[吹水鬥慢大賽] F1 2022 季前試車 討論區 2

9up都可以上到大枱

完全唔記得咗佢

正確譯音應該係馬沙片
但呢度晨早叫佢spin spin
跟手唔知邊個連登仔改維基叫佢做士鞭
結果依家啲香港媒體都叫佢士鞭

恩撚都好似係叫佢做士鞭

佢之前去澳門嗰譯名係咩

澳門維基寫叫馬沙賓

恩撚係叫佢做士邊
好似尾站先講佢個名唔係鞭鞭有力個鞭
而係邊界個邊
但我諗應該士鞭已經深入民心 冇得改架喇

now唔係好鐘意用原文譯名嘅咩

應該用俄文讀佢個名再譯

依家又得喇喎 依家又得喇喎 依家又過喇喎 哎 嚟到最尾嘅時候又俾佢過喇 跟着之後咩玩法呢 好喇嚟料喇 跟着呢度又問點解俾佢過呢梗係 跟着之後安全車完喎 跟着之後Michael就鬧喇 嗱所以就係Toto又鬧啦 Christian又鬧啦 咁姐係咩呀 咁姐係打和 咁姐係打和囉係咪 是但啦 唔好理喇 總之依家追到埋嚟啦喎 追到埋嚟 用紅胎 跟着之後呢平治Michael 呢度離哂譜呀佢話 佢話離哂譜 咁跟着之後唔過唔過 臨到最尾最尾最尾嗰個圈啦 痴線㗎呢一場車 嗱呢度就搏佢呢搏佢犯規呀 因為你唔過嗰個嘅係control line呢 佢唔可以爬佢頭㗎 所以依家你唔郁我唔郁呀 臨到尾嘅時候會點樣呢 跟着之後仲會唔會再brake test佢呢 跟着之後踏過嚟 咸美頓呢就係鬥呢一個韋斯塔本 最尾呢一場嘅比賽入面呢嚟到最尾一個安全車就係完咗 跟着之後就係用紅胎嚟到追 我相信講埋呢一個圈之後呢 我可以呢就係兩個月唔講車喇 因為應該會斷咗氣㗎

嚟到呢就係第58個圈 果然呀 oh my god 跟着呢就係嚟到就係最後一個圈 痴線㗎 首先我要冷靜啲 如果唔係嘅話我會講唔返哂呢個圈㗎 依家我哋睇到呢就係呢一個韋斯塔本呢就攞住紅胎然後著哂火咁樣追着呢個咸美頓 跟着之後呢就係嚟到3號嘅左彎 跟着下兩隻彎就係左彎同左彎 會唔會有人犯錯 會唔會有人出界 跟着之後下一個嗱依家冇drs㗎 大家直到最尾 跟着擺到埋嚟 係咪攬炒 出返到嚟之後 我唔會讓你㗎啦今次 然後成功上咗頭位 但係箍唔箍得返 上咗去第一 上咗去第一 韋少上咗去第一~~~

跟着之後未完 我要fing甩你嘅氣流 fing甩你嘅氣流 可唔可以過到 咸美頓又再過返轉頭 跟着之後下一次痴線㗎 最後一個機會 會唔會呢就係呢個彎嗰度係再次出事呢 無啦 今次韋斯塔本攞返自己個內檔線 守住呢就係6號同7號彎 跟着入下一個直路 跟着之後穿過呢就係9號彎呢 全場嘅鑊型彎 好睇過戲 跟着Toto Wolff呢就痴線鬧交 收聲呀 收聲呀 跟着之後呢就係睇返呢邊呢然後咸美頓呀 around the outside 10號彎呢之後攞住個slipstream 無用 隔住係外檔 孖頭嗰個係一個左彎嚟㗎 跟着之後呢就係下一個 然後11 12號彎就係右右右 11 12右右右 完咗喇 完咗喇 因為去到sector 3你想爬頭都幾難 除非佢自炒炒炒炒

跟着之後番返到嚟 經過咗呢就係2021年 2021年22場嘅比賽 我哋鬥到嚟最後一場 最後一場 最後一個圈 最後一個圈 最後一隻彎 犀利呀
歷史變成傳說
傳說變成神話
呢個神話就係 地球日記
2021年 紅牛 韋少
打破平治7連霸

亦都恭喜喇本田喇 作為呢就係最後一年正式以一個廠嘅身份 然後留低係度 能夠贏到世界冠軍呀 而韋斯塔本呢 亦都係今年10場派頭位 10場贏冠軍
十全十美 世界冠軍

痴撚線

新潮文

cls

係咪恩撚自已打返

btw 好中意佢可以跟住個節奏越講越快 奧運場地單車又係

歷史變成傳說
傳說變成神話(走音)~~~~~~~
呢一個圈真係恩撚經典中嘅經典

大癲

CLS

有聲

有聲

貼去思能FB

CLS~咁大段都有聲

好想睇恩能講雪車 雪橇 或者Snowboard 個個競速項目