[窮遊豪食逍遙遊]用8日暢遊關東 (東京‧河口湖‧日光‧湘南)

其實死都要搭某條線，而唔係即時查，最多都係輸有限時間，甚至連獲得咗教訓都唔覺

想問有冇人訂過willer express 去河口湖？
佢要入電話號碼
但我未去日本 唔知張卡咩冧巴
點算

用番香港電話號碼，最緊要電郵唔好錯

旅行都係求穩陣姐，你估好似我地呢啲合埋眼都識去咩

好
我見去程仲有10個位
但回程未太知幾時返東京
係咪應該都訂埋？
到時先walk-in 上車 會唔會冇位返東京

我仲糾結5月出發食唔食飛機餐，上次就係食飛機餐中招。

居然追到live咗
樓主加油，快d po 埋剩底行程

lm

江之島無乜雲既時候係超靚，當年影相影完，自此有張靚到長期做wallpaper

河口湖返東京有無限種方法，我都列哂出黎
你都可以走嗰日朝早直接去河口湖站買
不過比較難買到即時上到車既車飛，但因為班次多，除左旺季之外我相信遲1-2班都有位既

我以前都影過，不過相機太廢放大濛查查

中過就唔會有事啦

頂 我11月又係食呢間しんぱち食堂 大門店
食完搭飛機上青森

去Gamers 做咩唔睇數碼子

女女圖呢

我睇咗咁耐個留言都唔明「中招」係咩意思。
以為肚瀉

Just a flu 啦年輕人

你去到日本都要除口罩食飯啦
坐飛機咪又係差唔多

估唔到仲有人擔心會中招 （防不勝防啦 輕鬆d enjoy下去旅行既快樂時光

同意。等緊樓主既新文

唔知老細下餐請佢食咩呢

鎌倉既景點係哂JR鐮倉站東面，但江之電鎌倉站就係西面
所以出左閘要行去右邊鐘樓經隔離條隧道過去
當時醒唔起可以用JR Pass入JR站直接穿過去




黎得鐮倉冇理由唔行小町通，一出隧道轉左就係
6年前夏天黎過，多人到好似以前旺角E2出口咁
今次黎相對好行好多，起碼唔駛膊頭掂膊頭
呢度既商店種類同數量多不勝數，男女老少總有一間啱你行
沿途小食店同餐廳都唔少，係度慢慢行食埋野可以玩半日
我帶老細黎主要係為左買手信，起碼有特色過係東京買啦

ジラッファ 鎌倉小町通り店 [Tabelog評分：3.46]
行行下見到呢間野排隊排到打蛇餅
直覺話俾我知不問價入，排左隊先算
---------------------------------------------------------------------------
：直乜野覺呀，見多女女排你先排咋嘛
：你只需要回答我屌定唔屌
：法官大人，屌
---------------------------------------------------------------------------


原來係賣芝士咖哩麵包，每個400yen
因為日賣過千個，所以吸引過唔少節目過黎採訪
https://www.youtube.com/watch?v=h31mvLtkJvk

因為日元貶值得太勁，進口外國原材料貴左勁多
疫情期間大家賺少啲頂硬上，但復常之後就冇辦法唔加價維番皮
上年個包仲賣緊350yen，而家已經加價左15%
我地遊客都仲覺得可接受，但其實當地人負擔係百上加斤




ジラッファのカレーパン <400yen>
我係香港食過既咖哩麵包都唔好食，連日資既都一樣
除左唔係新鮮出爐凍哂唔脆之外，最重要既原因就係勁油
放落膠袋已經油淋淋咁，咬落去仲咇油出黎
餡料就唔知點解都係唔香濃兼且一Pat Pat，非常難食
呢個包可以話洗走哂我對咖哩麵包既一切壞印象
個皮炸得好乾身，一咬落去係有聲既，好似食吉列咁勁脆
裡面係爆餡既咖喱豬牛肉醬同芝士，熱辣辣勁好食
咖喱聽講用左超過30種香辛料製成，味道勁濃郁，解去芝士既滯



而且個包仲可以好似Pizza咁拉絲，好食新奇又好玩


啲鳩鴿就食跌出黎既麵包碎，形成一個完美既食物鏈

食完個包就繼續行，行到街尾轉右就係鶴岡八幡宮
係12世紀末源平合戰之後，當政既平氏滅亡
源賴朝被天皇任命為征夷大將軍，正式獨攬軍政大權
並係根據地鎌倉建立日本第一個幕府政權，成為實際既政治中心
日本由天皇中央集權既平安時代，過渡為武家專政既鎌倉時代
同奈良一樣，當權者去到邊度，啲寺廟神社就起到邊度
源賴朝同祖先信奉戰神八幡，但本宮就係京都
於是就請神過黎係度建立鶴岡八幡宮俾佢拜神
長谷寺，鎌倉大佛所在既高德院都係嗰個時候建成同開始興旺



參道盡頭就係舞殿，背後有一個非常悲慘既愛情故事
想知就Google"静御前"，呢度唔多講


行去本宮首先要行上幾十級既大石段
望番後面就會見到鎌倉既中軸線，一直到尾就係海


老細好撚肚餓催我快啲走，結果行左2分鐘就回程
之後我地就經番中軸線行番去JR站嗰邊
參道左右都係櫻花樹，2月黎連花蕾都冇



點知行到去餐廳先知係定休日，失策了

我可以唔食飯等到下餐先食，但老細唔得
雖然即刻上Tabelog搵食，但見到呢個時間點全部都排哂隊
老細提議快快手去車站隔離間M記食左先
我就冇乜所謂，因為又唔駛我俾錢
咁啱前一晚睇電視見到西野七瀬賣M記期間限定Menu既廣告
黎得呢度冇理由食番香港一模一樣既野啦，就食西野七瀬個包啦
個廣告其實係致敬舊歌MV，但改到啲歌詞極度on9
不過有靚女貼貼我收貨
https://www.youtube.com/watch?v=OJBxQYzGW7U

スイートチリシュリンプ セット <750yen>
- チキンマックナゲット 5ピース (やみつき旨辛チーズソース)
- アールグレイ アイスティー (レモン)
マックフライポテト Sサイズ<190yen>
日本M記可以揀Earl Grey Tea，冷熱純茶檸茶奶茶都有
我叫檸茶就會俾多盒檸檬汁同糖漿，可以自行調較味道
不過Earl Grey Tea配檸唔係好夾，就咁飲好啲


スイートチリシュリンプ姐係甜辣醬蝦堡
炸蝦餅既肉質比香港M記個蝦堡結實，咬落去唔會散哂
如果剩係落脆香雞翼嗰隻甜辣醬其實都幾惹味
但個包仲落左大量蛋黃醬，咁就累全家，搞到整體味道偏甜
老細食油淋雞堡又係話個醬好甜


香港M記跟餐得薯條同粟米揀，最新有薯蓉但不了
而日本就有麥樂雞5件，沙律同乳酪揀，選擇多好多
我就揀左麥樂雞同期間限定辣芝士醬
雞就炸得比較乾麻麻地，但個醬真係要讚一讚
味道同Planters芝士波一樣，香濃得黎勾起我童年回憶
辣？邊度辣？



食M記冇薯條硬係覺得怪怪地，所以額外叫左個細薯條
食落比香港脆同鹹，但食完就有陣淡淡既沙拉油味餘香

食完再去豐島屋買鳩サブレー，之後就搭JR去澀谷
雖然東京站都有得買，但驚個站太大搵唔到，所以見到就買左先


之前#340提過上野東京線，整合左南關東同北關東既JR路線
令東海道線可以沿山手線東面直通運轉宇都宮線，高崎線同常磐線
而另一條同性質既JR中距離運行系統就係湘南新宿ライン
因為連結左湘南地區同新宿地區，所以就叫做湘南新宿線
佢整合左橫須賀線，埼京線同東北貨物線既剩餘運力再獨立成線
係相模灣地區會利用橫須賀線既有軌道運行
過左橫濱之後轉用品鶴線同埼京線軌道，沿山手線西面直達澀谷新宿池袋
之後轉用東北貨物線到大宮再直通運轉高崎線同常磐線
除左可以照顧山手線西面既乘客之外，仲可以分擔上野東京線既人流
出事既時候唔駛下下都振替輸送，送錢俾其他私鐵駛

全日本鐵路日均使用量前四名就係新宿澀谷池袋橫濱 (排名分先後)
新宿更加係全世界最繁忙既車站，冇之一，可見呢個地區既交通需求極大
係冇呢條線之前，直達橫濱就去澀谷站搭東急東橫線，湘南地區就去新宿站搭小田急
用JR要先搭山手線去品川，再轉東海道線，車費貴又勁麻煩
但2001年湘南新宿線開通之後，改變左整個競爭局面
因為大幅縮短左山手線西面去橫濱既交通時間，連池袋既客都食埋
迫使其他私鐵增設更多特快班次同興建新路線吸引乘客
結果係近期發展成日本史上最複雜既多重直通運轉系統，遲啲有機會再講
但係湘南新宿線牽涉太多路線，其中一條出事就會攬炒
所以係關東數一數二延誤率最高既路線之一

湘南新宿線部分列車係小田原~大船之間會同東海道線直通運轉
所以當時係國府津站同一月台可以上哂湘南新宿線同埋上野東京線
上車前要睇清楚你既目的地，過左橫濱之後就返唔到轉頭
其實得既，山手線可以解決一切問題

鐮倉站可以搭到湘南新宿線同埋橫須賀線
去澀谷當然就搭前者，車程大約1個鐘
去山手線東面既話搭橫須賀線都得，不過係東京就會去左總武地下月台，姐係搭紅色大字N'EX嗰度
之後就會直通運轉總武快速線去千葉，今次冇搭就唔講咁多

黎澀谷其中一個目的就係去人氣熱點Shibuya Sky睇風景
但咁既天氣上去浪費2000yen，所以係附近兜下就算
4月28日之後當日門票加到2500yen，加幅25%
係JR澀谷站ハチ公口一出去，就係世界上最多人過馬路既澀谷十字路口
同嗰個泳池一樣冇可能有人唔識


DMM個廣告做乜由北野武變左做春日既


TSUTAYA上面間Starbucks可以高空睇住澀谷路口
所以長期都坐滿人，但佢地又唔介意後面有人舉機影出去
不過上到黎睇就好似冇想象中咁靚


眼前呢幢澀谷Scramble Square頂樓就係Shibuya Sky
FSDSS-644既封面就係上面影，大家支持下
周圍勁多Ano既廣告，佢形象本身就呆呆地
最記得佢係水曜日的Downtown既企劃既表現
係晨間節目俾其他搞笑藝人幕後控制下做出各種迷惑行為


隔離街影過去就係SHIBUYA 109，轉左Logo
東京復仇者動畫賣哂廣告都改變唔到佢被腰斬既命運

以前係咁既

忠犬八公既故事應該好多人都知，呢度唔多講
銅像呢個位永遠都勁多遊客排隊影相，多人到核爆
今次黎居然可以影到大頭相，2月既東京真舒服


係附近Hea左大半個鐘之後，係時候出發去食飯
係JR澀谷站搭1個站山手線或者埼京線就會到惠比壽麝香葡萄
明眼人都應該估到我地去食乜