[窮遊豪食逍遙遊]用8日暢遊關東 (東京‧河口湖‧日光‧湘南)

住邊區好呢？

我去過幾次東京都係住東海道線同地錢淺草線附近
因為去羽田成田機場都可以一程車到
而且用開wide pass搭新幹線方便
新宿池袋嗰邊雖然酒店平啲多夜街行，但交通上縮埋一邊，走既時候唔方便

lm

搬酒店狂魔就自然會搵新幹線站門口嘅酒店。
只係住一間酒店，東京大阪呢啲一地都係鐵嘅地方就揀機場鐵路直達唔使轉車嘅地方。酒店地理位置主要就係山手線東面。日慕里上野，另外沿著淺草線同京急線由押上去到莆田都得。

終於有update

樓主啲文咁長，出返去一個月後再入嚟就差唔多

多謝巴打教路，第一次去
所以都係揀啲大路野
繼續等你update遊記

時間差唔多，係時候搭車去食飯
費事走回頭路，就行去遠少少既淡路町站搭去銀座
途中會經過神田萬世橋，上面就中央本線路軌
百幾年前呢度係總站，站體由東京車站設計者辰野金吾打造
路線延伸到東京站之後影響力大不如前
1943年停止車站業務之後仲拆埋
係2013年再活化改建做商場同文化展覽設施



行行下見到有間好古色古香既建築，門口打哂蛇餅等開門
原來係明治17年(1884)創業既手打蕎麦老字號 - 神田まつや 本店 [Tabelog評分：3.58]
價錢唔貴，下次黎可以一戰


丸之內線歷史都幾悠久，所以同銀座線一樣站體非常窄
某啲站冇預留通道俾你係閘內走過對面月台
所以係某啲地鐵出入口有提示只係去指定方向


丸之內線路線呈コ字型，池袋去新宿兜左個大圈
中間除左經淡路町站，仲會去到東京站同銀座站
人地車門上面2個細Mon就睇到哂車站資訊同行車時間
港鐵嗰啲9成都係白色，浪費電力



銀座站係東京市中心數一數二既地鐵轉乘站
連埋隔離共構既東銀座站，可以搭到5條地鐵線
唔搭丸之內線既話，我頭先可以行番去末広町站搭銀座線
或者去老秋Yodobashi下面既秋葉原站搭日比谷線

藤原紀香（51）

你老友真識食

出到大堂就買Tokyo Subway 24-hour Ticket第二朝用
去到遊客中心問職員，見我揸特區護照就同我講廣東話
佢話呢度冇得買，指我去京急站出面個服務中心買
諗住過到去一買就走得，點知搞到差啲趕唔切班車

Tokyo Subway 24-hour Ticket, 用klook買
再去賣飛部機嘟QR code就自動出卡
根本唔洗排隊拎

因為個行程好遲先定落黎費事訂定，即場買價錢差唔多
同埋用售票機出嗰張飛係冇顏色既，Counter買先有顏色

所以我見佢出左幾篇就入嚟一次過睇

我就快要 delete app 先可以止癮，專心唔到做嘢

係
售票機果張白色印刷好差
只係快，慳時間

留名等睇河口湖,想睇下忍野八海值唔值得去

食完飯飽哂就係銀座行陣
咁啱見到之前有巴膠巴打提過既FUEL CELL BUS氫能巴士
利用氫氣燃燒產生電力驅動，當中唔會產生任何廢氣
但因為研發成本極高，成架車賣成億yen，環保既代價好貴


行到黎銀座四丁目就會見到銀座和光百貨
就算你未黎過，應該都係唔少日本劇集或者電影見過


逢周末假期銀座既中央通り都會變成步行者天國
平時車來攘往既大街變成可以俾人消閒既長廊
沿途仲擺左唔少枱凳俾你坐低慢慢欣賞銀座既景色
見到唔少女士專登過黎影相Post上IG，銀座最美的風景是人
橫掂唔趕時間，係度行下街都幾舒服
不過我地就唔係Shopping之人，齋行冇買野




一路向南行就會去到新橋站，而我地之後會去橫濱
搭都營地鐵淺草線或者JR都可以去到
但前者牽涉直通運轉同Pass可用範圍既問題
我用一個大家比較易明既例子解釋下呢樣野：
-------------------------------------------------------------------------------------
假設小明要上廣州，要由屋企大埔出發去深圳北站搭高鐵
正常就係搭港鐵去落馬洲，過完關再坐深圳地鐵過去
車費就係港鐵大埔～落馬洲 + 深圳地鐵褔田口岸~深圳北
10年之後，深港冇左關口，港鐵同深圳地鐵兩邊路軌連埋左
不過兩間公司繼續獨立運作，但有直通列車可以一程由大埔去深圳北站
假設呢10年所有野維持現狀冇加過價，呢程鐵路車費會唔會唔同左？
答案係唔會，因為唔駛轉車唔代表會收平你或者收貴你
港鐵收番香港段車費，深圳地鐵就收大陸段車費
-------------------------------------------------------------------------------------

將例子搬番過黎東京，由新橋搭去橫濱既話
都營淺草線只係由新橋去到泉岳寺，泉岳寺至橫濱係京急線區間
雖然車費係出閘一次收取，但背後已經拆左帳分俾兩間鐵路公司
如果好似我咁用Tokyo Subway Ticket既話，淺草線路段唔駛錢
但過左使用範圍既泉岳寺～橫濱，出閘就要行人工通道同駅員補番車費
換句話講，因為直通運轉路線車費要拆帳，通常會貴過單一公司路線



不過我突然諗到一個順路既新行程，係泉岳寺站落車
去完之後轉IC Card入閘，咁去橫濱就可以唔駛補飛
熟悉鐵路既人可能會知我會去邊度

泉岳寺站一出去係一堆地盤爛地
沿著地盤邊行就會去到JR東京都心最新既車站 - 高輪Gateway
呢個站名非常有爭議性，係各個層面引起公關災難
首先JR東日本舉行站名徵選同投票，第一名就係"高輪"
但最後官方就揀左第130名既"高輪Gateway"
搞到幾萬人聯署要求撤回呢個又日又英又長又難讀既站名
不過官方態度強硬，話呢度一直以黎係江戶既玄關口
Gateway呢個字係希望呢度除左作為地理既玄關之外
仲可以成為連結過去同未來，日本同世界既接合點
聽落好似好有意義咁，但加埋一齊就唔知佢噏乜鳩
如果個名係咁正既話，唔徵選都得民心啦
駛乜搞到贏左都DQ仲砌詞狡辯



新車站設計由自然同傳統見稱既隈研吾主理
所以風格同佢設計既東京奧運主場館新國立競技場有啲似
利用大量木材，玻璃同開揚既無柱空間增加乘客舒適感



日本人口每年遞減，勞動人口只會越黎越少
所以呢度既人好積極研發唔同科技去減少甚至取代人力
JR東日本都係一樣，預視到將來未必有足夠人手維持鐵路運作
平時係車站閘口或者月台都好肯定會見到一堆駅員
但高輪Gateway呢個新車站我完全見唔到有
取而代之就係好多螢幕裝置，顯示一個二次元AI駅員等你問佢問題
而且支援幾國語言，就算佢答你唔到都會駁去其他站職員幫手
個螢幕反光見到自己，唔貼相了

另外仲有一間幾出名既無人商店"TOUCH TO GO"
故名思義就係攞完野行去收銀就幫你計好哂數，拍卡俾錢就走得
唔駛好似超市咁逐件貨咁Do又問你係咪Yuu會員儲分
點解可以咁勁，冇人睇住唔數住都知你買左乜？
背後一切都係透過天花同貨架上有如繁星既鏡頭同Sensor組成IoT
由你入舖頭一刻就已經影左你相，開始實時監視住你一舉一動
你攞起乜野貨個系統都會知，仲幫你計埋錢
行到收銀就好似過e道咁，刷樣搵番資料庫就會顯示你既購物清單
用電子支付俾完錢就會開閘俾你出去

我同老細對呢類創科野有一定認識
入黎呢度當然唔止買野，仲想做仆街仔Chok Bug
例如一次攞幾件野，攞完野放番原位，係暗角交換野等等呃鏡頭既把戲
去到最後埋單俾錢都係準，個系統寫得幾好
但有樣野要彈就係當老細俾完錢行出去之後
我補位行去收銀嗰陣，個系統反應太慢冇即刻閘住我
要等多10秒先落閘同顯示我既購物清單，呢樣要執執
本來想影相俾大家睇，不過裡面係嚴禁拍攝
黎開既話不妨過黎感受下科技既威力


落到月台同大堂一樣都係用木色地板
雖然好新潮，但落雨或者潮濕既話個地下一定勁污糟

雖然由呢度去橫濱搭京濱東北線搭9個站就到橫濱
但夾好時間既話搭1個站去品川再轉東海道線，3個站就到


上次係關西都冇見咁多痴漢廣告，東京超多



因為頭先去左高輪Gateway用左啲時間
預定去紅磚倉庫既行程取消，改去中華街再去高達
於是去到橫濱站再轉港未來線去元町・中華街站，10分鐘內到
公共交通黎講呢個方法最方便，所以車站都賣哂廣告
要留意廣告最底嗰張優惠票已經冇得賣


係呢度叒叒叒見到直通運轉，真係麻撚煩
港未來線連住東急東橫線，再駁埋東京地鐵副都心線等路線
係東京市中心西面既澀谷新宿池袋可以一程車黎到




去既時候過完農曆新年冇耐，有舞獅花燈睇

個站好似幾精彩，要去睇下先。BTW 間無人商店喺閘外定內？

閘內，都幾多人去試完唔買野行番出黎
最好搭山手線或者京濱東北線過黎行完搭番走
外面沙塵滾滾乜都冇