G.E.M.鄧紫棋2022新專輯《啟示錄》集中討論區

推！

正呀！好似新的心跳嗰重感覺

Evan deactivated 自己好感動
仲係酒吧裏面係Gloria讀到秋封信都好驚喜，本身以為一定係Evan讀到
星期五最後一章

一開頭出預告嗰陣
覺得個storyline同啲caption有啲老套
所以都係一直觀望
點知 第一首已經震撼到喊
之後出每首 睇mv嗰陣都谷著谷著想喊 嗚

作為最早期嘅fans
一路跟著成隻新碟發佈過程
我個感覺好難以言喻
由佢出第一隻EP，當時鐘意到日日聽日日睇
到開始返大陸發展唔出廣東歌，都幾心淡同失望
個個笑佢宇宙GEM，我好似冷眼旁觀咁，俾唔到反應
亦無咩點留意佢，但心底都始終有個偶像的位置
到離開舊公司 出City Zoo
先慢慢理解到
其實以佢創作能力同埋想法
都真係無可能淨係留喺香港發展
講國語都真係成功令佢接觸到整個華語世界
除左中國 仲有台灣 馬來西亞

來到呢隻碟
真係慢慢從觀望態度 變返以前追佢嘅小迷妹
亦對之前對佢嘅不屑有啲慚愧
所有歌都超有力量、超真實嘅情感
能夠正面地消化、轉化過去咁多經歷
拜服

作為佢fans, 可以見到G.E.M. 衝出香港，喺大陸、台灣、馬來西亞同新加坡都有佢嘅fans，（仲要唔係少數）可以見到有咁多人賞識佢 欣賞佢嘅才華真係覺得好感動

最近我見啲新舊FD都會係佢哋面前播吓幾首新歌
有幾個聽完都話對G.E.M.改觀　我都乘機解釋吓俾佢哋知G.E.M.為咩無乜喺香港發展
其實我都覺以佢嘅創作理念　好多香港人唔會欣賞
但G.E.M.根本market都唔係淨係想得中国　同埋唔係淨係得中国人先識欣賞佢

原本諗住出埋最後一首歌先打感想，見到你呢個留言，我以為係自己打出嚟…
我係G.E.M.出18個隻碟嘅時候開始鐘意佢，到出咗My Secret之後係變咗超級fans，（極鍾意我的秘密同寂寞星球的玫瑰）仲去埋睇演唱會。到之後xposed 佢剷青，見到已經有一班所謂fans因為佢剷青而唔鍾意佢，但個陣我都仲係好鍾意佢。

直到佢參加我是歌手爆紅之後，個段時間覺得佢大陸味愈嚟愈濃，冇咗最初個種感覺，就有成2、3年冇咩關注佢，見到啲人瘋狂鬧佢都開始冇感覺，但同你一樣，佢喺我心目中都仲係有一個位置。

直到啟示錄呢隻碟出嚟，覺得佢終於有返我最初鍾意佢嘅個種感覺，啲歌完全冇咗陣大陸味，就係純粹做自己想做嘅音樂，唔理商業成績，老實講，佢連續出14個MV，啲view數一定分薄晒，好難好似之前咁輕鬆一首歌破千萬，呢點我覺得佢自己都知，但都堅持洗成億嚟拍MV，仲要係一個故事，呢點真係搵唔到第二個會咁做。不過見到呢個post咁多dislike，就知佢冇可能返香港發展架啦，但我都會繼續支持佢，希望佢可以keep住對音樂嘅初衷，繼續做好嘅音樂

有一樣係肯定係G.E.M.真係由頭到尾都好鍾意音樂，親力親為花好多時間同心血喺自己作品到

G.E.M. 最近都講過話之後唔會再單純為曝光上啲大陸節目
會以自己生活先主先，最衰依家疫情，如果唔係我估佢一早去唔同地方宣傳

可唔可以講下點解唔係香港發展？

其實兩邊都有影響　有呢啲：同Yoga一齊、反903、
被香港人（包括甄妮）屈佢無禮貌、蜂鳥唔妥香港娛記、啲歌無咩人欣賞（高登仔日笑夜笑人哋鳩叫）、
大家覺得佢舐共、經常被King Jer串（時裝車禍都明　但歌、正常篇新聞又加把口屌）

其實都冇咩點解，出面有更大嘅舞台

見到blackpink youtube點擊成億億聲 其實我想gem出英文專輯打開外國市場

我寧願佢唔返好過返嚟香港開演唱會或者係唱廣東話歌又會俾人串係咪喺大陸撈唔掂，見香港樂壇有返起色所以黐埋嚟（見隔離post都勁多人咁話）

咁當然G.E.M. 有一日唱廣東話歌，我都會覺得好開心。但就算佢唔再唱，我都唔會覺得點，因為我鍾意G.E.M. 嘅原因係佢願意喺音樂方面投入同付出好多。唔通佢以後唔唱廣東話歌就叫背向初衷咩，佢搞《啟示錄》都付出唔少心血，就算面對封城，啲男主角同男配角都嚟唔到，都肯堅持拍落去

除咗樂壇有起色之外都同意你
佢去台灣、新加坡、馬來西亞都好過嚟香港
香港啲頒獎禮又唔會預佢玩，都唔會有咩機會俾到個舞台佢 Live 表演
GEM十年前已經講緊係入圍金曲獎嘅 level，做乜鳩要返香港同班 Live 都唱唔好五音不全嘅歌手爭獎先，起色喎

陣間就係最後一首歌

好同意你講 佢初出道我仲好細 但已經好中意佢
但當時太細個冇機會睇到佢現唱會
但每首歌我都必定會聽 佢當年上我是歌手後爆紅其實我好開心 覺得終於有人為香港爭光
去到後尾上宇宙唱國歌 同特首講加油後我都好少留意佢動向(雖然有人話過特首嗰段係蜂鳥逼佢但當聽下啦)
加上佢全部都係支那綜藝就冇睇
淨係會留意佢出歌 然後聽
好同意巴打話齋 其實一路以嚟佢喺我心中都有個好特別嘅位置
其他人奶共我會好憎 但唯獨佢比我嘅感覺係佢值得有更大嘅舞台 佢係中意音樂>>>中意奶共
尤其嗰陣出一路逆風真係好impress到我
感覺佢由始至終都只係好單純地中意音樂 做自己中意嘅野 但身邊一直以嚟都好多人惡意對待佢
直到佢出咗啟示錄預告 我係前所未有咁期待
未見過一個歌手會用成億拍一套戲 寫14首歌出嚟咁撚癲
失望嘅係呢個香港依然對佢好多偏見 而且我冇辦法喺香港仲有佢嘅時期支持佢
但依加大個咗 除咗買佢張專輯之外 都好想佢返香港開演唱會
前幾日見佢ig live講廣東話 好撚感動 好懷念以前
呢啲野冇辦法同身邊人講 一定比人覺得on9
上嚟圍下爐算

天空沒有極限，呢首歌真係好啱佢

諗住會重新編曲，前面d詞完全無改過，本身期望會有少少分別，但呢首本身都好聽

好想喺演唱會度合唱

啱啱YouTube search咗 勁好聽但點解12點官網都未有歌嘅

點解唔可以留言嘅

聽1分鐘版本已經好鍾意，完整版依然冇令我失望，真係好好聽好感動

好好聽 好唔捨得