網絡小說集中討論區<22>

道詭不了
個個睇到精神分裂

個先後次序錯左 佢如果一早知佢會畫假嘅 點解仲要佢畫出黎？ 如果佢唔知係假 咁點解佢仲要搵張真嘅出黎？ 其實作者只係鋪到好似好合理咁 但實際諗真啲 佢都係係到撚緊人 比個合理啲理由自己同觀眾 可能正正就係符合所謂大魔頭嘅人設 所以我覺得都係爽下好過

唔係無啦啦既
你未睇過就老屈，就真係講唔過
係講主角搵到正派既蠱師遺物
蠱師死前諗到有一個叫骨肉團圓蠱
係為左佢家族苦思，如果有同樣血脈
同感情愈好，骨肉團圓蠱威力就愈好

不過主角同佢夥伴各懷鬼胎
所以兩人個自己知
比佢地兩個人，連煉隻蠱都煉唔到
主角忽發其想，用果個族人雙胞胎兄妹
因為佢地骨肉相連，用做藥引
成功煉成左骨肉團圓蠱
但同時因為取巧煉成，個蠱都唔係完美成品
所以蠱真人唔係用血腥，嘩眾取寵

呢本我都有睇，真黑暗同神經病
睇到百幾章真係頂唔順

我同樓上巴打一樣，覺蠱真人係勵志書
2本唔同類型

修真：仙劍神曲，斬風

玄幻：仙魔神譚，魔法學徒

歷史架空：梟臣，馬踏天下，慶餘年

網遊：高手寂寞，重生之賊行天下

現實中我哋需要社會、需要同人合作係因為個人力量無辦法超越現實，所以我哋推崇信任、團結、包容的美德。
蠱世界係弱肉強食，強者為專，個人的力量可以凌駕於羣體，人性的醜惡自然無限放大。
你接受唔倒人性的醜惡，建議睇翻雞湯文真實的小説唔啱你
仲有邊個場景你覺得主角被害妄想最好直接指出。

古月家族本身就係故意培養家族內部的忠誠，青書愛家族有幾出奇？家族入面每個角色天然就有忠於家族的標籤，白凝冰同方源先係例外。所以d長老先咁不滿方源自行其道，想佢屈服為家族奉獻。

仲有你屌佢無friend真係笑撚咗，你咁可憐連睇書都要主角有friend黎排除孤獨感?主角設定係終極大魔頭，殺人如麻，為咗佢的理想從來都係孤獨前行，要咩嘢朋友?蠱世界出賣朋友、殺人越貨的事多如牛毛，就好似養蠱一樣，只有實力最強的人先可以生存落來。

吓？
如果有jetso就推個細路女去死係好合理
咁呢個世界應該有病

而且用咩手段情節係作者設定
我唔覺老屈咗d咩
退一萬步講
個作者係特意用呢類情節去吸引特定觀眾
正如tvb愛回家你唔會expect日日死人冧樓
情節黑暗就係黑暗, 唔會因佢不同動機而改變

你睇返果幾章，首先佢唔知畫張圖係真定假
佢叫左獵戶畫出嚟
之後有叫班同村後生獵人仔對
話搵到錯處，就比錯處就比錢
等佢地有利益
之後確認左畫果張係岩啦

主角就估獵戶仲有一張
收埋既家傳既地圖，但因為佢怕搵出嚟既
家傳地圖都有機會係假
所以主角咪一早，用獵戶女條命逼佢畫一張
威迫利誘班後生獵人幫佢對，最後再用呢張圖
目的係為核對返，搵出嚟既家傳地圖

無話唔黑暗
本書不嬲都黑暗，我只不想講
咁就唔叫無啦啦
無啦啦係果d，係街見到唔識既雙胞胎就殺佢地
本書心智唔成熟，同唔岩口味
真係唔好睇

嗰part邊有撚堆獵户?主角的心理係:廢物利用
主角根本無打算放過佢哋，不過係榨取佢哋最大利益(揾野豬出沒地點)，非常符合大魔頭的設定。

主要係佢唔信自己殺左獵戶個仔
但獵戶會誠心畫張地圖比佢
最後獵戶的確隱藏左一個危險地方

講真蠱真人描寫黑暗情節算避重就輕後面屠殺幾百萬人命當材料都係幾句帶過，呢個po的人一定未睇過黑暗王者
btw黑暗王者設定倒真心正，不過就真係好壓抑，睇到後半有小小抑鬱

後邊都怕比人封
我反而想知前期，佢點解可以唔比人封書
但最後都死係習雜手下

本書2012開始連載，習種先啱啱上位，個位未坐穩點搞文字獄

前期比較黑暗，就算唔係雜種
中共正常一早封啦
所以本書寫到咁後都算奇蹟

你發唔發覺自己彈出彈入
“一d都唔黑暗, 仲好勵志”係你講㗎喎
我當你一時口誤

重點係我唔gur你講野方式
第一, 你用“老屈”呢兩個字去指責我
Even我講錯咗一d書嘅內容都構唔上我“老屈”本書點點點
更何況我無講錯主軸情節, 佢真係有推細路煉蠱
你話我講錯, 佢係有動機去殺細路, 咁咪話我錯囉
一時口誤有咩咁大件事
有冇人睇本書我都冇錢收, 我唔覺得自己要比人話去屈佢

第二, “心智唔成熟同唔岩口味真係唔好睇”
你想表達d咩？？ 想暗串唔鍾意呢本書嘅人就係幼稚？
鍾意睇血腥殘忍野先係現實？
如果你assume功利/利己主義先係真正嘅成熟
咁我只能夠講非常抱歉

講真, 我分唔清你係有意咁做定純粹中文有問題
雖然我希望係後者, 但係無論邊樣都唔係咩好事
你係想推書, 唔係想撩交嗌

其呢啲自high 垃圾文大陸都唔係個個受啦

我中文有問題啦
我都唔係想同你嘈
我用錯詞，我收返唔係屈
你都係未睇過本書，但上網睇人講
誤信左啫

本書係黑暗，但唔代表佢唔可以勵志
我認同主角行為無疑係唔好
但書入邊仲有其他角色同情節
有你想要既好既價值觀
係令人有所感觸，會觸動到人心
正正人係黑暗之中，先知到光明重要

最後我無話利己主義先係真正嘅成熟
你可以睇返我上幾個回覆都話
正正因為本書有黑暗地方
反而令我反思，現實社會都未到咁差
仲有真心真意付出既人

講心智成熟就真係連登多小朋友
希望唔好睇完唔好走火入鬼
無話你既意思，你諗多左
另外睇書口味唔岩，唔睇係正路

我個人意見啦
蠱真人嘅描寫係十分之合理
基本中世紀黑暗時代個世界就係好似本書入面描述咁樣樣
你睇返曹操，去求靠人嗰時聽到個叔父喺出面磨刀，就殺人全家，講出寧教我負天下人休教天下人負我

現代社會之所以有更高嘅道德標準，都係始於人類依賴以社會群體作生產單位，先至會有更多利他行為出現
當群體生活並不能帶來更高嘅生產力嗰時，人類必然會係自私自利，以叢林法則生活，好人嘅基因好快就死乾死淨

雖然話修仙超能力呢啲係幻想嘅事物
但我覺得蠱真人入面描寫嘅世界，係一個好好嘅警醒
如果現代社會有乜鬼神秘復甦，肯定會變成弱肉強食，比較黑暗嘅世界

同埋我覺得蠱真人同龍傲天唔同嘅地方
在於佢用好多故事或者描寫去講述返主角行為嘅道理
係一個完整嘅故事
會令你反思咩時候應該做好人，咩時候就唔應該

三王個最終大戰係其中一個巨大轉折點，值得睇埋落去

養下本上帝先 雖然對話有時有啲唔自然不過可以睇睇