究竟一個拍左八年拖但最後散左既人係咩感覺

理想同現實
發覺無可能繼續一齊 但拖拖拉拉緊
好痛苦

我上年同拍咗九年嘅女朋友散咗都係咁
依家追緊個女仔但冇自信同顧忌好多

其實人生就係不斷提升接受痛苦嘅能力
你個刻可能係天塌下來
走過後睇番轉頭
可能只係一縷青煙

same here….覺得唔會有將來
對方冇諗過點樣去令大家既生活變得更加好
安於現狀 拖得就拖

係我自己唔捨得放手

每次比人問到拍拖近況 我都好心酸
唔敢同人講

岩呀
當個個見你拍咗咁多年覺得好穩定好幸福
更加開唔到口揾人傾
見身邊嘅人好幸福好羨慕

拍咗4年，結婚1年，最近離咗婚

最大問題係每次坐低傾,佢都會覺得個問題係你度,自己唔需要改
就算大家都唔講分手,都唔知仲點行落去...

所以平時人前都好低調 唔會刻意提自己拍拖既事
但偏偏身邊人最鍾意就係問呢樣
由其是就近30 成日比人問plan左結婚未
事實係對方真係冇呢個計劃
我又唔會催佢婚
每次都強顏歡笑咁答
我ok呀哈哈
唔打算生仔唔急結婚既

點解呀

再痛都總會有過去嘅一日。

頭戈幾年就例牌喊苦喊忽死老豆咁款，仲要影帝/影后上身怪自己點唔好、點做得唔夠、如果有得返轉頭就一定點樣點樣云云。

因緣際會接觸多啲唔同類型嘅女人、拍返一兩次拖，學多啲新嘅嘢、做多啲未試過嘅角色，過多幾年就覺得，其實都無乜嘢姐，跟住再重新出發。

利申：拍過唔記得8定10年，初中拍到上大學，再拍到出黎做嘢。

係好sad不過點都要向前看㗎啦
幾鍾意單身嗰三年努力進修 令自己進步嗰種感覺
再遇到一個同我好夾又好過ex十萬倍嘅人
嗰一刻你會覺得自己準備好lu
加油

只要有個穩定地方兩個人住 好多時其實就夠
但呢樣已經好難做到
樓又買唔起 租樓就唔洗諗儲錢
同屋企人一齊住兩邊心底都唔想

我拍左六年 我係要離開香港一年
用左兩年時間 先好返
你會無事架 不過真係需要啲時間
唔好心急 慢慢咁療傷 會過去的

仲要每次見面都會問
仲話下個到你啦
我都唔敢同人講
仲要表面扮到無野
好想死

要搵社工幫手 有無咁撚廢

唔想同你一齊住姐

wa... ching 嘅經歷同我好似... 又係3年幾前同個8年幾嘅女友分開，又係大半年先可以 move on，之後都識到個相處到的，但最近又因為大家想要嘅生活唔同散咗... 人生好難...

Go with the flow, 有時都要明白好多野唔係自己一個控制到
加油

拍拖依D野無新鮮感分係好正常，愈長時間代表明天分既機會愈大

前一段拍咗9年
係年少懵盛盛既年紀 佢大我四年
開始得草率 草率到佢連表白都冇
一野嘴落嚟就開始拍拖
仲記得一開頭好糾結 因為根本唔知自己鐘唔鐘意佢
但係心入面怕佢受傷而冇拒絕
拖拉咗幾年 好似由當初既唔確定去到愛佢
我地互相頂住幾年考上到大學
抵得住花花綠綠既校園生活
抵得住半年去exchange既long d日子到畢業
但係唔知幾時開始我地既約會變到公式化同了無意義
但係似乎都仍然一齊行到出黎工作
去到差唔多要結婚既年紀
突然間有一日想像唔到若果佢成為我另一半時既景象
突然間發現好多價值觀唔太夾
突然間發現到底自己未必好愛佢 （？）
定是係年久以黎既點點不滿積少成多
有人話 有問題點解唔可以拎出黎解決？
因為就算有提及 就算有討論
八九年黎耐性經磨滅得七七八八

呢個時候生命中突然出現咗一個人
一個你一見鐘情既人
於是發現
原來我就係想要咁樣既另一半

唔知有冇人睇過一套韓劇叫「春夜」

原來人要遇到一個真心想要愛既人
先會想起要擺脫一段既唔健康卻又懶得處理既關係

掙扎咗好一段日子 最後決定同九年感情講分手
提出分手一刻雖然好抱歉
但係卻係前所未有既輕鬆
心入面係好似空咗一個位咁
但係又好似放低咗一舊重擔

再後來
發現原來拍拖係咁開心
原來係可以咁輕鬆自在
我終於第一次體驗到

預咗有人話「咁樣係合理化出軌」
「到底點解要浪費人地九年時間」
我何嘗唔係拋低我付出咗既九年青春呢

我諗最過分，甚至唔會相信一個曾經同你拍拖好多年又經歷過咁多事，至親嘅人去背叛自己，分咗手之後佢會講埋哂所謂嘅客套對唔住說話，甚至話如果keep住揾佢或者佢屋企人既話會報警，可想而知佢講得出呢句話有幾撚hurt。雖然佢屋企人依然keep住私底下搵我，當我係佢地半邊仔看待，但其實真係冇任何意義，反而仲有機會比個咁嘅ex誤會我。分手一年，望返轉頭真係好多謝你教識我要愛自己多啲，人既心一變，以前所有甜言蜜語或者承諾變哂笑話，難聽啲講句當自己condom。May wish your new bf good luck～