【十二門徒】《病港ＩＩ》（５９）

估錯左
不過我愛墨巴

原來白飯有玄機

公子會屈撚到

哇！好似睇緊now you can see me咁
墨巴好波！

猴腦用無用機拎走完紙飛機之後，M點解又可以係同一地點搵返定鼠尾故意留線索俾M

關米飯咩事

落藥

似是了撚鳩55M

咁合作硬，要射飛彈了

無人機拎走嘅紙係鼠尾寫嘅
鼠尾唔需要寫八珍大廈
淨係需要寫行刑內容
M執到嘅紙係另一批嘅紙嚟
係鼠尾或者其他公子會成員留低畀M嘅

頭盔：鳩估

公主究竟講左啲咩

好正

好enjoy同大家一齊估既過程

我估同公子會既合作都會以利益關係作為條件

而公子會班精英最需要既係更先進既科技去發展

將軍澳工業區既科技已經到左極限 係時候由南丫島發揮

王達尼講過南丫島發電廠有好先進既科技但因為病者國度地理位置上kick左響中間而唔方便由港島過去

所以我估公子會幫M既條件係到時要王達尼交出南丫島作為條件！

交換條件係俾佢地加入m既勢力

咁咪姐係投靠M
雖然打唔贏M
但都無理由咁順攤

公子會如果同雲尼老豆合作既話應該整到貼近返現代水平既軍火，到時訓練到一班半軍事或專業水平既部隊 人類勝算應該再大d，始終病者都有火器既話大多用緊冷兵器既病獵好難赢（射到飛彈另計，但感覺冇咁順利，因為如果炸到既話個故就會好快完咁）

你冇改錯名

其實支金鷹頭拐丈去咗邊

M搵返會唔會做到公子會大佬

push

「你應該唔會係特登嚟捉佢走？」羊角推高圓框眼鏡。

「理論上佢已經行咗死刑，我唔會再捉佢坐電椅。」

「你幫鼠尾爭取延遲死刑嘅事，其實我哋都睇到，只係想聽下你原因。」

「嗯。」我兩手插腰，困難地說：「咁我就老實講，我想你哋做擅長嘅事……整高科技嘢。」

「火箭？」猴腦露出笑容。

「導彈發射器。」

說到導彈的話題，大家不約而同地看向牛毛。

鼠尾曾經跟我透露過，牛毛是導彈專家。

牛毛不負眾望，站出來說明：「導彈發射方式有分地面同地下、垂直同傾斜、固定同機動、熱射或者冷發射，你係邊種？」

我怔了幾秒：「……有咩分別？」

牛毛哼笑：「你真係唔識？」

「明顯。」我只知道導彈需要一個發射器，其他真的一曉不通。

「你連自己要做嘅裝置裡面包含乜咩都唔知，咁我哋都無咩好傾。」

「幫佢補下習喇，蠢人需要我哋打救。」猴腦笑嘻嘻的說。

「世上無免費午餐。」兔耳兩手平握，跟我談價：「不如傾下，你可以俾到咩我哋？」

「錢。」金錢是最實際和直接，大不了問王達尼借。

「錢我哋多的是，我哋比較著重意義性。」

「幫你哋喺惡意倖存者名單中除名，唔洗俾其他倖存區封殺。」被列入惡意倖存者名單相當於與人類為敵，在末世中非常不便利。

「我哋唔在意任何人。」兔耳彎嘴微笑。

「用你嘅小腦袋好好諗下，有咩滿足到我哋！」猴腦食指轉著轉著指腦瓜。

我應該反問自己具意義性，有錢也買不到的物品會有什麼。

對他們而言，應該不是愛情和友情這種土氣的東西。

對我而言，或者可能是……神傘？

它可是陪我打天下，只是現在遺失了，應該回到七傘武者手中。

董倫是他們公子會的初創領袖，我記得當時他手持的金鷹頭拐杖，甚具意義……

「金鷹頭拐杖。」我直接說出來。

這次兔耳不再反駁，其他公子都朝我而望。

「嗰把嘢喺我手上，我記得以前係屬於董倫，如果你哋幫我整，我就將佢俾你哋。」

我對金鷹頭拐杖的上次印象，是西城薈入侵倖存區時候，我拋給血禍使用斬殺病者，然後給他帶著傍身，沒有收回。

若然根據正常脈絡，拐杖應該維持血禍手中，後來他轉折去到滿天那裡，接著才給困在大本營，所以金鷹頭拐杖應該就在靈實醫院中。

分析完畢，找個日子去問問滿天他就好。

「真？」兔耳只問一個字。

「真。」我亦只答一個字。

「我哋盡量嘗試下。」牛毛擰開油筆蓋，到白板上畫圖案和寫字：「但喺開始任何事情前，你都需要對導彈有基本認知。」

牛毛居然即場授課，白板上畫出飛彈和英文。

「主要發射基點分三種，就係海陸空，香港無發射井、無核潛艇、無飛機，我估計你都係揀地面機動發射。」牛毛指著第二點，繼續說明：「然後發射動力主要都分兩種，冷同熱發射，相對冷發射嚟講，熱發射可行性較高，一嚟技術成熟性，二嚟發射裝置結構簡單，主要靠自身發動機產生嘅推力離開發射裝置，簡單嚟就係直接點火發射。」

我盯緊白板每隻字，盡可能吸收記入腦中。

「然後係發射姿態，有分傾斜式發射、垂直發射同水平發射，你要攻擊嘅目標，係喺咩位置？」

「鴨脷洲。」

「即係地對地。」牛毛劃橫線刪減傾斜和水平發射：「通常係用垂直發射。」

「有咩好處？」

「主要都係操作簡單。」

「最後係固定發射或者機動發射，顧名思義固定喺一個位置射，定係搵嫁車載住佢去某個位射。」

「如果固定發射，可以喺港島北直接射到去鴨脷洲！？」

「如果無風向、風速、濕度、氣壓、雲量依十種當日嘅氣象數據配合，加上要人手計算彈導，導彈嘅準成度會低得恐怖，同掉落鹹水海無分別。」

「如果係機動發射？」

「咁我哋可以整架導彈發射車，發射當日駕駛去鴨脷洲附近，大幅縮短發射距離位置，降低失誤率，然後垂直發射，準成度會極高。」

「即係我嘅導彈發射裝器會係地對地垂直熱式機動發射。」我一口氣說出總言。

「正確。」牛毛劃了兩斜，放下油筆。

腦袋好像要炸裂的樣子。

「有導彈發射車藍圖？無嘅話，研究時間係幾何級咁上。」馬面手裡握著小小的玩具巴士，桌面上控制它前後前後地郁動。

「你哋預計要整幾耐？」我問。

「由收集材料、設計藍圖、到真正製作、發射計算、測試，最快大概兩至三年。」兔耳估算。

「兩、三年……」

「睇你表情，唔多滿意？」蛇舌狡黠一笑。

「我諗住係一年左右。」

「你係整導彈發射出去，唔係去街市買菜。」牛毛無端陷入苦思，單手插腰：「仲有導彈，由彈頭、彈體、動力組織都要研究……否則同發射器唔相融，等於子彈同手槍唔夾，係唔會射得出一樣。」

「廢話就講完，唔去親自實地考察過同睇下支導彈，我哋唔會開始到工作。」牛毛抱起手臂，一副胸有成竹：「講個日子嚟，帶我哋去睇。」

「一星期後，有冇問題？」

「相同地方見，記住到時帶金鷹頭拐杖，證明係喺你手上。」

整個交易對話中，龍頭和虎牙半句都沒發出過，僅僅用那對眼睛盯著我。

我跟公子會爽快地約好，一個禮拜後八珍大樓再見。

會見時，更要攜帶金鷹頭拐杖。

這下我不得不探訪滿天，到清靜的靈實醫院去。