(不定期live) 西班牙讀書與歐遊之旅(2)

普普通通啦，食緊啲嘢應該好過竹篙灣少少咁樣






一方面覺得自己匿埋隔離唔使理世界發生咩事，好舒服，但另一方面又焗咗好耐想出去行下

拖咗咁耐，正式開始補文

首先喺都柏林 Dublin，11月尾我去咗三日愛爾蘭都柏林


我對愛爾蘭呢度嘅認識一直唔多，甚至我係中學畢業後，先開始搞清愛爾蘭同北愛嘅瓜葛
，以前甚至唔太肯定佢同英國同歐盟係咩關係。但佢話曬都係講英文一個國家，雖然本身對愛爾蘭嘅了解唔多，但都幾有興趣去睇下。

想問歐洲國家與國家之間使唔使要covid test result入境？或者打兩針show covid pass？
Thanks

落機返民宿之後，一放低嘢就準備要出發了，去到第一個景點the trinity college 三一學院，係愛爾蘭排名最高嘅大學，樓主呢啲井底之蛙就真係第一次聽呢間大學


通常排名最高大學都係用首都或者國家命名，但呢度卻係例外

可惜我冇乜時間仔細行下周圍，就直接入咗去要買入場票嘅展覽館部分





三一學院要畀錢入去嘅部分，主要就係去睇凱爾斯書（The Book of Kells）同埋圖書館（Long Room）

一行到入去，去到一個介紹同books of kells相關嘅展品同埋資訊。呢本嘢嘅內容就係新約四福音，即係啲信徒為咗同更多外鄉人講耶穌，而記錄低嘅一啲耶穌嘅事蹟

呢本書亦都係全世界對新約四福音嘅手抄本之中，保存得最完整嘅書之一


其中一個展品，係裝住呢本書嘅袋。你都可以從個袋概破舊程度，feel到當時嘅傳教士用吃幾多時間心機，行咗幾遠路去傳教，個信念真係好堅定





呢本書唔係普通用拉丁文字寫咁簡單，作者係好有創意咁樣將一啲重要嘅拉丁文生字，裏面嘅其中一啲英文字母同插圖融合埋一齊，溝埋啲人類、動物、聖人等等形象入去，每一隻字都係一個藝術品


其實我第一次聽呢間大學個名，the trinity college，相信好多人都會諗起，意思就係耶教裏面嘅三位一體，聖父、聖子、聖靈，已經有心理準備係一間好虔誠好傳統嘅耶教大學，依家睇呢個books of kells展覽館，真係感受到佢嗰種宗教嘅力量





四本福音嘅四個原作者，原來得一個係人樣



真係用鵝毛筆同埋牛皮紙寫嘅

睇完相關嘅展覽，終於要行到入去睇book of kells嘅真跡，行到入去一間漆黑嘅房，間房嘅門口張牌就寫住「treasury」不愧係愛爾蘭國寶級嘅嘢





搞間咁勁嘅房，就係只係放佢呢一件展品，咁當然就係唔比影相，下圖喺google搵

喺呢一間漆黑嘅房中，就只有呢一本書放喺房間嘅正中心，玻璃嘅底部發住光，全部人入去呢間房嘅目的，就係圍住呢個展品行幾個圈，品鑑呢個黑暗中唯一發光嘅展品 令我呢啲唔信教嘅人都肅然起敬

睇門外嘅簡介，原來職員定期就會將呢本書歇後一頁，係為咗令本書保持乾爽，更加唔好提成間房嘅溫度同埋燈光，都係為佢而設，真係好講究

跟住嚟到long room，網上遊記同埋旅遊書人稱「世界上最靚嘅圖書館」，肉眼睇真係比我影嘅相仲要靚好多呢個對方對我都有少少意義，但先唔阻大家睇圖








大約兩年幾前，我同某位朋友去到海港城誠品睇旅遊書，我隨便揀咗唔同地方嘅旅遊書嚟睇，似乎係因為我用得太多時間，搞到佢開始有少少唔耐煩佢同我講，「呢個地方你都唔會去㗎喇，睇嚟做咩啫」。但講得冇錯，我無從反駁，當時我手上揸住旅遊書就係愛爾蘭，手上本書睇到啊一版就係講緊呢一個圖書館，但當時嘅我根本冇諗過有機會會嚟，好似只係一個好遠嘅地方只好放低本書，離開誠品，但就係唔知點解心裏面一直記得呢個景點


再之後，間唔中一啲我follow開嘅攝影師ig又會影到佢，跟住無意中上網睇資料，原來呢度就係哈利波特第一集圖書館取景嘅地方，我冇諗過電影中一個咁奇幻嘅地方，原來係真實存在而且係咁容易可以去到


呢個圖書館嘅周圍係我最鍾意嘅嗰種實木嘅顏色，唔係巴洛克式嗰種過份奢華，金光閃閃嘅設計，睇落好有歷史感，甚至可以聞到一種木同埋舊書混合而成嘅味道


地下嘅兩側翼，放咗好多偉人嘅雕像，雖然我唔知佢哋係邊個，但喺呢的乳白色嘅雕像，除咗顏色同周圍好搭配之外，左右呢兩排雕像同埋分隔一樓同二樓之間嘅欄桿，一齊指向眼前呢張透視圖中嘅消失點，營造出一種連綿不絕嘅感覺，就好似置身喺哈利波特嘅世界裏面

每去一個新城市，就會要買一個磁石貼，今次好難得我選擇困難症冇發作，好快就揀得落手，因為佢實在好靚，我實在冇唔揀嘅理由



離開三一學院嘅時候，望咗一眼磁石貼嘅包装袋，袋上寫住呢一句「the first and simplest emotion which we discover in the human mind，is curiosity」呼應咗我身後嘅呢座古老嘅圖書館，更符合意境嘅句子都畀你哋諗到




落機到而家都未食過嘢，頭先行緊三一學院嗰陣已經一路餓住一路行，離開之後就喺附近商業街算係比較平嘅burger餐廳，餐廳格局都唔錯，幾舒服㗎





我嗌咗個old school burger，諗住試下呢個所謂最地道傳統burger，但結果就係只比你最基本嘅配料嘅意思雖然賣相係頹啲，但味道其實都唔算差

針卡100%要，其中部分國家可能淨係認歐盟自己出嘅green pass，亦都越來越多國家要求covid test，依家政策因為疫情變得好快，建議上reopeneu 同埋政府官網自己睇番


都係呢句，其實我係唔建議呢個時候係歐洲周圍去旅行，又危險又麻煩，我自己就係深受其害，之後遊記應該會提到

個圖書人館真係幾正，可惜我應該唔會特登去愛爾蘭。

要covid test results 先入到境 不過通常冇人check
但係你一定要有EU covid QR code
否則你飯都冇得食 酒店都冇得你住 慘過做homeless

搞到我想睇返第一集Harry potter

一樣

其實係 如果講緊住喺香港，去歐洲一兩個星期去旅行，都未必會揀到愛爾蘭

所以我都係想趁exchange，去多啲呢啲地方

如果辭工去流浪，或者會路過下…不過已經過咗嗰個年紀

個圖書館好靚，好想去睇同影相
唔知點解歐洲好多呢d好靚既圖書館

same

我暫時就未試過酒店都要green pass，但依家政策變得咁快我都唔sure

展示咗發酵唔同日數嘅酒，的確好明顯顏色上就有好大分別

去紀念品部行個圈








成世仔都未飲過咁貴嘅酒 個盒同埋個樽都好有氣派




去買咗一個頭先試酒用嘅杯，只要5歐

呢個時候，突然諗起愛爾蘭嘅另一樣特產，應該係除咗netflix嗰套the Irishman之外，極少數我對愛爾蘭嘅認知之一，Irish coffee


叉開一下話題，我之前係一直唔知道乜嘢係Irish Coffee。直至有一次我去旺角一間黃店，叫liberty cafe，當時間舖冇咩人，淨係得我同埋另外一枱客


另一台客就嗌咗杯irish Coffee，老闆幾nice，直接搬啲設備出嚟，表演即場沖Irish coffee，嗰時我先知道原來irish caffee係whisky加咖啡嘅意思，呢一日，我終於有機會試下原汁原味



行去吧檯望下，又真係見到有，8歐都唔算貴，但講到明會用佢自家品牌嘅whisky，去溝某種知名牌子嘅咖啡豆，似乎會係一杯高質Irish coffee



嗌咗一杯Irish coffee，然後搵個位坐低，可惜得番接近紅色霓虹燈商標嘅位置，搞到我成張相都係紅色嘅


咖啡溝whisky隻味道意外地好夾，我幾鍾意呢隻味道，上面一層泡沫更加係錦上添花，好似緩衝咗兩種唔同嘅嘢溝埋一齊嘅衝擊





好似對呢個品牌嘅忠誠度又高咗少少

頭先張相好似唔係好清，up多另外幾張相





今次準備就咁行返去airbnb，沿路經過一啲好具有歷史價值嘅建築物，似乎係某的景點，但全部一早閂曬，而我亦都應該有時間去探訪佢地，走馬看花咁望一兩眼就算了，其實我連呢幾棟建築嘅名都講唔出

實際上呢個情況間唔中都會發生，係我需要反省嘅地方





向住河嘅方向行，行到去坦普爾酒吧區（temple bar），似乎就係成個都柏林最熱鬧嘅酒吧區

呢度的確係好熱鬧，大部分酒吧都排緊隊，耳邊不斷響起熟悉嘅音樂，可以跟住哼幾句，好似多多少少融入咗呢條街

英語系國家嘅最大好處就係，始終你對佢嘅流行文化了解多好多，平時喺西班牙聽佢哋啲歌都冇咩feel

又行到去另一個景點，半分橋。呢個名嘅由來係因為以前嘅人行呢條橋嘅時候，需要交低半分，因而得名






短短一條橋，橋上卻已有兩三個無家者，坐喺呢啲咁食風嘅位，我就咁行過都凍一凍，佢地一定好唔容易

喺半分橋上見到有一張紙貼住喺度，如果我冇理解錯，大意就係叫需要幫助嘅無家者掛起張紙，好warm 但卻冇人掛起，唔知實際上係點樣呢






繼續喺他鄉尋找香港本土味道




行到嚟某條知名嘅商業街，可惜全部已經閂曬



沖個涼食個垃圾意粉，3.5歐，咩價錢就反映咩質素

唔好以為咁就有得休息，係時候開zoom上西班牙文堂，勞碌嘅一日喺我口埋電腦响一刻先宣告結束，攰到即刻瞓著咗事實上，我exchange期間大部分日子都係咁樣