睇返Netflix既二戰大事記 美國參戰前世界都幾絕望

不過最可惜都係無納粹蘇聯一齊fall
如果做到，東歐（甚至俄羅斯自己）早40年有自由有人權
中共無得掘起，蔣介石可能都要受壓於美國壓力改善腐敗問題
地球上其他反人類共產組織（eg紅色高棉）唔會出現
越戰可以慳返，美國亦唔洗特別扶植個一樣仆街既南越政權
阿富汗無蘇聯入侵，聖戰士唔會得勢，亦無今日塔利班
地球上superpower得返美國，tier 2強國都係英國，西歐之流，全部民主國家黎

真。法國佬成日都吹捧自己自由平等博愛。但係佢對佢嘅殖民地好明顯唔係採取易啲嘅措施。再者，法國佬解殖，係比起英國佬血腥好多。先後打咗兩場喺越南盾等阿爾及利亞嘅戰爭，但道無法保住呢啲殖民地。

法國個種殖民對殖民地掌控好好多嘅
依家非洲啲前法國殖民地都係睇佢頭
實際上好多都係半獨立狀態

西非霸主

由見到你死話唔係輔助，到之後無啦啦又話係輔助
再到拉200萬印度佬做炮灰

唔講個討論
真心建議 你睇睇醫生/心理輔導 睇下有無乜失調/第2個人格

係係係，蘇聯神武無敵，靠自己單挑納粹，英美帝國主義成pat屎，紙老虎

岩岩睇左，好好睇 50分鐘一集睇到第4集

今日聽完個talk，個教授係阿爾及利亞人，喺佢言語之中都反映咗佢對法國殖民嗰種反感。跟住佢介紹埋呢部電影，如果依部電影拍攝係根據史實嘅話，都會知道其實法國佬係好血腥。唔係成日啲人認為，法國佬好浪漫，自由平等博愛。其實佢哋解隻嗰下都非常血腥。

https://zh.m.wikipedia.org/zh-tw/阿爾及爾之戰
https://m.youtube.com/watch?v=Wd5Pz8KJeU4

冇話值得拿黎做光環，而係佢食咗德國8成主力呢件事係唔應該被抹去，就算斯大林或個政權係仆街都好(你屌鳩佢仆街，我都唔反對，但件事就係唔應該抹去)，因為呢個係對當時2千萬抵抗納粹死者既尊重

至於你話有無更加好既準備? 我諗除咗 之前既大清洗真係冇， 冇大清洗 可能會死少人啲，但都會係場血戰。 有無其他我就唔知啦， 或者好似某樓好有創意咁講 去叫英國拉幾百萬印度佬做炮灰啩 應該得啩

你話戰術方面有無， 呢個討論黎意義唔大，因為最多都係有理論冇實踐 同埋 開哂上帝視角冇意思。 當時法國叫做第一陸軍大國都係一個月玩完，成個歐洲淪陷哂，換言之 姐係當時冇人阻到佢。

British Indian Army成兩百萬人，除西歐外打曬全世界，我真係理解唔到送上法國有幾唔現實

明明WW1送咗十幾萬印度佬上西線

史盲學人講歷史

打國力總體戰但剩係計消滅敵軍數量先叫貢獻

破壞佢生產力唔計

封鎖佢原材料又唔計

WW1德國比協約國封鎖食物短缺到水兵嘩變德皇下台新政府投降係咪又唔係貢獻，唔係主力

依家打FPS咩

WW1點解德、俄會自爆，兩邊都仲幾百萬大軍係手？

咪交通線封鎖，以往可以同海外或者鄰國貿易攞到既物資攞唔到囉

俄國就糧食出唔到口換外匯、德國就缺糧軍隊嘩變

我提提你，德國一戰尾仲有幾百萬陸軍係比利時

協約國係咪又打到成pat屎

當時個環境，西線德軍陸軍基本無戰線，蘇聯國土大，德國好自然大規模入侵，自然會有蘇軍頂著大量德軍個結果。

個關鍵係蘇軍有無可能自己頂得著德軍。好明顯答案係無可能。一嚟裝備唔夠，二嚟生產力低。用堆屍去打都頂唔到。如果唔係冬天，德軍個優勢都無咩可能逆轉。

蘇聯好明顯就係用堆屍同焦土縱深去換時間。呢個戰術加埋上面個環境，注定佢個傷亡會大。呢個唔會係上帝視角，係當時史太林個決策造就嘅結果。

死者係烈士。不過都唔好忘記，烈士唔可能手撕德軍。

其實講咗好多次 同埋 你真係有腦内del既問題 咁樣好難溝通落去

英國係做緊輔助，係對個戰場有貢獻，我真係從來冇話過佢 冇貢獻/唔計....

唔係講笑 真心建議睇下醫生check下....

btw 我對上個回覆，係覆緊另一個，個討論當你岩，完咗佢啦

你想攞返個口彩都冇辦法既

我地爭論既1係主次要問題、2係英國係咪成pat屎問題

2應該無懸念，因為我成功舉到幾個證明戰力既反例，你又冇反駁。

問題係1，你睇法係蘇聯殺得最多德軍所以蘇聯最大貢獻，其他盟國都係錦上添花，只係輔助。

咁我咪答你囉，反攻又好，蘇軍點強無敵都好，都只係果，係表像；個原因，個內涵都係盟國既援助，蘇聯先有武裝組織動員兵上前線堆屍，先有足夠既車輛可以實施蘇軍既機動戰術，先有原料生產飛機爭奪制空權，或者乾脆戰爭初期直接就用英美坦克飛機頂著先。

我話緊冇盟國援助，蘇聯已經被納粹滅撚咗啊，就算去到43年反攻階段，蘇聯都仲依賴緊盟國既生產力去戰鬥，如果抽手就要用多10倍既時間去醞釀攻勢。

咁邊個係主邊個係次啊？戰爭係國力既體現，冇槍冇炮打條撚咩

呢個先係我論點啊，自己理解力有問題老屈人精神病，文盲就好心讀多次小學啦。

....屌你老母而家就絕望啦, 德國同日本統治全世界埋幾好,ko 埋中美

你話蘇聯有無可能自己一個頂着德軍，首先個問題係 佢有無呢個可能要自己頂，而其他國家唔插手。 如果蘇德戰場 蘇聯輸咗，除咗無人消耗佢陸軍之外，吞併埋蘇聯領土既德國，就會係另一個超級大國。成個歐洲就玩完。 所以英國冇得唔出手，係一定要幫。蘇德戰場唔單止係 蘇德之間既戰爭，係決定成個戰爭走向。


你話蘇聯唔夠打，係靠個冬天逆轉德國優勢。咁打仗本身係要講 天時地利人和。 同埋租借援助既前提 係蘇聯要撐到1942年底，姐係要捱過咗莫斯科同斯大林戰役 呢2個關鍵戰役先有得傾


咁你話蘇聯係用堆屍同焦土縱深，咁呢個係真。我講既上帝視角係指 事後先黎話應該採取乜乜策略更好，應該要點做之類，其實個討論意義唔大。

烈士唔可能手撕德軍，但同樣冇人揸既槍都唔會殺到德軍，兩者互補啦。 同銀行借錢做生意同一個道理，都要個人做得起先得

但咁樣，美國未必咁光芒四射，殖民帝國主義未必會深刻反醒，響你呢個時空既壞人會變左係英國同法國，變番類似一次大戰果時既果種驕縱自大，東方既共產主義係應對西方殖民帝國主義而崛起，直到走火入魔自己變左壞人，納粹法西斯同日本軍國主義亦某程度上應對共產主義，咁樣只會回歸一戰時既帝國時代，冇左蘇聯，美國好快又會進入孤立，冇冷戰既爭鬥好多科技會遲好多出現，盟軍好快分手，美國形象可能變左好似加拿大同澳洲咁與世無爭

有啲中立國/中立嘅例如印尼人巴西人，唔係咁睇個世界，係覺得美軍同美國都有份促成多極世界嘅對峙。

你（美）唔去搞其他國家，其他國家未必要下下又核武又反美宣傳。個邏輯係咁，我唔係討論應不應。當然呢個idea嘅人係諗得太天真，但都係出於「美國霸權下我唔覺得美國有咩道德高地，結果都只係同其他國家拉成均勢，對我生活亦都冇幫助」。

我覺得美國光環未必會消失，畢竟佢決定參戰果下開始，已經喚醒左佢既外掛級國力。
不過確實，歐洲無左蘇聯威脅，亦有可能同美國無行咁埋（同埋如果佢地太易打贏納粹，戰後就無美國金援，更加無咁密關係），美國反殖思想可能對世界無咁大影響。
不過我覺得英國依然會一步步脫離殖民帝國，因為佢國內其實都唔係個個贊同用咁多資源維持咁多殖民地。法國我就唔多熟，所以難講（不過可以講，越共掘起其實都同法國佬仆街好大關係）。

至於科技遲左出現，反而未必係太嚴重問題，人始終會為左提升生活質素慢慢研究唔同既野。d人生活應該都唔覺有咩大問題（你叫今日既我彈返80,90年代生活當然會覺得唔方便，但平行時空即係果班人係未見過2022既科技）

如果 德唔打英國
日唔打美帝
先東西夾擊俄佬 有冇得諗

德唔吞捷克加波蘭肯借道，日本諾門罕打得好睇啲既可能會

但現實係關東軍精銳大平原作戰不敵蘇聯遠東偏師（雖則佢當時後勤係主力級別）

日本既精銳部隊，係歐美國家嘅二三線部隊
裝甲部隊連無線電都冇

日本好似係海軍勁過陸軍

海軍軍官沉過咸水
班陸軍當生番咁睇就岩

要睇戰場既，越係復雜地形限制日本打得越好（發揮步兵戰力）

去到大平原呢啲講火力同裝備既地形就收得皮