First slam dunk令我遺憾

啲人話係喺fans同未睇過之間取平衡
我就覺得係2頭唔到岸

fans覺得其他角色描寫得少
宮城個故事唔吸引兼累贅
因為死老豆死阿哥,阿媽唔睇好所以就想贏山王...呢啲漫畫都唔講，咁不如咪鬼補完啦
反正以前唔講大家都覺得Slamdunk係完美
加咗又唔係幫到套戲效果仲好打亂節奏，只係得到補完2個字

新人睇我唔知其他人點，陪我睇嘅就睇完都冇咩感覺
話成套戲睇一場波？
所以所謂照顧埋第一次睇嘅人......
其實投入到就會鍾意 投入唔到就冇咁鍾意

另外舊神曲唔用我都冇所謂
但成日見井上咁嫌棄動畫版好仆街囉
唔係動畫版同埋堆神曲
齋靠漫畫唔會咁多人識啦

流川果個位真係好差,
完全感受唔到佢係王牌

漫畫講左就唔洗又講多次，一模一樣照搬字過紙出套電影就無意思

你要講晒跟足漫畫根本要拍劇
邊有可能兩個鐘拍得晒
其實你要睇番一模一樣既野
睇漫畫咪得囉
你自己一開始就係假設左電影版sell熱血
隔咗咁多年今次井上係想表達感情多過熱血個樣野
你死忠係要出晒經典場面所以有落差
覺得唔好睇好正常
你試下當係重新接觸過入樽
係另一D角度去睇番打山王場波
唔係只會變左新一堆既廢老永遠只係識講舊時有幾好
又乜又物
唔肯接受新事物

簡單講又係漫畫撚，要100％重現

想接觸新事物就不如開套新漫，Fans入得場，電影又講明打山王嘅話，就梗係想回味翻漫畫嘅感覺。

講宮城背景都無所謂，不過其實講10分鐘已經好夠，而家覺得嗰部分拖慢咗成套戲嘅節奏。

井上一早講到明套戲係為左補完佢自己當年係漫畫冇乜講宮城呢個遺憾

期實係你自己幻想山王戰100% 神還原係套電影啫，人地都冇話要咁做，怪就怪你自己諗多咗

依套係 THE FIRST SLAM DUNK
吸引新客, 畀人第一次睇都睇得明
你想睇果套係SLAM DUNK

人地最初出預告都冇講過係打山王戰個時個個都仲係到鳩估，預告全部都係回憶片段囉

我覺得與其話因為改變打法會傳波令佢突破到澤北，不如話澤北既集中力已經俾櫻木2次出奇不意既封截打破左，澤北一直都話佢心理質素唔好，狀態表現唔穩定，經過櫻木既2對1之後澤北已經由著火變返普通狀態

當然流川改變左係有利因素，但佢同澤北既差距唔似咁易就剋服到

應該咁講。漫畫入面，對另外4個角色描寫都好夠，好明白佢哋點解要打全國大賽。唯獨宮城無講，電影版加漫畫先係一套slam dunk

你要睇TV 版已經講咗嘅野, 做乜唔睇返TV版？
唔入戲院唔識感動咩

事實上話你知如果跟足漫畫嘅話，井上係連做依套電影都唔會做，想跟足就睇漫畫。
同埋依家都咁多死忠屌點解無依樣無嗰樣，想兩粒鐘講哂跟漫畫一定更多人屌點解唔跟足，依家以一個全新角度去講依個故事我覺得好好

TTV版有全國大賽就唔洗大家等咁多年睇打山王啦
但我同意電影唔一定要同漫畫同一角度去講場波

最好笑係話自己FANS, 連宮城個"ear ring"漫畫, 都冇睇過

有時宮成回憶完但就接嘅場上戲係唔關佢事，係其他角色，變到怪怪地

我自己又覺得，其實漫畫都出完咁多年，大家要睇要知嘅都睇晒，再原原本本咁拍返套電影出來其實都幾吃力不討好，就算點拍都唔會拍得出符合大家期望嘅作品。

而我覺得今次佢用全新角度去拍返呢場波，好多嘢響宮城眼中睇返出來，同當時漫畫嘅感覺完全唔同晒，亦補完咗好多原作嘅空白，我自己係幾鍾意嘅。

其實套野唔差
只係大家期望太高
作為一個廿幾年Fans, 有生之年見到佢有下文已經心感安慰

全隊都不擅言辭

鬼滅笑撚左

所以我覺得完整囉

都ok呀，完全將日本人嗰種含蓄區隔同埋血緣關係嘅矛盾表現到出嚟

倒返轉睇, 今次補返宮城背景令新舊人睇都有新鮮感
同埋吸引新人睇完套戲會返轉頭煲返漫畫, 我覺得好事黎
最尾一個鏡頭將宮城呀哥既相放哂係屋企櫃面, move on既唔止係宮城一家, 仲有舊fans同井上佢自己

電影版出左一幕少年三井同講返宮城既出身，就會諗三井作為永不放棄既人，卻放棄過唔打籃球做左古惑仔，反而宮城家庭環境咁差，又可以唔行差踏錯