【十二門徒】《病港ＩＩ》（５９）

M又要做說客

病獵協會唔係都有電腦咩

咁嘅話病者可能番緊工，係街到見到人都唔得閒理

好睇了

推

反而病港系列我覺得唔洗咁急完，

就算完左二，或者話就算M唔係主角都好都好，

第三集由第二個做主角去講埋九龍區甚至講香港以外，好似外傳咁

我諗都大把讀者會繼續追，追墨巴既文，我已經由宜家睇下變左宜家做生活習慣

我都真係好多墨巴喺沉悶嘅疫情底下帶比我同連登仔一種咁好既娛樂

支持墨巴繼續寫病港345 你寫我地就會追
私心都想知自己住嗰區會變成點
利申新界東人

其實病港寫幾耐唔係問題
但係可唔可以集齊所有主角打Endgame收V14皮先

要人類合力

支持墨巴，反而想長睇長有已經慣咗每日打開病港 post追文唔想咁快同M講拜拜

墨巴唔洗理人哋，自己鐘意做就得

病港啲主角咁廢
點打
對比zerowind 甚至廢時都唔夠抽喇

陳一劍乾笑一聲：「哈，恕我直言，呢件事可能比南征本身仲要困難。」

「成個社會風向都係歧視病獵，口上講我哋幾偉大，心裡面就覺得我哋幾污糟，我唔覺得佢哋會提供任何幫助，無出口術阻頭阻勢已經好好。」富馬史口吻冷靜平和，已是司空見慣。

「上次我去中環餐廳食個雞油飯，都有幾個天環人認得出我，要特登調位驚我傳染佢哋，呢啲刻板印象好難改變。」蒙柯亞捏拳抵在嘴前：「我哋俾人當有病喺身都唔係第一日嘅事。」

「但王生好似係M會長你嘅老朋友？」劉吉頭部傾前，提出己見：「如果要用上全國部份預算，你覺得佢會唔會答應。」

「就算幾好朋友……我估都唔會傻到拎哂成個國家用嚟發展嘅預算，押喺場勝算唔高嘅戰爭上……」蒙柯亞由捏拳，轉為掩面。

大家都心知肚明，哪有這麼冒險的總統。

「都唔定。」我開腔打破消極的會議：「王達尼，佢係個鐘意冒險嘅人……高風險，高回報。」

薛墊仁眼光捎來：「佢會賭上成個國家？」

「講緊如果失敗咗，平民百姓連飯都無得食……」蒙柯亞緩緩補充後半句：「佢倒台就肯定。」

「咁首先要列舉出呢場戰爭會為佢帶嚟嘅價值。」

我經整合後，總結出以下幾點：

一，能直接獲得土地上的設施和資源。

二，殲滅病者的巢穴，南區安全度大增。

三，能獲得南丫發電廠全數能源儲備和設施，這是最龐大的價值，畢竟十年時間消磨下，港島北的資源都被榨光榨盡，如要重建文明社會的秩序，那必須重奪香港最重要的電力供應來源。

港島北就如根殘燭，沒有新的香油添補，終將於飢寒下熄滅，但如果現在翻倒蠟燭引火焚燒整間屋子，或許還能多撐一會。

要麼沉默中消逝，要麼轟烈地死去。

「你可以說服到總統？」元蒼開口說話了。

「我盡能力。」要看看我和王達尼的交情多深。

「你哋寧願快多陣，都唔等多兩三年？你哋真係急躁。」牛毛搖頭冷哼。

「咁係因為你未領教過南區病者有幾恐怖，依十年嚟佢哋喺衛生環境惡劣嘅疫區過得逍遙自在，每日增長滋生嘅病毒細菌已經令佢哋變得越嚟越聰明、越嚟越靈活。」蕭梵目光如狼。

「如果南區病者整體水平再提高，就超出南征病獵整體水平，到時莫講話攻到核心地帶，可能喺外圍已經全滅。」秦狩聲如獅吼。

牛毛不再吭半聲。

時間等於人命，不能慢慢研究耽誤。

就好像美國曼哈頓計劃，如果當時的核科學家懶洋洋的吃著甜甜圈，恐怕二戰會持續下去，傷亡會繼續上升，

「分秒必爭，帶我哋去睇導彈。」虎牙總算說出正確的事。

「再有新消息會召集各位，仲有冇問題？」會議是時候解散。

「我想問下博海德佢仲喺將軍澳？」蒙柯亞輕輕舉起手。

「係，佢處理緊……招募病獵相關嘅事務。」直白點，就是電影。

「我諗今個月都留喺協會到，石澳南征部隊嗰到交俾你元蒼。」秦狩罕有的留在倖存區內。

「收到。」

「阿凜，你跟我留喺到。」秦狩特別點名。

毫無存在感的透明系聶一凜點點頭。

「蕭梵，帶路。」我轉望蕭梵。

蕭梵掃視公子們一眼，背部離開緊靠的牆壁，負著手行出會議室門口。

「跟住佢？」馬面姆指轉向蕭梵。

「係，佢行路幾快，跟實啲。」我跟在公子們身後，形成一頭一尾的保護。

踏出病獵協會不久，導彈考察團中終於有人出聲。

「成功率幾多？」是蕭梵。

「你指導彈？未見過唔知。」

「你估算。」

「14.9%。」牛毛準確得答出小數位。

「點解係14.9%，唔係10、15呢啲整數？仲有嗰0.9係點嚟。」我不知犯什麼毛病，心裡好想問。

牛毛沉默半晌：「我可以唔答你？」

「我哋要行過去？」馬面聳住肩。

「仲要穿過嗰座山。」我看向白雲繚繞、蜂巒起伏的太平山。

「咁大個地方一嫁車都無？」馬面一副不敢相信的語氣。

「點解你講到唔係好似生活喺末日後嘅社會咁？你知汽油幾珍貴。」

「有大把替代方案，可以用乙醇燃料或者生質柴油。」馬面說。

「前者冇足夠嘅醣唔會令佢發酵到，後者要浪費好多食物先推得郁到嫁車，唔符合效益。」蕭梵反駁。

蕭梵身為一個豬肉切割員，想不到還是有點科學頭腦。

「世上仲有樣嘢叫蒸汽渦輪機、內燃機同電動車，再麻煩少少整個木材氣化爐，有咗依幾樣嘢配合，遠比單單精煉乙醇同燃燒生質柴油有更高效率，當然入面涉及嘅原理、步驟、化學反應，你哋唔會識。」馬面像指揮家擺弄手勢，答得非常深入。

「講咁多嘢你都係要行路。」龍頭一句話讓馬面閉上嘴。

四位公子哥看來好少做運動，山腰未到步伐已落後蕭梵，好多時要他特意停步等待。

半山裡自然有許多病者，但我和蕭梵基本上都清理掉，詳情細節就不說太多了，反正都是斬來斬去，打來打去之類，沒有值得傾聽的地方。

轉眼間，太陽伯伯快要下山，我們都靜悄悄的潛入南區，敏捷地跟隨蕭梵穿越小路捷徑，並運用聲東擊西等技巧跑入數碼港中。

數碼港外部全給鐵板和木板等東西圍封，構成個防禦基地，要不是組織成員，是好難發現入口真正位置。

即使到了安全的地方，公子們依然心有餘悸，大聲喘氣。

「點解你要揀個咁多病者嘅地方做基地……」想不明白的馬面彎腰按著膝蓋喘氣。

「人更加危險。」蕭梵繼續朝導彈方向前往。

攀山越岭，終於要跟導彈見面。

它位於數碼港三座停車場受忠誠的叛獵看管，停車場入口即轉右，穿過停車桿抵達密封的停車場空間，裡面的最深處有顆彈頭安躺沉眠，給一輛白色貨車承托著，鴨綠色的帆布像張被子，掩蓋著其真容。

蕭梵彈響手指，叛獵隨即點亮火炬，給環境增添一絲神秘感，但最主要也是為了照明。

蕭梵到車邊兩側解開固定導彈的扣子，然後伸手抓住帆布拉下，導彈真貌曝光！

補今po 200正評

一枚深綠色的長柱形狀導彈。

「長度十米，直徑一米。」牛毛靠前兩步，好好審視導彈：「估計採用咗核彈頭。」

「核……彈頭？」一說到核就會聯想到輻射，令我不禁雞皮疙瘩。

「睇佢彈體結構上面寫嘅型號，仲有佢專屬嘅顏色，我大概已經估到支嘢係嚟自咩國家，佢系列叫「暴風」？」牛毛神情語氣審慎：「問題在於，你係點得嚟？」

「同一個人交換。」蕭梵如實回答。

「咁嗰個人十不離九係同軍方相關，除咗準備執行轟炸香港嘅任務，我諗唔到點解依支暴風導彈會出現喺香港。」

「如果呢支嘢真係核武就中止計劃，我唔想炸到成個香港都無哂。」

「關於核武，唔洗想像到係滅世武器，其實核彈威力，都係根據彈頭嘅爆炸當量去決定。」

虎牙給我們說易懂的話：「簡單講，佢雖然係核彈頭，但係爆炸威力唔一定高，以美國嘅大衛克羅無後座力砲為例，佢當量只有0.01千噸威力，殺傷範圍啱啱好覆蓋咗大半個鴨脷洲，又唔超出南區。」

「但呢枝嘢成十米長，點睇都唔似得0.01千噸嘅炸藥威力。」龍頭上前摩挲導彈的外殼。

「我估計佢威力本身可以摧毀半個港島。」牛毛認同。

「咁已經唔可行。」我說。

「唔洗咁快下定論，核彈嘅殺傷威力係可以調節。可變當量喺現代核武器中係好常見，幾乎每個核彈嘅純裂變裝置入面，都必備可變當量嘅裝置。」牛毛凝視著彈頭，繼續深入說明。

「即係自由改變爆炸嘅威力？」

「做法係控制氘氚助爆劑嘅量，通過核聚變加速中子，喺裂變式核彈裡面鑿個真空凹槽，然後注入氘氣體用閥門封住，當操作者想要提升威力嘅話，可以轉動彈體上嘅刻度盤，將閥門打開將氘釋放到核彈嘅核心部分，從而影響爆炸釋放嘅能量，相反如果操作者唔釋放氘，咁威力會大大減弱。」

「即係話呢支係可以自由調較爆炸威力嘅導彈？」

「嗯。」牛毛點頭。

「支導彈體形咁長，佢原本設計出嚟都係俾人用喺毀滅性打擊上？」蕭梵終於開口。

「其實都係受臨界體積限制，核武器通常係做大容易做細難，支導彈設計到咁粗大只係反映咗開發人員嘅能力，佢都可以似超小型核武器咁，爆炸當量喺一千噸。」牛毛的解說讓整件事越來越可靠。

「但將爆炸威力調弱，對開發射嘅人有咩好處？核彈呢啲正常應該威力越勁越好。」有個看守導彈的叛獵插口，那人居然是馬日里。

「講到底都係為咗配合戰術同符合軍事價值。」虎牙轉半張臉，解答那位人兄的問題：「導彈好多時都只係想對目標造成癱瘓打擊，等地面部隊可以盡快入去爆炸地區執行更多任務，下下將任何嘢炸光炸爛就無意思。」

「總結嚟講，我哋可以控制支導彈嘅威力，淨係喺鴨脷洲範圍內……好，非常好！」

不知何時，龍頭站到貨車頭頂部，對核彈頭踢了腳。

「咚」

「你搞咩……」我叫巴不得拉龍頭下來：「一陣踢爆咗個導彈，我哋一鑊熟。」

「核彈有引信，唔會亂爆炸。」龍頭居然還跳到導彈上，踏在彈身上來回行走。

「你係核專家？」蕭梵看向牛毛。

「都只係基本知識，核彈點樣製造大概已經係呢個圈子嘅公開秘密，上網都搵到一大堆，只係單單提煉材料都要靠舉國之力先完成到，但你哋有支現成嘅核彈頭就唔同講法，只需要諗點樣發射出去，成件事相對容易。」牛毛胸有成竹地抱臂。

「之後你要任何幫助就開聲。」

「咁首先要大量紙同筆，仲有軟尺。」牛毛馬上提出。

「仲有床、水、食物、燈、發電機、牙刷、被，任何日用品，我哋之後應該都會喺到過夜。」馬面都提出。

「你哋去準備下。」蕭梵瞄向火炬旁的兩名叛獵。

「係。」淼三仙和吾禍立正。

導彈的事，就暫時交給公子會。

「你確保到佢哋安全？」行出悶熱的停車場，我鼻子大大吸空氣。

「我會交俾副手看住佢哋。」蕭梵說。

「副手？係邊位人兄。」

「伊藤義經。」

「戴般若面具，緋紅刺客服嗰位？」

「就係佢。」

「安全起見，我留喺到一個星期睇睇情況無問題？」我停下腳步，面向蕭梵說。

「隨得你。」

雖然叛獵個個高手，但我總覺得病者當中，會有什麼阻止我們。

我不曾忘記天腦曾經說過，祂擁有每隻病者的視覺。

途中我們對付病者時，衪可能早已察覺我們。

天腦也說過我們人類無法團結，因此永遠不會獲勝，接下來的日子正是驗證真偽的時候。

數碼港，又名狩獵場。

是蕭梵引入的地獄級訓練模式，把一個地方製作成病窩，盡可能提升其病毒量，吸引養育病者居住，然後再投放病獵進行殊死的戰鬥，來淘汰弱者和獲取實戰經驗，奉行著殘酷的精英主義。

壓抑的環境下精神無時無刻備受折磨，有時我真想知道他們加入叛獵組織的原因，除了不受社會所容納外。

「有冇得玩下狩獵場。」我雙手拉直鬆筋。

「隨便你，有幾個新手用緊。」

數碼港總共有三期，蕭梵離開時告訴我二期正啟用著。

甫入商場，已經看到兩名正對抗病者的叛獵，更巧合是兩個我都認識，分別是雲水和沈子帝。

那個叫沈子帝的傢伙，我差點都忘了他是前期我對付的小頭目敵人，現在他舉著木盾，阻擋著病嘴紅唇的烈焰，其身後的雲水則舉槍瞄準。

「你低下頭！我射唔到佢……」雲水喊。

「你試下調位射，唔好企死一個位……」沈子帝忙著左右揮盾甩開病嘴。

「嘩嘿嘿嘿嘿嘿！！！！！！」忽然，商場深處出現大量病者的笑聲。

「病群嚟喇……」沈子帝咬緊牙關。

雲水轉了個位，開槍解決掉病嘴：「快啲跑！」

兩位少男少女正要逃跑前，看見門口站著的我。

「你係……」

「係咪有好多病者嚟緊，唔洗理我，你哋繼續跑。」我做個撥開手勢，示意他們快離開。

他們緊張兮兮的跑上扶手電梯，左右各望看了眼，選擇左面跑去。

兩人口中的病群，是說大量病者成群結隊的意思。

此情此境，我想起是韓湘和雲梨都曾到過的地方，可惜如今只剩下我一人到訪。

看著病者們從地面的兩側通道奔出，一個個肢體腐爛，卻笑容燦爛的跑向我。

我深納呼息，擺出格鬥架式朝病群出擊。

左勾拳、飛腿、提膝、高旋踢、插眼、肘擊、推掌、刺拳、變線踢、頭擊、手刀、掃腳，我用盡身體每個部位，各招每式去對付包圍自己的病者，我切身體會到，自己身體成了最強的武器……尤其是那驚人的抗性。

可是，我對這副新身體並不熟識。

導致有時面對新敵人，都顯得吃力不討好。

我有必要透過重複的實時戰鬥，好好摸透整副身軀。

這便是我借用狩獵場目的。

係宜家現實既病港，睇病港
我會期待墨巴寫一個包含全港地圖既故事
我一開始入坑都係被墨巴對寶琳將軍澳嘅仔細描述吸引
有時經過，親歷其境既感覺好重

如果有埋大西北，九龍區既地圖
我會繼續追落去

早文

推

推