公道講句 老實說話 63視角分析
71服打出身價波 100分滿分,梁山實力超班,麒麟作為副盟行動力實力都係副盟中既頂尖,連農夫盟機器人都願意花500金珠飛城卡城,打唔贏63服絕對唔可以怪佢地
本身63服策略諗住俠或冰一個盟加個副盟義已經可以輕鬆掃低71服,比71服打入河北仲搶埋州府係意料之外,最後要63服兩大主盟返河北收復失地,梁山真係交足功課有凸啦,拖住400個63服精銳部隊超過一個月先崩盤
5服都作為戰術指揮其實都做到90分,每條戰線好清晰,同盟關係好清晰,套戰術打到63服亂晒陣腳,日日不停調動去唔同戰線救火,又要解同盟過關口又要不斷下野高戰換盟
你話斯巴達攻巴蜀係咪戰術出錯,我認為50/50啦,事後孔明一定話可以當時攻入關中etc,但要阻63霸業唯一方法又真係搶到成都,當時斯巴達都估唔到63服越崩就越落力換人入去守,你只可以話呢方面錯判形勢,但當時已經深入,有邊個可以咁果斷話放棄?
63服今季發揮就真係得80分。好多高戰賣號退遊,S7之後又一堆九唔搭八加入普通服,未開季已經感到積弱。開季西城尾刀失敗,上洛又立國比人慢鎖住黎打。
戰線混亂又被動,被冰封左一堆戰力之餘,人數又少過5+71,打得真係辛苦,外人睇唔到姐。有次5服係上洛同西城都俘虜埋最後一層門神,都險過剃頭。
但航母就真係航母,發揮到八成水平都打低對手。始終紅度同執行力仲係頂班,早一日入司隸打好勝局,卡城閉城守國土執行力同抗壓力都滿分根本好難輸。
5+71今季發揮同戰術真係勁,我夠膽講打任何其他對手都會贏到。63服八季正規軍霸業最大考驗唔係打10服,絕對係今季。
相信大家都玩到肝衰竭了,好好enjoy餘下半季吧