點解8 90年代日本動畫會咁高質?

冇人夠膽出新野，真喺好慘
身為一個80後，其實我知道我未識點睇動畫時
果個年代出左好多正野，但真喺太細個，可能要問返6，70後先知
我講緊喺以前果啲比較成人向嘅動畫
就喺因為全部用手畫，可以有幾血腥就幾血腥
但依家啲真喺好多唔掂，主要唔喺畫功
喺故事內容嘅多樣性，最踩界都可能喺玩BL

細個睇機動警察同亞基拉呢啲真喺正到標精

睇下以前大島渚、黑澤明、小津安二郎等導演，拍嘅電影係咩題材咩風格
現今嘅日本電影，又係咩題材咩風格
世界早就唔同咗

個個年代真係可以靠賣碟賣vhs 回本
老翻係有但都係要俾錢買

遠少少來講
今敏個種畫風、敍事手法、人物描寫性格營造以至作畫、分鏡真係頂級

近年嚟講，覺得《無職轉生》真係畫得好靚，出slogan果嘢幾乎打冷震
睇完季動畫，走去睇輕小說，點知中後段悶到抽筋，由穿越冒險，變咗日常番、校園番。
無話唔俾拖唔俾變，但劇情無聊、對白唔到肉，浪漫情節唔浪漫，感動情節唔感動，又幾乎無晒戰鬥

講開先醒起原來悶到無睇晒⋯⋯基本上睇咁多年小說，每本都會睇到結果

EvA 好正

86 個重點都唔係世界背景到，呢個應該係原作輕小說問題
但呢套當戀愛片睇好好睇喎
同埋3D作畫邊度有問題

幾原邦彦都未退休，仲有機會更上一層樓喎
同埋呢句可能好多人反對，但我覺得佢徒弟套少女歌劇Revue Starlight係青出於藍而勝於藍

冇人夠膽出新野

雖然我都對近年新劇D走勢有好多唔滿意，但呢句真係唔多認同　
不如咁樣問，舊年ODD TAXI、SONNY BOY、平家物語、Wonder Egg Priority 算唔算新野先？

我覺得近年業界其中一個最大遺憾係呢類哲學、政治型動畫斷哂纜，PSYCHO-PASS之後完全冇成功新例子
不過我搵過一輪之後好似發現大部分呢類「深層批判時弊」作品好似都同押井守有Ｄ關係，日本業界要出個同類愛好新人可能有Ｄ困難　

其實呢堆輕小說改篇（你幾何會見到有原創異世界題材動畫？）真係百思不得其解，個良品率係異常咁低（分分鐘連登講故台平均水準都高Ｄ），出書出漫畫都算（呢類漫畫好似都係新手練兵場），每季都有５套以上比人用幾百萬幾千萬投資做動畫我真係唔明
好在近一兩年輕小說風向開始轉去當代戀愛喜劇，大部分都係不入流不過起碼唔會當場毒發身亡先　

https://youtu.be/O2noD-TnKQA?t=487
8分鐘開始
改成3D化都可以有好野,係小眾咁解

近年都起碼有湯淺政明做出自己風格
（講開又講希望佢最新套犬王可以係香港上...）
https://www.youtube.com/watch?v=1aWljU6ZDKU

講起八九十年代嘅動畫 , 我諗可能係有啲題材同埋表達方式冇規管咁多 , 先至可以淋漓盡致咁樣表達出嚟 , 而家嗰啲動畫表達方式製肘感覺上多咗 , 同埋題材都單一化先至有新不如舊嘅感覺 .

仲有80/90年代嗰陣時印像中有幾個極度血腥暴力嘅都唔知點解可以喺電視播（好似都係淨係過咗一兩集就冇下文 ）, 例如惡魔人同Genocyber . 呢兩個我問返屋企人都有印象喺電視機睇過 . 如果而家嗰啲都可以做到上面嗰兩個例子嘅級數嘅話我應該都會幾有興趣睇 .

3D作畫對比起手繪，相信多數人都係鍾意後者多D

套片個設定唔嚴謹到令人懷疑個作者有冇基本程度嘅政治丶軍事知識。咁好難令人投入個故事

如果當佢戀愛片又尷尬，女主角下半埸no show
主線去咗個蘿利度，不如當佢係後宮片?

最大問題係咁嘅質素已經比人叫做「神作」

PSYCHO-PASS咁快已經係10年前嘅片
ghost in the shell sac就20年前

呢類片呢幾年真係搵唔到有邊套

輕小說改篇根本就係問題之一

「輕小說改篇」同「小說改篇」個故事深度已經高下立見
https://www.youtube.com/watch?v=XV5H05l-COc&t=49s

以前做生意手法係用心做好個產品吸引客人
而家係將舊野變少少再包裝做新野推出去賣

同埋好多idea 都已經用左所以覺得無新鮮感

當年無咁多法律規則，現在出唔返

唔係啦
好似高智能方程式sin果堆出果陣，一早冇泡沫

任何一個 領域 都會由

零 > 起 > 盛 > 衰 > 完

咁啱嗰個時代係 百花齊放


換個例子
元宇宙 而家屬於 [ 起 ]
第時你會問

點解 30 ，40 年代 元宇宙 咁高質 ?

https://youtu.be/cQyOaaE7ovQ
主題曲都極高質