點解8 90年代日本動畫會咁高質?

如果你指年代 咁我諗都係大約10年之內
命運石之門
小圓
寄生獸
鋼鍊FA
來自新世界
巨人
Odd Taxi

神作求其數，高汁作品更加多數唔晒
我睇得唔多，等大家補充
剩伸：我著重係質素，唔包影響力

呢堆好野黎，又咁講個人認為神作其實要分宅圈神作&現充神作

宅圈神作：大多數毒撚都讚好，但因為毒電波太深圈外人跟本唔會睇

代表作：化物語，命運石之門

現充神作：啫係套野本身係毒撚圈己經有名氣，動畫化之後連本身冇睇acg野㗎同事都突然同你討論劇情

代表作：鋼練，巨人

其實舊個堆動畫制作人一
直都想將acg大眾化，因為咁先可以支持成個行業發展
，所以點解啲人話大和號/高達係神作，全因當年佢地打破個次元壁，將動畫帶到社會人面前。但近年黎唔少動畫商走翻回頭路瘋狂為商品化作出讓步，到最後出到圈㗎少之有少

利申：全段為本毒撚一己之見

我都同意以前好多作品都係想將acg大眾化
依家就食毒撚市場已經賺唔完
但我諗有咁嘅趨勢 主要都係時代環境因素使然
八九十年代日本泡沫經濟爆破＋二戰後影響，動畫產業未有固定target customer 嘅時候，發散去搞擴闊市場為主要方向
舊動畫 出名嗰堆有咁高嘅reputation，某程度上係得益於社會大環境+頭啖湯+情懷

近十年出圈都有巨人、鬼滅、spy family、你的名字、天氣之子
數多十年對應返八九十年代，有死亡筆記、棋靈王、甚至魯魯修？
唔使去到出圈 齋講神作都唔少，Monster、00、千與千尋、新Eva，仲有今敏堆作品呢
呢個年代真係大把真。神作可以代表呢個年代

就算八九十年代 出名嗰堆舊動畫，都唔係套套神作，咁嘅話即係計埋高汁作品，呢廿年數都數唔晒，所以我開頭都話 樓主睇得幾多舊動畫吖，以偏概全印象流啫

邊個人有能力睇晒呢40幾年嘅動畫
咁你又何嘗唔係以偏概全呢

事實上庵野都係睇淡日本動畫嘅發展，不幸中嘅大幸現時冇佢想像咁差
https://unwire.hk/2015/05/26/anime_end_in_5_years/japan-gadget/

雖然係殘體，大陸人嘅分析，但有晒理據理性分析
https://www.zhihu.com/question/30665864

問題係 你會唔會印象流得太誇張？
呢個年代嘅動畫 計埋劇場版，我都睇咗幾百套，從而有少少咁多心得
而你所謂嘅最近，係睇得幾多套八九十年代動畫 而得出你嘅結論？
咁係咪倖存者偏差先？一將功成萬骨枯 底嗰浸你無視咗
我有叫你舉十套當期時神作出嚟㗎，我估你都係睇開出名嗰堆啦，我都係咁，我又唔覺好多套睇得過 或者質素屌打現今動畫
我求其舉都舉咗十幾套神作出嚟，已經仲未計高汁作

事實係你睇嘢唔全面 妄下定論
我上面有同意現今動畫產業好多地方係令人失望
要講睇唔落嘅作品 呢個年代一定唔會少
但同時產業發展唔會太差，差到話要收皮？冇可能

你篇嘢tldr，有冇總結？
齋dum低條link我都識
https://www.zhihu.com/question/369036476/answer/1070798444?utm_oi=38642940641280

又貴古賤今
過多二十年又會有人話2010-20年代啲動畫高質過當代嘅

呢個post係討論動畫，個討論重點唔係樓主睇咗幾多套，有冇個人偏見，而係動畫質素本身

你提出嘅論據都係「你覺得」，都係好主觀，日本動畫上萬套，你先睇得幾百套，咁是咪都係以偏概全

而你提出嘅例子亦都偏頗，明明而家日本動畫產業面對緊好大嘅問題，但視而不見

另外你唔想要以偏概全咪睇吓其他人點詳細分析囉
但你詳細分析唔睇,動畫制作人訪談唔睇，一句tldr去結論要人餵食，咁我幫你唔到

成日有人讚八九十年代啲動畫
真係好睇得出名嗰幾套
其餘嗰啲劇情老土嗰日劇

最弊你連幾百套舊動畫都未睇過就喺到打晒J 眨低呢個年代嘅動畫呢

日本動畫產業面對咩問題？你指出咗啲咩？
故事題材闊度 深度>依家嘅動畫冇？
作畫>依家嘅動畫唔屈機？
異世界轉生丶後宮丶萌作當道>以前唔係機戰類當道？
設定唔嚴謹丶故事多BUG位嘅輕小說改編作品已經上到神台
>邊個同你講？ 我#4已經表達咗我睇法，睇你咪又係私怨單打

庵野篇訪談2015年做，依家咩年份？
>隨著觀眾減少而導致資金減少，已無法有一個健康的製作環境。
鬼滅咩嚟？咒術咩嚟？紅到出晒圈唔當觀眾？新Eva票房幾多？

>他表示可能在 5 年後，台灣會成為世界動畫的中心，因為他們有熱情與動力。
台仔去幫日本動畫畫嘢就有，成為世界動畫的中心？搞緊笑？

>說到日本動畫現時的問題，庵野表示它們的形式已成惰性，他相信日本動畫必需要更加多變以及接受新模式，例如使用電腦動畫，才能尋找出新的環境及出路。
依家唔係？

唔係搵個專家就講乜都係啱 照單全收，自己用腦思考吓啦

至於最後 你都幾撚搞笑，意見俾人駁晒，就自己dum篇長文過嚟 總結都唔做想點？濕鳩到你
我又同你講，我dum篇嘢畀你 你又唔睇？

又咁講，隔咁多年仲有人記得同討論側面證明個套真神作，你睇下當年套k-on個個話神作，你依家又有幾何見人提起

你喜啦，主觀意見仲專業過做咗幾十年嘅專家
唔去日本真係浪費咗你，睇你帶比我地更多嘅高質作品

神作一定經得起時間考驗

一寫完z之後已經知道返唔到轉頭
嗰陣0079做畫到薩比家成班鬼上身咁
宜家就係咁洗白自護軍同吹大嗰班一見到阿寶就死左嘅ace

睇得幾套喺到印象流，你冇五十套都唔好講啦

2015年嘅時後，Netflix 都係啱啱開始投資日本動畫咋
2018年動畫產業規模比2002年大一倍，比八九十年代大
每年播出動畫量比九十年代多出一倍有突
>隨著觀眾減少而導致資金減少？
紅出圈數漏咗你的名字、天氣之子，票房過百億，呢啲咩嚟？

拎住7年前嘅資訊當係金科玉律，講出嚟笑死人
你有料就駁，我有邊句唔啱？結果你一句都駁唔到
私怨撚單打就叻，小學雞咁肉鳩酸

惱羞到要人生攻擊
sor lor，唔好嬲，我認我係小學雞
係啊，真心駁你唔到，好pro，勁啊

始終0079仲係有d超級系嘅影子
薩比家要做到邪惡反派咁

「唔去日本真係浪費咗你，睇你帶比我地更多嘅高質作品」
呢句原來唔係小學雞？
結果你係一句都駁唔到，dum句廢話 話你有講錯?

求神保祐巨人動畫版會有新ending
唔想二次傷害

外判真係冇解，日本人工vs中國/東南亞人工

當年有套女子高生(類似男子高生日常) ，外判比韓仔，浪費咗原作
諷刺嘅係個ed好受歡迎，因為搵咗梅津泰臣操刀

https://www.youtube.com/watch?v=8guyxEf4dA0

巴打唔洗同個痴線樓主癲
條友主觀覺得日本動畫收哂皮
點講都唔聽,笑死
近年同以前講日本動畫危機個時已經好左好多
神作我都覺少左
但佳作完全唔覺會輸/少過以前
講商業更加唔洗講
真係秒殺以前動畫界

Agger
睇返上面啲cm
就知佢「設定唔嚴謹丶故事多BUG位嘅輕小說改編作品已經上到神台」呢句係單打緊86
所以佢其實就係拗唔過人地 先開呢個po 單打，可悲到

blame好似n年前有fans made動畫

大家唔使勞氣，其實只係大家都誤會咗樓主，佢開po嘅目的本來就只係想表達 86係垃圾 呢個諗法，主要並唔係想攻擊其他現代作品嘅。因為86用左3d,所以3d=垃圾，因為86係輕改，所以輕改=垃圾，因為86係boys meet girl,所以就話依家嚟嚟去去都係boy meet girl嘅劇本，=無深度=垃圾。

樓主下次學精啲有嘢唔滿意，title 開名指住嚟中鬧就得，無謂搬埋啲祖宗18代出嚟，就係為咗話86係垃圾，結果又肯唔開名，搞到其他認真討論嘅人以為你攻擊曬全部現代動畫，誤會你啦

86 fans真係成身g點
開個懷舊post就以為批評緊套作品
如果套野真係「神作」，又駛咩要你班fans mon晒post護航呢

F世一
macross三神器
變型機械人 三角戀 歌

驚爆危機橫跨咁多代計佢咩年代好

首先，我係俾你個title呃入嚟我入到嚟亦都無討論86係咪神作，點知見你話日本動畫收皮嘅原因，全部都只係針對86嘅point，但就講到係全部現代動畫都不濟咁。其實我唔係淨係睇一套動畫囉除咗86仲有唔少鐘意嘅作品，唔係套套神作，但都俾你可以竹篙打曬

舊蠟筆小新都屌打晒