搵咗一陣先搵到入口嘅愛爾蘭國立美術館。不愧為國立美術館，但嘅收藏絕對係數一數二，可惜我長期唔夠瞓，加上冇乜藝術細胞，大部分嘅畫作都係行過望幾眼就算，幾乎係走馬看花多
其中對兩幅畫幾有印象，其他嘢基本上我已經完全冇記憶
(長文慎入)
第一幅
第一幅畫，可以見到喺戰亂之中，一個男人擔住另一個男人並且企圖錫佢，唔好搞錯唔係gay圖
雖然我懶得滯有睇description，但我都幾肯定就係猶大出賣耶穌哪既呢一幕。
猶大為咗30金幣而出賣耶穌，喺戰亂之中欖住但嚟錫，令到軍隊發現邊一個係耶穌，耶穌因為咁樣而被捉之後，之後先至發生釘佢上十字架嘅歷史性一刻。
雖然聖經嘅呢一幕已經被無數畫家畫過出嚟，但猶大同埋耶穌嘅神情喺呢一幅畫中真係畫得好傳神，加上佢同大部分畫家唔同，畫呢個場景嘅時候直接放棄咗背景而採用全黑色，咁樣做雖然令幅畫嘅美觀下降，但就突顯咗中央人物。
講開又講，近代開始有人討論，猶大其實未必係叛徒，而係「勇武派」，但長期不滿耶穌嘅「和理非式」不作為，淨係識四處講道，卻冇積極運用自己嘅影響力去實際改變人民嘅福祉，因此透過出賣耶穌呢一個極端方式去激起民情，將呢個國家置於死地而後生。
我睇住呢一幅畫嘅時候，就突然說起呢一種推論，然後再望下眼前畫作中嘅猶大，神情中似乎係多咗幾分複雜，但起碼唔係為咗求財嘅貪婪之情，唔知呢一位畫家係點樣睇呢件事，持乜嘢立場去畫呢件事出呢？
但係我咁樣講似乎會比基督教打為異端，跟住界人捉入異端裁判所折磨致死，所以都係不了，自我滅聲啦，本人在此譴責一切暴力行為，並呼籲各位與極端暴力行為割席，任何對暴力行為嘅美化最終只會被掃入歷史中的垃圾堆！
第二幅畫
跟住我好有印象嘅另一幅畫，明顯就係講緊啟示錄中嘅未日場景，充滿浪漫主義色彩。首先可能我比較少睇到同末日有關嘅畫作，通常都係歌頌某位聖經人物嘅畫，呢一啲赤裸裸描述末日場景嘅話比較吸引我。而且火山爆發的熔岩同埋打雷，唔知算唔算係寫實，好似介乎於兩者之間，我唔識分
下方有班人趴曬喺係啲大石度，大部分人雙手被鎖上，睇嚟喺奴隸。其中一個奴隸企吃喺身，舉高雙手，相信係渴求緊神明嘅打救，希望喺末日審判之中生存落嚟。
係呢一個咁絕望嘅環境之中，前面就係熔岩，周圍又打雷，無論你信唔信神，似乎淨係可以一邊等死一邊祈求救贖。好似呢幅畫咁，喺最絕望嘅環境之下，人類越要依靠宗教嘅力量，顯得人類嘅卑微，但人性就係咁。
望一望description，幅畫叫做「the opening of the sixth seal」，的確都係啟示錄嗰堆嘢。audio guide就話，好多人分析作者係想描寫奴隸解放嘅精神，所以先有奴隸舉高雙手
一幕。
)
未必係串緊你, 你可以答i like it too.
佢扮演咗類似太陽嘅角色，肉眼睇亦的確有幾分相似
