睇完今集,覺得今緝數碼暴龍的主題係玩“共存”,另一世界生活的數碼精靈因為未知原因誤入人類世界,但佢地係數碼世界的生活習性同價值觀都同人類完全唔同,好多時好多在數碼世界好平常的舉動都會破壞人類原本和平生活,有d直頭連單係存在本身都會對人類產生嚴重負面影響,仲唔使講部份係直頭帶著侵略的目的黎人類世界,係呢d情況點可以求同存異,令數碼精靈可以和平生活到係人類世界時又令人類可以接受到呢班“怪物”的存在相信會係呢一緝的主題
依家明顯人類係當咗班數碼精靈同佢哋引發的事件係“數據幽靈”同“全息投影”,先至冇引發出騷亂,但呢個謊言總有一日會被悉穿(事實好多受影響的人甚至今集店員都已經察覺到班數碼精靈唔係全息投影咁簡單),到時兩方衝突主角企邊邊同點解決混亂就係爆點
唔經唔覺打咗咁多
,係因為覺得呢緝數碼真係好好睇
,表面上集集都係日常,但實際就一步步鋪緊路,而且每人性格鮮明,打戲又精彩,又唔會出現戰力混亂,d數碼精靈特徵又明確跟番圖鑑描述,同上一緝2020完全唔同,希望編劇可以把持住同越來越多人睇呢緝