵一隻唔係既都難
就算單機都一定要整開放世界

In 2018, Tencent became a majority holder in GGG, acquiring 86.67% of the company's shares. Three of the co-founders hold the remaining 13.33%. Two of the co-founders also sit on the board of directors, alongside 3 appointed by Tencent in April 2018.

魂系game應該唔算open world/rougelike？

本來唔算
但轉個頭就出左隻elden ring

單機game好攰
愈黎愈只對coop game有興趣

有得coop就算隻game一般都會玩咗先
冇既放喺到唔玩都唔會走咗去

叫好不叫坐其實唔係常見. 單機重係有市場... 鬼佬 GAME 自己本身出現更多問題; 完成度低, LAG 機 又 BUG, 換皮作業, 單機課金, 噁心 WOKE 文化入侵等. 以後都係放眼亞洲同 INDIE GAME, 鬼佬 D AAA 4K 黑人肥婆 GAME 得閒先 LA

騰訊或者中資就算啦
唔係話唔介意，係介意唔到
如果有中資既遊戲公司就唔玩咁根本就冇野玩

所以講到底又係玩家問題

最近有冇咩coop game玩
啱啱買完DRG唔係好啱口味

最近冇
DRG算襟玩 做咩唔gamepass試咗先

Grounded幾正 (都係gp有)
Son of the Forest玩落好似同上集一樣咁