好耐之前,響三藩市一間影印鋪返工,個華人老細係仆街中嘅仆街嚟嘅,淨係識呵住幾個白人sales,後面班伙計做到狗咁仲經常俾佢鬧
有次明明係個白人sales同客飲大咗,返嚟公司撞跌箱文件。點知個仆街老細竟然屈鳩個平時笑笑口唔多出聲嘅墨西哥仔。其實墨西哥仔果朝已經話屋企有事要走先,點知仆街老細兇鳩佢話如果佢早走就當佢犯過失炒佢魷魚,連呢個禮拜嘅人工都唔會俾佢。個仆街老細上午唔俾佢走,下午仲偏幫個白人sales屈佢,結果墨西哥仔發癲,一輪嘴狂屌仆街老細同白人sales racist。
當時我同其他人響公司後門貨車loading bay做緊嘢,聽到佢哋嘈咗一輪,仆街老細係咁話you are fired get out,然後墨西哥仔衝咗出門口,我哋咪以為件事告一段落囉。點知唔夠五分鐘,墨西哥仔揸住部車鏟入嚟舖頭,嚇撚死我哋。佢一落車就攞支槍出嚟,我哋見今鋪大撚鑊,拿臨響loading bay走人。
後來聽聞原來墨西哥仔果朝話屋企唔知邊個病危要去醫院,個仆街老細一句I don't care none of my fucking business已經令墨西哥仔好唔高興。點知仆街老細仲要再屈佢同炒佢,最後墨西哥仔冇開槍殺仆街老細同個白人sales,只係用槍指住佢哋打咗佢哋一鑊,我哋全體同事都覺得佢已經算好好……只可惜墨西哥仔最終都係俾人拉咗,我都唔知佢呢鑊要坐幾多年