【十二門徒】《病港ＩＩ》（５９）

1，白鯨精神攻擊勁，係因為佢病化後先變勁，唔係一開始變勁
2，病者會隨住細菌量增加變強 具智慧，即係生存越耐，佢地越勁，距離病港有至少有五六年以上
3，病者比M勁係正常，人類成長有天花板限制，但係病者幾乎無限，人類之間實力佢都已經係頂級，例如朴喬夫會用科技整到自己同黑色賢者抗衡到
4，無戰力系統明確分級嘅人類，只有識唔識善用自己專長技巧嘅人
5，就係兩隻病獸打架，人類頂盡做到就好似秦狩咁插枝鋼矛落凶獸個身引雷，人類本身就係弱，就係要不斷嘗試各種可能，即使機會好渺茫

病港2講得比較多人禍

推

推

推 等文

珍

出文未？

想要文

一般人對草都係煙仔咁上下份量
大boss成棵草燒

「要幫手？」

「跟我嚟。」滿天雙手插入袍袋，帶我前往倉庫。

所謂的倉庫其實是下層的病房，裡面放著三十多株大麻，窗簾長期打開供陽光照射。

「幫手摘哂佢，拎去上面。」滿天戴上麻布手套，利用手術刀割開莖部。

我們兩人一起收割大麻，分類成大麻花、葉、莖、種子不同部份，分別放到四個不同的籃子裡。

「你幾時開始接觸依類嘢？」處理毒品什麼的，我是熟手技工了。

「我好早就種開有毒植物。」我都忘了滿天是用毒和暗器的專家。

「仲有其他？」

「毒芹、亮葉猴耳環、羊角拗、洋金花、牛眼馬錢、鉤吻。」

「有咩用？」

「大多數可以直接用嚟做毒藥，如果經過加工處理會做到醫藥，驅蟲藥、麻醉藥、消炎藥、跌打藥酒，整好賣出去賺唔少。」

「原來你都需要用錢……」

「食水、實驗器材、原料、電、柴、米、油、鹽，我係可以自己收集，但我會無時間做研究。」

「我都唔記得咗安定落嚟嘅生活係咁。」

這些日子我都邊吃邊走，除了茅湖山就沒安頓過一個地方。

「幫我拎大麻花上天台曬乾。」滿天指派我。

我捧起棕褐色的大麻花籃子上天台，發現還有其他不同的植物給曬乾，應該都是滿天口中的其他有毒植物。

我找個太陽照射到的好位子放下籃子，乾燥後的大麻花好處不少，綠葉素會分解成能量物質代謝，去除其那陣草腥的刺激。

接著在合適的環境保存，最理想環境溫度大約為二十度左右，濕度約50%。保存期間大麻口感會有所提升，發霉概率會降低，純度更高，我們稱為醇化，是品質定型的最後步驟，保持固定溫度和濕度是不二法門。

放置好大麻花，我回到滿天那邊。

「咚、咚、咚、咚、咚、咚、咚」滿天用搗碎棒砸碎著大麻葉。

「仲有冇嘢要幫手？」

「得唔得閒幫我出貨。」滿天表情語氣俱平靜。

「出貨……幫你販毒？」

「幫我跑幾轉，我堆咗喺倉好耐，再擺耐啲品質會差到用唔到。」

「唔係唔得嘅，但唔好咁複雜，最緊要唔好有打打殺殺。」

滿天從袍中掏出鎖匙拋給我：「去603號房，第二個架最下兩箱嘢，係大麻花，搬佢哋到地下泊車區，你會搵到嫁急救車，打開車後門，入面泊咗嫁單車，將啲貨入落後貨架包，踩去保良局羅氏基金中學，會有人嚟問價同驗貨，賣到多幾就幾多，但我估兩箱大約值兩萬艾幣，賣哂你拎錢返嚟就得。」

我接住鎖匙，怔怔的聽著：「我應該記得住……」

首先是進入603號房，需要用鎖匙打開。

「咔噠」打開了。

是間陰暗的檔案文件存放室，如今擺放著幾十箱植物花葉莖根。

我到第二個貨架前蹲身，拿出最底下的兩個塑膠箱，上面用油筆寫著「大麻花」，裡面存放的都是用藥丸透明袋包裝好的大麻產品。

我經過滿天旁邊，準備落地下大堂前，再問：「嗰間中學咩地方嚟，無神神有個人出嚟試貨？」

「慧安園批黑貨喺外面嘅買賣站，收你貨嘅嗰個係拆家。」滿天說。

「你有冇叫公仔娃娃幫你出過貨？」

「佢哋入世未深。」滿天冷笑。

這就是病港的百種生活之一，每個人都有自己的賺錢方式。

泊車區域中，我好快找到停在正中間的急救車，車後門確實擺放著單車，兩側掛有兩個大大的後貨架包，我將塑膠貨打開後貨物全倒進去，兩箱東西變得空空如也後，再拉好後貨架包的拉鏈，騎著單車出發去。

補上po 600正評

「你幫我出去清多幾圈貨，大概返到嚟就食到。」滿天給圓形的粉團灑下大麻葉。

「仲有咩要運？」

「殺蟲藥，倉庫有清單寫住運送地址。」

步往倉庫的我無端想起件事而停步：「你係咪有個新朵叫W？」

「只係賣貨嗰陣嘅代稱，無理由用真名。」

「喔。」

「嗰個拆家有講起我？」

「嗯，問點解唔係你出貨。」

「佢應該唔係幾滿意今次批貨？話就話大麻擺幾耐都唔會過期，但係太乾會慢慢變成粉狀，燃點提升咗，令吸嗰陣藥力好快俾火燒壞。」滿天使用擀麵棍將粉團擠壓成圓陀陀，深綠的大麻葉都給壓在裡面。

「我賣咗俾第二個。」

「咩話？」滿天停下擠壓的動作。

「放心，收足嗰條友錢。」我整疊艾幣放桌子上。

「我賣開俾嗰個拆家嘅大麻，佢哋只會賣俾慧安園嘅自己人，你賣俾其他人……毒品會流出市面。」

「但問題應該不大？」對我而言大麻是最入門級的毒品。

「相比起其他化學合成毒品，大麻藥效係比較遜色，但我最怕惹起不必要嘅麻煩。」

「你意思係？」

「如果你賣嘅嗰條友，係單丁一個人咁賣，唔係集團式經營，曝光風險都幾大，俾政府捉到會連累成個慧安園要查場，然後係怕班友會搵我算帳。」

「估唔到你諗到咁遠……」

「都係根據蝴蝶效應推敲出嚟。」若有所思的滿天回神過來，繼續擠壓桌面上的薄餅：「到時再算。」

我重回倉庫裡，繼續給滿天清倉。

根據清單上顯示，餘下要放出去的貨品只有殺蟲藥，地點是松木村，那裡接近山林郊野，需求大也是正常。

一箱箱的殺蟲藥給搬到樓下後貨架包後，我繼續踏上送貨員的旅程，即便是少少的一段距離，中間加上病者已經是截然不同的事情。

或許對很多人而言，是驚險要命的生死關頭。

對我來說，都是平淡無味的過渡。

抵達松木村外頭，我把單車推到酒吧，那裡等同村公所，是每天村民醒來聚頭的地方。

「殺蟲藥有冇人要？」我喊。

「係新臉孔。」有位年約八十的老人，前來想要購買：「價錢照舊？」

「嗯，原價七十五艾幣，你成箱買就計你每個五十艾幣。」

「我哋村要一箱夠。」

「一箱？你哋唔係滿……」我慌亂地改口：「阿W嘅大客嚟咩？」

「佢早段時唔出貨，我哋已經親手殺死唔少昆蟲，都幾乎冬天，一箱就夠。」

「咁……」我都再沒理由給他推銷：「好。」

剩下的一箱殺蟲藥，我唯有前往熱鬧的艾寶琳鬧市親自叫賣。

貿業路大街上有跟我一樣叫賣的小販，他們賣的不是二手物品，就是小吃攤檔，像個小型跳蚤市場。

那些攤檔的食物也是非常詭異，給弄成糊糊爛爛的樣子，再蘸點不明的調味醬汁讓你吃下。

時值下午，街上都熱熱鬧鬧的。

「唔買都睇下喇，唔好走寶啊。」、「又平又靚嘅二手爐具，唔煮嘢食都買返去擺下啦！」、「係女人著過嘅絲襪褲啊，保證原汁原味。」、「十年前嘅黎明演場會門票！拎去珍藏啦喂！」、「油炸面球配自家醬汁，兩艾幣一個。」

其中，有把聲音特別耳熟，好像哪裡聽過……

「神仙水！飲咗「咻」一聲帶你上天國！「咻」一聲令你升仙！「咻」一聲令你得永生！「咻」──」是那位穿老式格仔西裝，不久前向我買大麻的老伯。

我行至老伯面前，他呆一呆：「啊，係啱先位哥仔。」

「咩係神仙水？你唔係喺慧安園做？」我起了疑心。

他胸前掛著塊木板，上面放著多瓶來源不明的藥水販賣著。

「你要唔要試飲？飲完你都可以變神仙，飄飄然！」老伯推薦。

「你唔好同我講，大麻就係加咗入你堆神仙水到。」

「當然無！我呢啲係貨真價實嘅神仙水。」

我瞧瞧左右兩邊，低聲悄悄的對老伯說：「你小心啲賣，唔好咁張揚。」

「吓？」

「一陣你俾人知賣毒品，可能會搞著慧安園，得罪嗰班黑手，我同你都有麻煩。」嚴格上來說，只有他一個會有麻煩。

射出的子彈都打我不入，慧安園也別想動到我了。

「咦，M？」忽地，有個聲音清脆的女性叫住我。

我抬頭往聲音望去，居然是瓦禮。

也不意外，她的店舖就在這條街。

高領衛衣配高腰碎花長裙，穿著一雙白波鞋，今天的瓦禮依舊亮麗。

「你收工？」我身子轉向她。

「係啊，都……」瓦禮望向自己的店子：「今日就結業。」

「咁突然？」我行前靠近她。

「都唔突然，都諗咗陣。」

「分咗手？」

瓦禮兩眸呆呆，好像沒意料到我會問：「……嗯。」

「真係可惜。」我說。

「都唔可惜啊，人各有志。」

「係邊個提出？」

「我。」瓦禮點頭，坦然承認。

一想到滿天給甩掉的畫面，我就不禁暗揚嘴角。

幸好，我有鳥嘴面具擋住那微妙的笑容。

「好衝動？定係深思熟慮。」

「深思熟慮咗好耐，然後衝動地提出，之後佢無挽留。」

「我仲以為你哋係模範情侶。」我整箱殺蟲藥放欄杆上靠著。

「唔好意思。」瓦禮雙手靠到欄杆上，跟我看著相同的街頭：「令你失望。」

大家安靜了十幾秒。

「你想結婚好耐？」我開腔。

「唔係呢個問題。」瓦禮伸直雙手緊握，抬頭看汐紫的晚霞：「只係一齊已經再無意思，我哋共唔到患難，亦共享唔到幸福，因為佢係個對所有事都好平淡嘅人，感情唔帶起伏，任何事都唔會講，我實在感受唔到佢嘅情緒甚至係愛火……」

「咁你當初同佢一齊係因為？」

「佢以前啊，係個好似王子咁每次都嚟拯救我嘅人。」瓦禮臉上露出淺淺笑窩。

「佢同我一樣，鐘意將所有事情都壓抑喺心入面。」我不為滿天求情，只是如實地說明。

「咁點解唔同人講？我哋就喺身邊。」

「個個都當我哋係支柱，點可能向其他人透露自己嘅弱。」

「真係奇怪。」

「你舖頭都唔做，之後諗住去邊？」

「愛紗叫我去港島幫手，話嗰到地方好大，我就即管去試下……」

「嗰到人口係幾十個艾寶琳咁大，應該可以忙到你死。」

「係就好。」瓦禮多看店舖一眼，雙腳欲離。

「你同滿天真係再無機會？」我再問。

瓦禮苦笑搖頭，離開我面前。

有文了

點解唔挽留

滿天boy

冇人挽留

我愛黎明 我愛黎明

一想到滿天給甩掉的畫面，我就不禁暗揚嘴角。

M賤撚到
滿天同瓦禮之後都會一齊返一定會嘅

我

睇完3篇都唔知做乜
如果你話呢到有伏筆
我都喺會覺得伏 係好撚伏個伏