[窮遊豪食逍遙遊]用8日暢遊關東 (東京‧河口湖‧日光‧湘南)

焼物 特撰部位
サーロイン


サーロイン姐係西冷，呢度就切條黎燒
之後就放落有醋同蘿蔔蓉既汁度食，中和肥膩感
因為有筋位，所以冇頭先食嗰啲咁嫩口同入口即溶
但肉質非常好，外面仲燒到脆脆地，邊食邊噴油爆汁
食完仲可以撈埋啲沙律菜索埋啲牛油，味道一流




ザブトンの焼きすきトリュフ添え
燒肉既部分已經全部結束，之後就黎到壽喜燒既環節
只有<13900yen>Set係有黑松露，所以唔好貪平



以前未親眼見過黑松露，今次長知識了
聞落的確有啲似漏煤氣味，但其實仲帶有少少蒜味同香甜味既餘韻
不過聽講每個人聞到既味道都唔同，想知就自己叫個黎聞下


ザブトン姐係上等肩肉，油花極度均勻
放落壽喜燒湯底淥10幾秒就得

食完飯都未到7點，去埋呢日最後一個景點 - 台場
係惠比壽站搭埼京線直通運轉りんかい線去東京テレポート
全段車費JR東京廣域周遊券包哂
但呢個站因為土地問題，同一個月台可以搭到3條路線
除左りんかい線同湘南新宿線，仲有相鐵線直通運轉
對轉車客黎講，落左車直接係後面排隊等下班車轉乘，極度方便
但對遊客或者路痴黎講係地獄，因為一唔留神好易上錯車




相鐵12000系電車，2019年隨相鐵·JR直通線通車而投入運作
列車會沿用埼京線同橫須賀線既有軌道行駛
然後轉用東海道貨物線去羽澤橫濱國大，再進入相鐵區間
今次搭唔到有啲可惜，遲下實搵到機會



呢度既月台班次顯示非常唔清晰，冇寫明路線
所以只可以靠睇總站同聽廣播黎辨認路線
----------------------------------------------------------------------------
：呢個月台有咁多條線既，我地應該搭邊班
：我地搭新木場嗰架，小田原同大船嗰架係湘南新宿線，會返左去鐮倉
：你係咪食左本地圖落肚架，咁你都知既
：你自己搭車唔留意姐，況且行程表都寫左搭邊架車，你唔睇咋嘛
：吓乜係咩
：聽日個行程都定好哂，不如今次你做導遊我跟你行
：唔好玩啦，攬抄冇著數喎
----------------------------------------------------------------------------
就咁睇班次唔係好密，其實只係因為部分列車唔停站冇寫出黎
呢度平均3分鐘就會有一班車經過，算係好密


其中一班會經過既就係特急N'EX，簡稱紅色大字
經過呢個區間想唔Delay都難


等左10分鐘終於有車，車程16分鐘



睇到幅JR關東地區路線圖都唔開胃


出左站上電梯之後對住DiverCity行就到
唔係剩係JR先會派彩，京急都會

商場門口擺左以台場為基地既Lovelive虹咲學園既成員紙牌
但套動畫比起前幾套都幾唔好睇


動漫野仲有筋肉人同多啦A夢，有靜香提你洗手



呢度有個屎館，主要係賣屎
連指示版個翻譯都係同屎一樣，有味既



黎到台場當然係黎睇Unicorn，本來白色好地地
因為同水星的魔女做聯動搞到打哂紅藍燈，代表兩位女主紅藍CP
但影相都真係幾核突，睇展板啲字都有困難





隔離彩虹階梯邊嗰間Gundam Cafe又係做唔住執左


影完高達諗住可以行多陣商場
點知7點幾就開哂咪叫人明天請早，咁唯有走啦
Unicorn開左NT-RD提你要噴酒精消毒

台場有兩種鐵路交通，除左頭先搭既りんかい線，仲有ゆりかもめ
如果搭りんかい線返酒店就去大井町轉京濱東北線，Pass全包
搭ゆりかもめ就由台場直達總站新橋，車費330yen
橫掂車費唔貴，又唔駛行咁遠去車站，豪俾佢啦
行去車站途中仲可以欣賞彩虹大橋同東京鐵塔景色，一舉兩得




15分鐘就返到新橋，超級方便



返到酒店就洗埋啲衫，再執喼預備第二朝Check-out
順便食埋前一晚放左係雪櫃冇食到既芝士梳芙厘蛋糕
ふわしゅわ スフレケーキ <228yen>
蛋糕上層係混合左芝士既梳芙厘蛋糕，底層就係海棉蛋糕
食落好軟綿綿，芝士味濃得黎甜度適中，少啲糖就更好



日清拍廣告既思考迴路有時都幾摸不著頭腦
可以拍到咚兵衛咁正既廣告，亦可以拍到呢啲黑人問號既野


https://www.youtube.com/watch?v=GDYGDJal6h0

Day 5完

唔明喎，去食葡萄？

又追到LIVE 留名
準備緊九月
自駕(熱海花火 1日 ->箱根2日->富士山2日)->東京8日
諗緊東京會唔會太多日子

自駕耐啲，富士山2變3日，加多兩三日伊豆，fit 晒

除非日日行街，如果唔係東京好難玩到8日
買張廣域Pass或者長野Pass去遠啲好過

Day 6

呢日真係無聊到震，快快手寫完佢
廣域Pass使用範圍內容易搭車去到既近郊景點我都差唔多去勻哂
呢日就輪到我主場發辦，去啲我未去過既地方
候選名單就有伊豆，水戶同埋日光
伊豆河津嗰頭2月去未有櫻花睇，去黎無謂
水戶2月去梅花未開哂唔靚，去附近景點交通太麻煩，不了
最終就決定去景點比較集中既日光

呢一日又係天未光就要出發去新宿搭車
攞哂行李去大堂Checkout寄存就搭車去東京站買早餐食
老細又去駅弁屋 祭買便當，我就去便利店
之後就搭中央線去新宿站



北陸新幹線金澤 ~ 敦賀路段仲有唔夠1年就通車
由東京出發去敦賀快左半個鐘，不過都要3個幾鐘
但係關西同名古屋出發既特急就會被腰斬，終點縮短到敦賀
迫你一定要轉新幹線，冇得一程車坐到金澤


新宿站原來都有間駅弁屋，叫做頂
但係細間好多冇乜野買


300yen Locker細過400yen咁多既，呃錢

我每次係東京都係揀上野東京線沿線黎住，方便搭新幹線去近郊
於是黎到陌生既新宿站就蕩失路，搵唔到5番線(5號月台)
我地係南口跨線橋大堂，見到3-4番線隔離就已經係7-8番線
當刻有諗過係咪要好似去9¾月台咁撞牆先去到
睇左構内圖之後謎底已經解開，原來呢個大堂冇得直接去到5番線
要落7-8番線再搭扶手電梯穿過路軌底先到
好彩我地預早好多到站慢慢搵，如果唔係就出事



5-6番線仲有(SPACIA)鬼怒川，N'EX，踊り子同サフィール踊り子
基本上都係遊客會搭既特急列車，最好早啲黎搵路


用鐵路去日光有3個方法：
1. 好似我咁係JR新宿站搭特急，車程大約2個鐘，但平日得1班直達車
2. 搭新幹線去宇都宮轉日光線，東京站出發車程大約2個鐘
3. 去東武淺草站搭特急，每半個鐘一班

呢班原本係每日7:31開出既特急日光1號
係3.18ダイヤ改正之後更改為臨時特急日光21號
只會係周末同假期開出，平日搭唔到
平日最早去日光既直達車變左9:34開出既スペーシア日光1號
去到日光都11點半，咁遲先到去黎把鬼咩，準備再Cut車
另外都可以搭特急鬼怒川，不過就要係下今市轉車


列車名有スペーシア(SPACIA)字頭就用東武100系列車
冇既話就係呢架JR東日本253系1000番台列車
點解會有東武車？因為呢架車會直通運轉東武日光線
所以東武都會派車過黎開



仲諗住訂到1號車第一行就可以睇到前面展望
點知原來仲隔左個行李架同兩道門，乜都睇唔到



呢架列車既前身係成田特別慢快N'EX既上一代列車
座位設計有預留俾乘客係放喼係位前面，間距比一般列車多
另外座位都比想象中闊，坐得幾舒服
但坐第一行就頂腳，之後我全程調左去後面坐
而到落車為止，呢一卡計埋我地都只係坐左6個人
難怪JR東日本平日Cut左呢架車啦，真係裝空氣

又係食早餐既環節，老細係飯桶所以頭5日有4日都係食飯
呢日終於可以自己揸主意，食番啲輕食
やわらかひれカツサンド <780yen>
照焼チキンとたまごのサンド <322yen>


呢個三文治用左溫體三元豚豬柳黎整
即使舊肉厚過塊包都能夠輕鬆咬斷
豬扒醬甜甜地之外仲加左少少芥末減低油膩感
雖然好好食，但幾啖就食哂，性價比好低



上次坐近鐵ひのとり食左2間便利店既照燒雞拼蛋三文治
今次就試下JR東日本旗下既NewDays出品
味道同照燒汁比嗰兩間淡同少，唔係唔好食既
不過餡就少到連塊包都唔拱起，呢度已經要扣佢50分



列車由新宿出發，大約1個鐘後就會到栗橋站
呢個站係JR宇都宮線同東武日光線既轉乘站
雖然會停車但唔會上落客，JR同東武既乘務員會係度進行交接
開車之後就會經專用連絡線駛入東武日光線繼續行駛
持有JR東日本Pass既朋友係呢段路都可以搭，留意條款：

【可搭乘之鐵路公司、路線】
• JR東日本與東武鐵道直通行駛之特快列車「日光號」、「鬼怒川號」、「SPACIA 鬼怒川號」的普通車廂指定席。
• 東武鐵道線下今市～東武日光、鬼怒川溫泉間的普通列車（含快速）亦可搭乘。
「栗橋～下今市間」僅可搭乘與東武鐵道互通直達的特快列車。

而揸全國Pass既朋友唔好意思，栗橋以北路段係要另外補錢架
道理同搭富士回遊唔包大月 ~ 河口湖路段一樣，因為唔係JR路段

坐係架車望住出面田原風光實在太無聊
老細又訓著，所以就周圍參觀下


後面2號車得4個人，由此推斷呢架車入座率都唔知有冇10%
少人到車掌都費事查飛，係開車見過佢1次之後就消失左


呢張Poster係想吸客定趕客


之後就去左車頭睇前面展望
運轉士右邊有份準確至秒既運転士行路表
詳細列明列車到每個站既通過/停車/開出時間
運轉士要憑自己既經驗控制列車速度至分秒不差
因為太早到站前面列車尚未開出，太遲又會搞到乘客轉唔切車
所以絕對比港鐵列車車長專業一百萬倍，佩服
返到香港即刻玩番舖電車GO先
搭港鐵就算每日同一時間到車站，次次架車都唔同時間到



附近真係鄉下到不行，除左山就係田



過左栗橋之後仲會停栃木同新鹿沼
唔止冇人上落車，連個站都唔見有乘客

廢事quote兩個，多謝埋上面位巴打伊豆既建議

其實係咁既，我頭8日要孖住長老玩，尾4月半先係兩個人玩。如果我留番尾4日半東京其實都夠，我自己覺得，東京市中心都係食野多

頭1日因為好早機落機，成6點半就出機場，我諗過度過驚好眼訓廢事去熱海趕花火大會，諗住轉
day1:千葉
day2-5: 箱根富士山
Day6-8 : 伊豆???決定唔到。我唔係好想湊住長老係東京迫JR

同埋我一行4人，係咪應該一開波就成田機場拎車渣到day 8還車先搭鐵番東京?

NEX 開波，可以成田一程搭到大船。唔使買 PASS，可以買遊客來回優惠，全程定額但係你搭到 NEX 嘅盡頭大船，抵啲又可以休息下唔使揸幾個鐘車。瞓醒喺大船租好車之後揸去熱海睇花火應該 fit 晒。
唔知夠唔夠抵銷成田去大船嘅公路費，不過瞓返兩個鐘好過揸兩個鐘嘅。

長老如果有足夠智慧唔使送機，可以送佢哋上大船嘅 NEX，唔使送去機場
如果佢哋想行下東京市區，你可以佢哋最後一日 JR 一程過去新宿，或者揸車車去市區任何地方，之後新宿澀谷東京可以送佢哋上 NEX 一程過去機場，夠晒方便，你就可能順手車行李轉酒店去東京，再死返去大船還車。因為你租車係夜晚，還車係同一個時間就 fit 晒。

不過餡就少到連塊包都唔拱起，呢度已經要扣佢50分

你對個包做過啲咩嚟？