我鍾意咗個網故女作家，但佢真人好樣衰。

推

推唔到

有樣嘢都令我幾驚訝
竟然冇人鬧過翩翩？

想屌
根本自己都係收兵格

推推

推

翩翩咁可愛邊度鬧得落

佢放過呀謙對我黎講先係happy ending

都係個句 沉船太深等於奶野
唔好沉船最好

一個願收兵 一個願做兵
建議畀返阿謙我

醒啦翩翩

能夠遇到一個令自己沉到反艇嘅人，都好似幾正痛並快樂着

在夾縫中捕捉你

可能好多人都有被一個「唔值得嘅人」迷住或者類似經歷，然後過程中會留意，自己會唔會傷害到另一個著緊嘅人

差8個正皮就加更了，推推

推

推推

想鬧…
自己攞黎

「你買啦買啦，唉，畀意見你仲潤我。」翩翩無趣。

「呢件？你點睇？」王子問。

「幾好吖，但有啲貴，譬如GU靚啲但呢度仲貴成倍……」

「你唔好咁寒酸啦，女仔着上身要貴啲嘛，唔使問啦，你一定又着cheap嘢上身。靚係靚嘅，但都係cheap囉。」

「唔係價錢問題，係抵唔抵嘅問題喎。」她皺眉：「如果你女朋友知道你用成倍價錢買嘢，可能會好肉赤呢。」

「先唔會，佢好有米，唔似你咁計較。」

嘖——

你知唔知本小姐我份糧幾多呀我有六個補習學生同埋好多份寫嘢JOB仲有之前返工儲落嘅錢莫講話你吖養埋你女朋友都冇問題！雖然她有非常急躁的內心獨白，但平時她都不會出口傷人——為什麼王子總要如此說話呢？

她打從心底對於王子的說話感到不耐煩。

可是，他一直是這樣，而她一直都是這樣，和他相處只要超過半小時，她就會變得煩躁，如同直白而沒有修飾的文字。是她脾氣不好嗎？還是已與他太熟悉，因此面對他便會流露出真面目？即使，僅僅在心中。

目光向前，她忽然變得冷靜；王子不是她筆下的好老公，那人非常溫暖體貼，予老婆無限包容，也不是什麼苦苦守候女神的乖仔。

請不要侮辱我的男主角們！但她確實是想着王子來創作的啊！

王子又說：「呢隻色都OK，就呢件啦。」

翩翩面有難色：「但呢件係傳說中嘅死亡芭比粉喎，好難carry，要皮膚好白先得喎。」

「咁都畀你抽秤到我女朋友唔白——」

「我唔係咁嘅意思吖！咁着上身真係會顯得塊面黃㗎嘛！」她不自覺地大聲了一點。他總能輕易地令她生氣。

為什麼呢？因為愛嗎？因為在乎？所以，她平日的好脾氣蕩然無存？他說的所有話都像在拉爛褲頭線，發出輕微的啪啪聲，造成的裂口不大，但早不是同一條褲。

這使人失去優雅姿態的鬼東西是愛？

「但好青春喎隻色……粉紅色喎！又有啲白色花紋點綴。佢係唔夠白啫，但佢靚吖嘛，你唔好因為妒忌而彈喎。」

「你信我啦，」她思量片刻：「OK，或者你買，但唔好話我陪你睇衫，廢事佢收到之後覺得係我揀，然後話我好有機心——王先生，你覺得呢隻色着上身真係好睇？」

「嗱，着上身靚唔靚真係睇人㗎啫，你唔好睇啫，唔代表佢唔好睇㗎。不過你話唔靚就唔靚啦，我最聽你講。」

「唔好聽囉。」

與王子共對，翩翩總能在三十分鐘便感到心頭升起濃烈的不甘不忿，這就是「愛而不得」的感覺嗎？

她一直對他不滿，他似乎一直都是這樣；但她以前，以為男女關係就是要有痛楚和難堪，這才顯得感情的淒美——不然就沒有戲劇張力！所以，她一直接受與他的相處模式，即使有點不滿。

現在，她也沒有很抗拒，但感覺有點不舒服。

什麼愛？

她知道自己一直對事物持批判的目光，所以，她連心上人也批判嗎？嘖、嘖、嘖。但個個都說她喜歡他！她的愛如此膚淺？沒有包容？明明，她以前明知道他時常辜負心意，仍然覺得他很「立體」！

就像她筆下情思豐富的寂寞都市人！

王子最終買了一套香芋紫V領T-shirt和白色高腰短褲；翩翩想，總符合穿得好看和顏色鮮明的要求吧。

她的內心深處一直對公主有點羨慕——公主長得高、身材好、長相似漫畫主角，還能以真身吸引無數異性。因此，就算翩翩被公主「去性」，也不對她本人厭惡，她只是不忿於自己竟被如此對待。

王子說：「到我要換季啦，陪我買埋，去U記。」

「你又幾錫女朋友喎，買畀自己咁平，買畀佢就咁貴。」翩翩笑。

「我睇落都係會着貴嘢嘅人啦，就算唔使真係買貴，都會被誤會，有咩所謂。」

「你會唔會太自戀？」

她最初應該是被他的張揚吸引，年少青葱的心動，是看了一眼便以為與他經歷萬年。

「Sorry，係呢個世界嘅女仔縱到我咁。」

此刻，翩翩冷漠地看了王子一眼，讓他自討沒趣。

如果他是初見的讀者，她會善解人意地陪笑幾句，稱讚他有自信的男人真是很有魅力呢。如今，她一早知王子自戀，二人又算太熟絡了，她只能做出這個反應。

Umm，會不會其實是她情商太低了、不夠知情識趣？

王子根本不用翩翩陪他揀衫，他一口氣就選了很多件、花式不重複、顏色不沉悶——他便覺得可以。她跟隨他在男裝部不斷徘徊，但不發一言，他從未問她意見。她的心有點納悶。

應該，她要覺得快樂、甜蜜、猶如情侶的日常。

最後，王子又去了女裝部，拿了一件黑色皮褸。

「送畀你吖，我覺得女仔着皮褸好型。」

「唔襯我。」翩翩猶豫。

黑色的皮褸有點太型格了，不太與她幼嫩的外型合襯；尚有點厚重，似會將她的腰身吞噬。

「我覺得你咁着會好睇喎，女仔要轉多啲style吖嘛。」王子搖頭。

「你係咪同個個都咁講㗎，麥嘜畫雙眼皮、電髮係咪關你事？你之前都同我講割眼皮同大波浪好啲喎。」她似想起了什麼：「佢手化妝技街好普通，離遠都見到佢貼得個雙眼皮唔自然。」

「咁我真係覺得咁樣好睇嘛，咪叫你哋做囉。」

王子真如此覺得，在這方面，他頗為誠實，一來便表達自己在想什麼，從無半點隱藏；反正又不影響他。

「廢事理你，我唔要呢件皮褸。」翩翩擺手。

「你係襯U記呢啲貨色㗎啦，唔好咁奄尖啦，話唔定真係發掘到屬於自己嘅新style呢！」

王子果真買下，並且硬塞給她。

在商場逛街的時候，她拿着那件皮褸，一直心不在焉。她很想回家。

翩翩對王子說的所有話都沒有太大感覺，好像認為「王子」這個人就是如此言行，她已經習慣；畢竟誰都知道「她有喜歡的人」時，他已是這種性格。

她記得，以前剛與他分手、再被他到處傳她苦苦單戀時，她真的很傷心。她連續哭了很多天，幾乎看世間所有事物都會忽然鼻酸，光腳踏在地板上也教她吟誦尋尋覓覓冷冷清清的詞。可是後來，她就冷靜了許多，見到他時，心中沒有太大的起伏。

從什麼時候開始呢？

愛，可能不只有怦然狂喜的時刻？

寫作太多虛構的故事，但作者本人愛情經驗匱乏；結果道理說得有模有樣，實之則一塌糊塗。

「做咩啊？失晒魂嘅你。係咪攰呀你？都話唔好捱咁多夜啦。」

可是她有時又會覺得他頗有魅力——他有某些瞬間，頗像她筆下的角色。然後，她又會心想：自己鍾意嘅人都幾charm，反正個個都咁講。

「少少啦，你仲有冇嘢行？」

「做咩啊，趕返去食太子爺嘅飯？」

「唔係趕返去，但會食。」

王子哄得很近：「做咩啊你，鍾意人？」

一如既往地，翩翩沒有心動的緊張，只是覺得他是靠得太近的異性，她的腳步需要往後退一步。

她沒有回答王子，因她不可能說：

以前，我好似好鍾意你。

翩翩看了看王子，然後開口：「今朝好早起身啊，有啲攰，我想返去先。」

「你唔係真係鍾意咗佢吖嘛？有冇搞錯？」

「我話我想返去瞓覺啫。」

「認真，佢咁高大又幾好樣，佢唔會真心鍾意你，佢貪新鮮咋。你覺得呢件事make sense咩？」

他打從心底就不相信，阿謙會喜歡翩翩很久。

「我想返去瞓覺。」

「你最後唔好喊啊！」

王子，你為何慌亂？你又不愛我。我筆下的迷失男子，絕不是你這樣的性情。

二人沒有不歡而散，只是假裝無事，如常聊天，然後上車。

開始覺得好煩

下更見

王子真係好toxic
不斷貶低對方然後派糧 等人覺得佢係施緊大恩大德而自己配唔起

Live!