【十二門徒】《病港ＩＩ》（５９）

「滿天……不開心，大麻給他快樂。」

「你知道滿天唔開心，所以燒大麻？」

大BOSS拍拍手，點頭稱是：「本來……今天，提煉……小麻！」

「小麻？」

「大、大大大麻。」大BOSS口吃問題依然未有很好的改善。

「然後？」

「滿天本生燈……燒麻期間……意、意外吸入肺……我發現……他露出……久……久違的笑，相信……大麻讓他，如、如釋重負……於是整棵燒！」大BOSS成功活用一個成語。

原來導致滿天吸毒的幕後黑手是大BOSS，果然不負其名。

「然後佢就索性自己捲枝嚟吸？」我說下去。

「對對對！」

「佢有咩唔開心？」

「血禍……公仔麵……娃娃菜……離開、禮都離開。」

「禮？你指瓦禮。」我每次聽完都要自己腦裡翻譯一次。

「是。」

「佢份人，應該唔會在意呢啲事情。」

「但禮，是重要的人……」大BOSS低頭。

「佢離開你係指……死嗰隻、分手嗰隻、定係搬去其他地方住。」

「第二。」

「分手？」

「嗯──」大BOSS也懂得用這種單音回應，只是尾音拖得比較長。

「可以八卦下？」

「他……曾經決定過……疫苗完成後……求婚……可是她等好久了……等不了……結束了。」

「咁滿天都幾固執……」我抱臂托顎，詫異的說：「明明揀日結完婚，之後都可以繼續研究。」

「不……滿天說……結婚後，會不再理實驗……」

「瓦禮應該知佢整緊疫苗？話哂係關乎全人類嘅事，可以大方少少。」我續說。

「M……她已經大方的……把青春交出了……」大BOSS聲線落寂。

「……估唔到你仲有感情過我。」我暗暗默唸。

「他需要……漫長的……休息……」

「嗯，大BOSS，有嘢想問你，有冇見過把金鷹頭拐杖。」

「我房間……血禍離開……醫院……前數天，突然送給我的……」

「我可以拎走？」

「不可以。」

「……」

「哈哈，說笑……我幽默嗎？拿去吧……哈哈哈……」

「……」

跟大BOSS結束艱辛的對話後，我直接前往其房間，發現垃圾桶裡豎放著金鷹頭拐杖，我把它拿上手仔細觀察。

這手感和光澤，沒有錯了。

比想像中順利。

理論上，我帶著金鷹頭拐杖回去就了事。

可是我離開前，想要拉滿天一把。

我總是說他跟我一樣，因為我們都會將感情收藏起來。

我重回公仔的房間，坐在滿天旁邊：「其實吸幾啖都無咩問題。」

「已經無哂。」滿天將煙頭扔地上。

「咁……」我將伸出的手收回去：「真係可惜。」

「其實我已經夠，啱啱嘅份量夠令我維持到精神。」滿天雙手抹落褲子，猶豫數秒：「但個原材料倉庫仲有大把未拎去提煉。」

push

但有一個夢 不會死 。。。

小麻

墨巴好似成日都用啲過咗氣嘅事件嚟取材，但其實係幾個月前最hit嗰陣寫落嚟，淨係我哋而家先睇到咁解

大boss真係好可愛

種大麻！

小麻交俾我提煉得啦

仲以為支線要搵下落不明既金鷹頭柺杖
點知原來係隊草

大boss變左搞笑角色

去OpenRice度講自己平時食開間餐廳而家整得冇咁好食
之後唔過嚟食啦
請問係有咩問題？就算退一萬步，佢行入廚房同個廚師講又有咩問題？

如果係你就會同佢講 唔好食唔好嚟食呀嘛 使乜公開講
會唔會係因為你就係嗰啲接受唔到批評嘅人先唔明啊

笑你啲類比都廢時 咁你下次食飯遇到間好撚難食記得特登行入廚房同個廚師講 再大大聲同其他食客宣佈 不過睇死你條友又係鍵戰白卡仔喺到打下字就算

是日笑話 墨巴個po = openrice

跟大BOSS結束艱辛的對話後，我直接前往其房間，發現垃圾桶裡豎放著金鷹頭拐杖，我把它拿上手仔細觀察。

公子會：董倫先生嘅遺產 神器
大boss：一碌爛棍 啱駛拎去

其實打針同俾槍射呢個我覺得合理喎 唔明點解咁多人覺得有問題。有啲位係覺得拖得太長嘅，不過有返刺激位彌補我暫時都仲接受到。

病港二其實更加似中二M的病港日記 好同意你話多啲用唔同人嘅視角去講故事會更加精彩 其實有好多角色都好受歡迎 例如個人喜好蕭梵 偏門啲瑪希都得 從其他人角度出發 講唔同理念嘅衝突、合作都會幾有趣

課金嗰邊大概係兩三個月前出的 所以呢邊有delay嘅感覺係正常的

「我將伸出的手收回去」

好柒

飯堂阿姨係咪創會會長

記得病港一滿天同瓦禮好sweet

反正湘b失蹤咗
瓦禮又唔要滿天
牙Mon不如乘虛而入同滿天一齊喇
墨巴 滿M佢哋絕配嚟㗎
我仲好記得病港1牙Mon帶班細路去靈實搵相
之後攞把遮同滿天打交
好sweet呀屌

病港2唔知做咩不斷將病港1的人同事越推越神化...令到病港1同2的野加埋一齊就變得好唔合理...用第2季的野睇翻返第1季...

好似強如白鯨因為俾Dr.余、南北契弟同男病童圍死 劇情上好合理 但黎到宜家有咩鯨歌精神技能 白鯨點會怕屬於精神攻擊的男病童 而且第2季出現的病童仲誇張過第1季...跟住M要跨越白鯨的能力 但又不停reboot M又幫白鯨同敵人加新野...仲要d敵人越來越誇張 勁到M都追唔上 更加唔好講其他正常人角色 最尾竟然變到超人打怪獸咁完場其他人幾乎得個睇 跟住M又變返普通人

宜家又搞到感覺上諗唔到點兜就一支飛彈炸哂就算數 不過我已經有支野射得成 但臨落地 Dr.D就會跳出黎單手擋住掟上天引爆的畫面