點解8 90年代日本動畫會咁高質?

一系列日劇都係。

入樽好似會出全國大賽篇

因為大友克洋、今敏

或者二十年後將會係原神丶喜羊羊既時代

輕改衰太長姐 動畫下下變左一季宣傳番就無尾收皮

最後一代有正嘅動畫

00年代打後無日本動畫

唔係無
但比例上少好多

點會唔興
不過轉晒去睇美國個啲

樓主睇得幾多套舊作品先
幾部神作真係代表晒八九十年代 廿年嘅動畫質素？
比例係咪差好遠呢，我又覺得八九十年代一樣好多睇唔落
要等高手講，我每季唔係追太多動畫，但每季都不乏高汁作品

題材嚟講以前一定冇依家咁多元化
雖然依家異世界轉生外掛泛濫，咁以前都係一堆機戰類最hit嘅

製作水平現今一定更高，產業規模更加大太多

依家動畫產業唔係真係咁差
甚至講埋漫畫產業，都有好多新舊有料漫畫家撐住，唔會差得過以前

無睇過
但覺得好撚癲
終於明點解日本動畫會全世界彈起
因為啲Visual 美感 仲癲撚過電影
真人做到既野，動畫都做到
動畫做到既野，真人未必做到
所以以前日本啲人真係好撚專業 匠人精神
果陣會用一定全部人手畫，再用電腦comp
1秒24格，一套戲應該要十幾萬格

以前手畫贏過哂宜家想3d偷雞

好，你講到咁，咁我就講多少少

比返而家產量多過舊時好多嘅證據先

(source: 日本動画協会「アニメ産業レポート2019」)
綠色係個一年嘅新作，橙色係續作 (i.e. 第二季)
我諗都唔使描述數據，一眼都睇到7、80年代同而家個產量到底差咗幾遠。
試問每季都有咁多作品嘅時候
有冇可能套套都咁高質
個啲只係睇一兩套嚟消遣嘅觀眾又幾何會一擊即中先?
最常聽到嘅咪係啲人話而家套套都賣肉廢萌
喂大佬呢啲以前都有架啦，係冇咁多咋嘛
你唔啱睇就揀過第2套囉，又要拎黎講

我本來就係回覆緊樓上個位巴打嘅
因為佢嘅睇法就係好典型普通觀眾成日會有嘅錯誤認知

1. 一秒24格
用呢個講法根本唔準確
因為24格本來就係動畫會用到嘅格式
應該要用枚數同拍數去形容

上面動畫製作會用到嘅律表
根據人物動作節奏拍數會有唔同 (Nコマ打ち)
一拍一就係24張
一拍二就係12張
一拍三就係8張
仲有情況會混拍

http://www.kaminotane.com/2019/03/05/4984/
(アニメの「コマ打ち」とは何か
――井上俊之が語る「コマ打ち」の特性)
呢個技法由以前到而家都係咁
下下都講咩幀數唔夠
講咩以前執着24FPS咁唔係不求甚解係咩
唔該分清楚迪士尼動畫同日本TV動畫嘅分別先

2. 以前係手繪，而家係電腦畫
就算而家係多左電繪原畫師
主流都係紙上作畫
畫完scan返比上色部門咋嘛
上完色再入攝影部門做後製
唔該咪講到有部電腦就識自動gen啲動畫出黎好唔好?
就算要講，3D動畫同2D動畫應該要分開
但就算分開，3D動畫師同2D原畫師對演技嘅要求都係一樣
映像技術進步咗
多好多3D做輔助嘅例子，最後都係要經人手畫返
https://www.youtube.com/watch?v=VAIx8aNlpXU
(THE IDOLM@STER MOVIE 輝きの向こう側へ！)
呢段你放係以前冇3D輔助點做到?
拎你班友最愛嘅UFO黎講啦
FATE、鬼滅個啲又係大量3D輔助，出黎效果會差過舊時咩?
又有例子係3D動畫，搵2D原畫師起稿
https://www.youtube.com/watch?v=3Kp8smHwo0g
(3D動畫寶石之國，松本憲生ラフ原)
所以唔明點解要講到用新技術就係唔可取
舊時代技術就係匠人精神
了解下以前用膠片，攝影台係幾咁麻煩先
https://www.youtube.com/watch?v=m4OhYZ6Ga-M
逐張疊上去，仲要唔可以疊太多張
個啲所謂手繪質感
其實係攝影個陣影埋啲塵粒入去咋
如果真係咁好
業界就唔會淘汰呢樣技術啦
膠片上色最多就係賣下情懷
近年例子咪megalobox還原以前效果
https://www.youtube.com/watch?v=BYB-o0m5llE
再拎套新舊對比啊
https://www.youtube.com/watch?v=MtOSegYRd_s
(DQ 達爾大冒險)
以前都做得好，但唔通新版又差過以前?
介紹多條友
https://w.atwiki.jp/sakuga/pages/2020.html
(御所園翔太)
用Blender作畫
https://www.sakugabooru.com/post/show/182819
國王排名第7話同第21話係佢負責
日本動畫其中一個特點係有多樣性、表現豐富
但偏偏就有班友成日講舊時點好點好固步自封
冇了解過就妄下評論
所以我先話廢老思維

普通觀眾欣賞完一套作品評論冇問題、有個人喜好都冇問題
但要討論啲專門嘅terms又亂咁講就唔係咁好囉
成日都扔低一兩句而家個啲作品就係垃圾就叫好有論據?
知道連登都好多高手
我都係唔講太多

近兩三代畫面太電腦化、太膠唔好睇

利申返先
好欣賞舊時代作畫
亦都明白傳統作畫嘅魅力
只係唔鍾意啲人了解得唔夠多就講現代動畫有幾差

就黎變月經post但我認同

你提出呢D理據咪幾好囉
如果好似你一開波就屌柒D人，呢D態度人人都唔想同你討論落去啦

但其實你只係用「作畫」黎做解釋好片面
上面大家一直講緊題材丶劇本先係問題
而家反而似係你未了解成個問題就出黎屌柒人

我回覆緊個個人就係講緊作畫層面嘅嘢
我用返作畫層面嚟覆佢有咩唔啱

再講呢啲POST都就變秒經
唔係你話我冇論據我都唔會打咁大段嘢

一來日本和平左咁耐冇咩新監督經歷過大事件 自然唔會有咩大故事大道理可以 分享
（當然整左都唔等於一定冇事 班年輕觀眾根本冇興趣）
二來係老生常譚嘅過度商業化帶嚟嘅後果 賣好人設重要過賣好劇情
三來同樣係過度商業嘅後果 考慮到作品要賣去唔同國家度播
唔單指玻璃國 有時候西方嘅政治正確都一樣麻煩
所以劇情越簡單越好 最好零爭議=冇政治野


近年係故事平穩落地已經佳作起步
不過仲有個問題係D老staff保持唔到以前水準
搞到佢地整嘅作品同樣冇質素保證

你批判嘅係呢個post嘅人wor
你已經前設晒呢度d人係廢老思維，咁冇得講

栗悟飯與龜波氣功:
"都係個句
而家產量大咗好多（對比下以前同而家每季有幾多套就知
低質動畫個比例自然會多啲
唔好永遠睇個一兩套垃圾或者憑啲刻板印象就話而家個啲不如以前
每次呢啲post就一大堆人屌一代不如一代
高質嘢又冇人講
問多兩問原來間唔中先睇一兩套新動畫
同啲廢老思維一樣"

咁你當我講得唔好
入呢個post個陣我係用熱門回覆嚟睇
冇睇晒成個post
我句"間唔中先睇一兩套新動畫"
本來就係講緊個個人"少睇新番"嘅自我陳述

不能同意更多

所以我好佩服鬼佬套愛死機器人(唔計s2)，冇咩包袱，又有大水喉射住
d故事好有大友克洋嘅影子

點解好似無咩人講叛逆的魯魯修
都係一個社會題材

都係果句啦，而家冇話邊個立場一定岩，邊個一定錯
呢個post討論嘅係動畫質素本身，而唔係觀眾，冇必要羞辱觀眾嘅
羞辱他人，人地就唔會再認真同你討論，就會開始罵戰

我認為搬出理據，其他人先會信服
例如佢少睇新番，你咪推薦近期嘅高質作品比佢，令佢知道「原來而家日本動畫都好高質」。