網絡小說集中討論區<22>

唔算修仙啦
舊既 咩仙逆,凡人唔講啦

覓仙路三步曲, 仙道求索

近D有仙路爭鋒,
誤道者既大道爭鋒同連載緊既玄渾道章都唔錯

我反而鍾意燒腦,
懶好笑同爽文唔太岩
我岩凡人流
凡人 求魔 仙逆最愛

你爽既咪岩 我欲封天, 一念永恆, 三寸人間

你講果幾套我都睇過
不過我覺得唔算太燒腦
真燒腦類 我認為係飛天 蠱真人果種

永恒之火自從儒道後期開始就寫得好長氣好拖 獵命人開頭見佢打邊爐都寫半章 就無咩心機追

見到巴打討論 蠱真人，忍唔住放抵睇緊嘅琥珀之劍，重新睇一次。n年前，因為頂唔順主角無性慾+河蟹，睇到幾百章就棄左。

今次重睇發覺非常好睇，同埋印象好深刻，特別係關於體制嘅問題，當年第一次睇人仲細，未有體會。
宜家講少少推薦一下，未睇過嘅人真係可以考慮下睇。
(暫時睇到120章左右)


(劇透開始)
首先，主角係穿越(魂穿)，資質丙等(分甲乙丙丁)能量(真元)得4成4，丙等分4成1~5成9，要升2轉蠱師，基本都要5成，主角得4成4即係垃圾，以佢資質一般最多只做到後勤 服務家族。
父母遺產又比舅父母拎晒，孖細佬(甲等)，主角開始過住非人生活，但主角唔認命努力向上，500年後，(最盡100歲，珍貴嘅壽蠱可增加壽命)練成 6轉春秋蟬(作用重生 回到某個點)，練成無耐被正派圍打被迫自爆，用春秋蟬重生。返到500年前，15歲果年。

自爆重生15歲，就係書一開始嘅內容。
雖然主角帶住500年經驗+地球經驗重生，但係生存都唔容易，因為佢資質低又無人脈背景，同埋，3年後獸潮來臨，家族少一半人口，5年後，家族因某事件人死晒，成個地方都冰封晒。


一開始主角要爭取時間提升到3轉然後走人，出去闖要3轉否則好易死。主角唔想加入家族體制(職位)，因為好多規矩同埋浪費時間，而且主角憑前世記憶 秘密拎到酒仙遺產，更加唔可以埋家族堆，酒仙係家族敵人，殺左第4代族長。

(所以主角無時間又無需要對佢地好，以主角500年經歷黎講，佢地全部係垃圾)

主角目的係長生，阻住佢嘅人就會殺，但唔係濫殺，唔係為殺而去殺人，當然果個世界，凡人命如雜草隨便殺無乜所謂，主角殺人係為左更快地更直接地 達到佢嘅目的。(前世500年記憶大把好野等住拎 無咁得閒做無聊野)

人祖故仔(歷史？)係好吸引，同主角線好配搭，當書講到希望，就拋人祖同希望蠱嘅故事出黎，講到家族規矩就講人祖同規蠱 矩蠱嘅故事，而且喺人祖遇到蠱蟲嘅順序，唔係獨立事件。

蠱真人 係黑暗文，主角性格 冷血無情 自私果斷，無視 榮耀名譽面子，一路爭霸。
早期比較黑暗 但敵唔過 河蟹蠱，中後期無乜黑暗(聽講，我未見到)，最後比包子蠱收皮封書。

睇大乘期才有逆襲系統
一本書齊哂修仙，搞笑，穿越，乜都有
有d修聊既感覺
見其他巴打推薦，一口氣睇到最新。
真係幾好睇

細個睇好易會覺佢好似嘩眾取寵
但其實開頭係村到已經寫得好正
講體制點保持一個社會，點樣控制一班人
主角係弱小時候
點利用返體制保護自己成長

道門念經人都唔錯
平淡日常修仙 冇為殺而殺

有個咁好嘅人皇
仙界不了

誅仙

有冇Ching追緊太荒吞天訣

ok
不過有d少

依家一見到本書有系統就已經唔想睇
有冇人都係咁

無限流以外嘅小說 好少寫系統係會好睇

大乘期應該啱你
專門諷刺系統養廢人

屌 一見到間福建小學就諗起宋書航個懷孕凝視
何謂孝，何謂愛

其實想睇主角腳踏實地咁努力升級都唔想睇佢哋用外掛屌打全世界
憑咩主角可以有金手指就超越晒其他人嘅努力
同啲撚屌打機開外掛一模一樣
尤其是見到有啲主角擺明冇金手指就係廢人一個

文抄公類小說我更加接受唔到
唔通去咗個異世界／冇咗原作者嘅世界就可以心安理得咁抄襲？
同埋咁樣抄襲法唔驚俾人發現咩
淨係啲詩詞／歌全部唔同風格都好有可疑啦
文學修養呢啲認真唔覺得背經典可以扮到出嚟
仲未計某啲典故可能直情冇咗

開咗從姑獲鳥開始嚟睇
係幾好睇嘅，屌你老味斷更

講得好，我想睇的係主角靠謀略+努力做主角，唔係因為佢地好彩係主角，所以有外掛

推薦下一本愛情、日常、性轉、類輕小說文
菠蘿包輕小說網的 幸福少女
主角(男）一場意外變咗做自己暗戀的女仔，故事的主軸圍繞著少女的願望，而佢的願望係希望所有人得到幸福...
開初的意外定係主角的心理描寫大家可能覺得怪怪地，但全部都係伏筆黎中期開始有d似涼宮春日的消失的feel，後期我自己未睇完講唔倒
故事有笑有淚有糖，誠意推薦各位