(不定期live) 西班牙讀書與歐遊之旅(2)

係起身番工

次次參觀D乜館物館, 有audio guide我都無聽, 覺得要用好多時間, 但之後又唔會記得

加油呀 但你要預住真係會佔用你好多時間

之後去到另一個深刻嘅展區，Chamber of witnesses，又係一個應用咗高科技嘅例子，取代沉悶嘅文字poster


螢幕中嘅每個人，一開始都會向住屏幕起一隻手，只要你將自己隻手觸碰螢幕中嘅人隻手，螢幕中嘅人就會放低隻手，然後開始講嘢，分享自己嘅經歷。感覺上真係好似去咗一啲分享會，或者彼此圍爐嘅團契，真係不斷行去唔同人面前，聽佢哋分享自己一生，佢哋自身嘅慘痛經歷，同埋同紅十字會有咩關係




呢條友喺南斯拉夫內戰之中，被巴爾幹劊子手米洛舍維奇所逼害，雖然僥倖保住性命但斷咗隻腳，之後輾轉進入紅十字會工作，幫助其他因戰爭導致身體傷殘嘅人，支援佢哋脫離戰爭後如何適應日常生活





有人喺蘇丹出生，先後逃離至埃塞俄比亞及肯亞，途中經歷好朋友嘅死亡，最後經過紅十字會以及相關人道組織嘅幫助之下脫離危險，而家成為咗hip hop音樂人，用rap去為佢家鄉嘅同伴帶嚟勇氣，同埋控訴當地無能嘅政府。

( 仲有好多，其實已經唔係好記得咗，但當下都係好深刻嘅，無論係天災定人禍，好多人都係承受完苦難，仍然希望可以改善呢一切)








展館接近最後，出現咗一道牆，牆上放滿咗好多好多細路仔嘅照片，每個人都揸住一個編號，呢度全部都係盧旺達大屠殺倖存落嚟嘅細路，佢哋透過紅十字會同埋其他組織，去記錄低自己嘅身份，希望佢哋嘅父母或者親戚能夠搵番佢哋


平時睇到歷史書、睇到維基，見到某場大屠殺死咗幾多幾多人，都只係一個數字，分別只係數字後面有幾多個零，但當數字變成一幅幅彩色個人照，每一幅相中細路嘅無助眼神都好似望緊你咁樣

通常我會聽下，但大部分都會聽唔入耳

唔係好想自己行完一個館，行出門口就唔記得曬，雖然聽完都可能係咁

臨走之前，發現出口出面放咗一個金字塔形物體，上面掛滿咗一塊塊黑色嘅版，每一塊板上面都刻有文字，似乎係一啲新型嘅留言板，上面不外乎都係寫住love and peace 之類


其中有兩個比較深刻，一句係「平和」，即係日文嘅和平嘅意思啦，純粹日文將兩隻字調轉咗，作為全場唯一一句中文字，好難見唔到嘅


第二句係「 Kosovo is Kosovo」，心情又沉咗小小，雖然國籍、身份、語言、文化背景完全唔同，但原來有人同我一樣，行完呢個館會諗起呢一類嘢


我喺出口同呢個金字塔之間來回行咗幾次，一方面又有啲想寫，一方面又覺得好無謂同埋怕醜，又唔想畀職員見到我寫咗啲乜嘢上去。職員應該都覺得我煩，直接叫住我，問我係咪想寫呀，仲有位可以掛上去㗎喎！ 毒撚直接畀人破咗功，咁就去寫咗啲嘢上去





臨走前，就當然要喺呢度買返個磁石，用呢一個旅程去代表成個日內瓦，似乎係一個唔錯嘅選擇

離開紅十字會博物館之後，再次經過聯合國總部，與噴水池內嬉戲嘅細路，同埋遊行請願嘅群眾都唔見曬，清靜咗好多。企喺度沉澱一陣，噴泉重複住噴水嘅動作，眼前嘅景象都變得空虛。落筆呢一下，又諗返起依家烏克蘭，聯合國仍然係冇大動作





行過四季酒店，一樓嘅露台，有好多著住正裝嘅人，擺出招牌笑容攞住杯酒傾計，睇落似係一個上流社會嘅聚會，一樓露台出面仲要插住幾支國旗

相比之下，我就好似企喺地面嘅酒店職員，正喺度為上層嘅人清潔佢哋架車，仰望住佢哋，瑞士真係好多有錢佬

你行入去可能比人趕番出黎

追返晒
我覺得日內瓦勁悶(相比瑞士其他地方)
個時留左2日覺得悶到爆，仲唔好彩住左間垃圾hostel, 第一次見沖涼個位窄過泳池更衣室

著住件普通hoodie，應該真係比人趕出嚟

羨慕樓豬去左咁多地方

我已經返咗香港啦，我係寫返幾個月前，假live嚟的


適唔適應同鍾唔鍾意法國呀？

可唔可以講下洗左幾多錢到

你去西班牙？定法國？

我發覺人係永遠都唔會滿足 當我發覺原來有好多人去得地方多過我，我又會羨慕佢，永遠都唔會完


你將來都一定有機會嘅，如果讀緊書嘅話，不妨留意多啲exchange或者海外升學資訊