香港定台灣割眼袋好？

補太多可以打消脂針或者再嚟超音波抽脂

睇過D醫生講兩者都無用

親自面診為準喔

https://www.youtube.com/watch?v=gXL07hvwtj0&t=235s

2:00左右開始睇, 其實已經暗示左鈣化/補太多係神仙難救

所以重點係搵到適合嘅醫生呀
睇幾多YouTube片都冇辦法取代親自面診幾個醫生
到你面診嘅時候醫生會觸診
而且係呢個醫生覺得補太多冇得救啫，醫療嘅嘢本身就係會存在不同見解
你上網搵都會有其他補太多修復成功嘅例子，唔通呢啲全部都係作文P圖咩

其實都係既, 我明你意思
真係好講運, 而家有個A0巴好似手術失敗左

其實滿三個月先係穩定
我做完手術之後多咗條眼紋
第一二個月都仲喺度，然後第三個月又消失咗了

巴打覺得眼袋+補脂手術後
幾耐先可以見得人，而唔會比人發現?
或者到你隻眼好似怪怪地咁?

如果術後2星期+帶粗框眼鏡，你覺得可唔可以唔比人發現?

說後兩星期加粗框眼鏡再化埋妝嘅話可以
前提係你要有冰敷溫敷、食中藥、搽喜療妥、每日散步1小時

其實如果係台灣睇中醫
點同人講自己咩病情

咪照同佢講做完咩手術要消腫囉
台灣醫美大國 啲中醫都慣

你食藥粉定係要現成煲果D

我睇嗰間兩樣都有 不過我係食藥粉

巴打仲記唔記得間中醫舖名
等我到時又去睇下

記得但唔需要睇呢間
你到時Google邊間近你打電話去預約就得。

OK, 巴打可唔可以講埋眼袋手術同蘋果肌補脂
幾時冰敷幾時熱敷

一切以你手術醫生指示為準
個個講法都唔一樣

閱讀理解零分唔該睇清楚上文下理先

我同A0 一直都係講緊消腫消得好慢
冇人講過"消唔到腫"
亦冇人講過手術失敗，我地一開始係講緊"擔心"


睇#328
複診時不嬲都係講兩至三個月先完全腫
而家一個月都未足夠，未過康復期，仲係觀望階段

OK最緊要你地無事就好
針對黑眼圈部份，而家改善成點？

勁耐冇入連登 都唔知咁多人去揾極緻


我4月做完到而家，真係冇咩野了，消腫要時間，直頭冇乜點在意冇理過，補脂位硬硬地係會keep一段時間嫁，我而家都有好好好輕微既硬度，但日堂化妝按下眼底都唔多覺，但訓唔好黑眼圈都仲好黑咁

至於海鮮價去到咁高，建議問多幾間算
可能佢地覺得香港人洗得起啦
但眼袋小手術唔值咁貴

你要幾耐淚溝位先冇再凸起呀？
預期同實際康復時間真係爭好遠
同埋我真係好在意， 好多時朝早醒咗眼都未睜開第一時間會摸吓淚溝硬塊有冇縮細到

另想問你黑眼圈都係做完先有？
我做之前就算幾唔夠瞓都冇黑眼圈㗎，做完兩星期左右開始有黑眼圈，上網睇話初期血液唔循環所以可能有黑眼圈，但之後會慢慢改善

淚溝位凸既話我諗一個令兩個月 點都脹脹地一排
樣都好得好快，其實外人唔多覺架照計
開頭我都勁緊張有問幾時退，但講真寧願佢唔好退咁快嗰啲都係自己脂肪會吸收，真係俾你退哂好凹都得架，暴瘦就可以，但做手術前嗰陣有叫你做完唔好減肥就係咁解
我好快瘦，我有啲難keep d脂肪添

你咁焦慮梗係唔夠訓，眼圈梗係黑喇
手術都做完做左，放心啲等啦

都明嘅，係要比啲耐性
謝謝安慰

但日常生活都係有啲影響
例如以前習慣好大力捽面，而家洗面擦野要就住
平時習慣側睡， 而家唔太敢
做返gym 唔敢做咁重，太重會感覺到塊面谷住
平時表情大中意大笑，而家表情太大會覺得腫脹感


加埋我做埋眼瞼，眼皮都係未係好自然住，呢度又係要等




呢啲習慣其實冇做手術都要戒啦又快殘又起法令紋

既然眼瞼都做埋點都時間長啲喇，聽你咁講覺得唔自然都唔關補脂位事
俾啲時間，好好休息

而家先有睇返呢個po, 有需要睇返我上面reply