睇返Netflix既二戰大事記 美國參戰前世界都幾絕望

原來係咁

可能真係呢一度嘅時空，造成今日連登史觀右到唔右。
右唔緊要，不過應該諗吓其他人點睇歷史（尤其點解反美，雖然我覺得好多中東人同Latino啲反美思想近乎戇鳩），好多其他人係持非常唔同嘅國家/文化利益。
唔少港人出到去畀人感覺係瞓咗三十年，冷戰思維嘅一班李光耀fans。本身都唔係錯，不過會好怪相。你可能會唔明點解成日要解釋，解釋完都要畀其他人屌咁解。

咪得北非比隆美爾打亂陣腳，反攻個陣康城戰役明明係英國食硬骨頭

你唔講埋海戰？

仲有美帝啲過期dd 係拎地盤黎換架，戰後又係要英國還錢

德國兩次世界大戰極簡短咁講係兩大原因
-民族主義，成個歐洲都係，而佢軍力最強，一統一後就注定會咁，玩下戰棋1914都係同一個原理
上述講咗唔少，德VS法係過百年對決嚟，係封建結束兩大集權國家衝突結局
-由維也納到凡爾賽，歐洲都始終冇一個夠長治久安嘅方案解決本土爭端。拿破崙嘅崛起係觸發咗民族思潮（主要係法國，但其實小國都有文化復興），而Hitler做嘅係喺各種經濟動力都缺乏之下激化更多主權矛盾（邊界中同擴軍等）

盟軍肢解普魯士呢一着其實都唔係解決問題，去納粹先至係，不過代價係種種納粹德國暴行後，先至陸續address啲問題。呢一點其實華約陣營即使被蘇聯操控都有反省過。

可以預計民生科技會一直保持1940年代咁
天生唔係天龍人就係工廠做到終老

凡爾賽嘅缺失係冇和平嘅勝利。波茨坦嘅解決方案，雖然當然係奠定美蘇爭霸，但係在歐洲而言仍然係冇勝利嘅和平，代價係撕裂嘅德國，德國自己變成冷戰前線。

而歐洲相對地終於解決民族主義係德國統一（及蘇東波）。未解決嘅主要有今日仍然屌西方嘅塞族，同埋目前嘅俄政權。

但係佢作為法西斯主義先驅者 點解會唔鍾意墨索里尼？

但係佢作為法西斯主義先驅者 點解會唔鍾意墨索里尼？

威廉同魯登道夫一樣唔老黎阿道夫，不過我估主因係睇唔到佢多過係意識形態唔同。
1939年仍然係德帝嘅話，咁又同第三帝國有咩分別？

睇唔起

興登堡一樣係咁（睇唔起阿道夫，以及以元帥自居），魏瑪德國本身仍然叫Deutsches Reich，係一個血腥鎮壓左仔起家嘅扮民主政權，所以班右膠先至捧個阿道夫出嚟，點知全部反成condom。

又因此，唔講咁遠都好，旨意腓特烈威廉1888年接任後就會行民主係癡心妄想，德國根本冇英國嗰種層累嘅代議傳統。Bismarck嗰套守成係唔可能work落去，亦滿足唔到普魯士嘅野心。畀Friedrich唔好生癌，做多三十年都係會打歐戰，只係或者冇個仔啲外交咁柒。

反而想知 2戰期間 其他冷門國家做緊乜

Eg 南美個堆,中東個堆, 印度, 南面非洲 等等

呢條友最出名除左係法西斯先軀, 就係佢作為情聖身份, 一堆出名既愛人同埋性上癮症, 除左文治武攻, 屌閪都算第一, 除文藝作品同電影外, 其他研究唔算多, 都係估計

一般可以肯定既係, 墨索里尼本身就懷有敵意, 雖然係頭號fan, 但一山不能藏二虎, 偷人野自己做大佬冇理由永遠成為鄧伯既複製品
墨索里尼講過, 鄧伯就係一粒蛀牙, 一係拔掉, 一係用金補牙, 佢選擇左後者, 即係佢比大筆錢佢同一堆毒品去麻醉佢, 同時放人監視, 反正條友就係浪漫都吸開毒(反正果陣cocaine想吸就吸, 晚年佢爬梯仆街重傷都可能因為吸太多毒導致)

佢雖然支持意大利領土擴張但佢當時指入侵埃塞俄比亞, 可能同卑斯密諗法一樣, 意大利要搞唔好搞其他列強
另外佢一早已經透露過係親英法, 當年帶9架飛機炸奧地利就係想意大利加盟英法俄聯軍

係

所以依家成日好多人都笑鳩德日明知唔夠打都打
但當時根本一面倒係軸心國佔上風

假設英國1938年突然良心發現，為啲大陸小國同德國開戰。
佢都未必可以捱到提前一、兩年發生嘅Battle of Britain。
空軍要等到1939年中間開始先有多啲Hurricane同Spitfire去替換以前啲雙翼機。防空系統嘅Dowding system要同年8月先用到。少其中一樣都冇乜可能抵禦到大型空襲。
英國冇條件係1938年同德國開戰，至少張伯倫叫拖到啲時間俾空軍陸軍。

蘇聯冇美援
憑烏拉爾山以東果堆垃圾兵工廠
邊有能力後勤組織到人海反擊

J啊爺個女神
https://www.bilibili.com/video/BV1Xx411s73N?spm_id_from=333.999.0.0&vd_source=6f80bf0ce2e4c11a6d53266a40e1a9f8

Lm

套野明明話美軍打日本開頭都係柒，係負碌先有機會反水
反而狂讚英國喎

正解

二戰上半場，基本上係軸心國領先緊，西方民主國家（英法）係輸緊，無力還擊

美國未參戰嘅時候，歐洲好似輸硬咁嘅情況

依家有好多人開始認為, 就算美國唔參戰, 蘇聯落敗, 英國及英聯邦一個可以挑贏德國, 問題係會變成曠日持久既海上封鎖戰, 認為納粹德國閃電戰只係high一吓, 對比起英國既資源同人源, 德國冇可能長久維持落去, 英國一個可以挑贏不過可能要打好撚多年
日本就唔知