(不定期live) 西班牙讀書與歐遊之旅(2)

反而我打算24年辭職 去玩，去埋巴黎奧運

講真份工真係好閒，有時睇D大過我（35歲以上）既同事好似成世人都冇做過咩，又冇興趣，放工就番屋企hea /湊小朋友 ，咁就大半世

唔想咁

如果人生係一本故事書，你依一刻覺得你既經歷精唔精彩？

覺得仲讀緊書又有能力真係去多d旅行，周圍玩下
出到嚟做緊真係好難再有決心辭職之類，尤其香港大部份公司d hr都好唔buy

除非你個人好有能力可以輕鬆搵工啦

終於追完po，樓主隔離成點呀

通常啲小狗主人話he likes xxx都係婉轉咁同你講緊唔好意思我隻小狗太為食，係食物都想要一啖
我會回佢no worries, what is your dog’s name? 跟住借啲易撚兩下狗過吓癮

有無一本書頁頁都精彩, 除非本書好薄?

我嗌咗久違嘅海南雞飯同埋一碗雞湯，點知卻完全唔係香港人認知嘅海南雞，比較似係吉野家啊種烤雞嘅走汁版（當然舊雞本身係高質過吉野家）

味道其實唔算差，但我就係衝住海南雞嚟，無可避免覺得失望，好掛住海南雞飯

我特登走過去同店員再confirm多一次有冇點錯，結果呢盒嘢係真係海南雞 雖然佢menu又真係就咁寫海南雞飯，冇講用啲乜嘢烹調方式，你玩曬啦





至少佢嘅雞油飯同埋碗湯都係唔錯，埋單好似一個人14歐左右（130hkd左右），以歐洲嘅物價嚟講，呢一餐算係可以嘅，但我置身係一個令我聯想起街市熟食中心嘅地方食嘢，就愈食愈覺得心理不平衡



食完呢餐行返出去，再行前多幾個舖位，就見到有呢間港式茶餐廳，我懷疑我真係需要驗下腦 差幾步路都見唔到，咁就揀咗前個舖位嘅東南亞嘢


本來想仔細研究下menu，研究下過到嚟之後會有咩變化，但時間過於緊湊，可惜冇時間細睇，唔知有冇愛爾蘭生活嘅朋友去過呢度？

匆忙嚟到下一個地點，國立歷史藝術館


尋日已經睇咗藝術品，今日嚟到嘅目的就當然係專攻歷史


愛爾蘭嘅獨立史都係我既感興趣嘅話題，大英帝國自古以來不可分割的領土，究竟係點樣獨立出去㗎啦？另外，愛爾蘭共和軍嘅大名都係早有聽聞，我係抱住想了解呢啲歷史嘅心態嚟㗎


但係，下一個景點已經一早book咗時間，仲要一早畀咗錢，因此搞到我冇乜時間去睇呢度，提到感興趣嘅話題都基本上冇得到解答

呢個展覽館中央喺個大操場，原來係以前軍隊步操嘅地方，呢個展覽館舊時亦都係軍營




我望咗成十秒，係真係分唔清楚佢係咪真人，我好驚又遇到歐洲嗰啲扮假人嘅表演者 最犀利係佢腳下仲有一個口罩，難分真與假



同好多影視作品一樣，將手槍收埋入書裏面



終於去到我比較期待嘅一個環節，但可惜我冇時間細睇

其中比較深刻嘅嗰部分，係講到愛爾蘭內戰，愛爾蘭打完獨立戰爭贏咗之後，分咗做兩批人，一批想要光復整個愛爾蘭，另一批就同意留返北愛比英國，結果兩邊就打起嚟


雖然大家有同一個政治立場，但因為光譜嘅唔同，最尾去到流血收場，好令人感傷，明明大家本來目的都係可以歸類為一樣

最後一站，嚟到Guinness Storehouse，Guinness啤酒嘅主題館



Guinness啤酒相信唔少人都識，香港各大便利店都有售，但我係就完全唔知道佢係嚟至愛爾蘭嘅，都算係一個驚喜


我本身對呢度有咩期望，諡住都係普通一個酒廠，比你嗰啲遊客望幾眼工廠嘅運作，然後再送你哋去試下酒，就係咁樣


但行到入去，比佢嘅規模所震撼咗，完全唔係只用poster用文字去講解，而係利用咗好多唔同嘅設備同埋展品，兼具科技感，美觀，仲要有成整整五層咁多，呢度嘅規模絕對唔弱於任何國家級嘅博物館推薦 大家一定要嚟


點都唔可以錯過同黑色背景板合照嘅機會呀





一入到去，佢就整咗個大水池，用嚟講述製造啤酒嘅時候要消耗嘅水資源


每一個揼落池裏面嘅銀仔，都會捐畀啲水資源相關嘅環保組織，我幾欣賞佢哋呢個idea

多謝支持有人睇就好開心

你都啱，應該要把握機會撚下

你住邊間

師兄你個名

繼續講番最尾一日去嘅Guinness 啤酒廠

播住啲咁靚嘅4k片，影住啲大麥小麥喺度翻滾嘅過程，每一個工序變得好似好認真好神聖咁樣，好吸引





你有見到佢真係有諗過度過，唔係打一堆字加圖片就算



唔知咩嚟，但應該呃到好多人入嚟打卡(包括樓主自己)





佢整咗好多相關嘅展品，雖然我冇時間細睇，但都feel到個規模真係好大，係有心機嘅

之後要趕飛機，最後大部分嘅展區都要被迫skip咗其實好多嘢都真係好值得睇

直接搭𨋢去到最高一層，一個360度嘅觀景台酒吧





呢個觀景台算係呢一帶最高嘅建築物，視野非常廣闊，周圍嘅景色都一覽無遺






我買嘅門票係包咗一杯啤酒，scan枱上嘅QR code去揀，我又唔係太識分，就隨便揀咗一杯


幾好飲，麥嘅味道好濃沃但又唔難入口。老老實實，雖然佢冇標價錢，但我相信應該都係cheap嘢，但呢個環境氣氛之下，乜嘢都變得好飲咗，我諗我飲杯水都覺得好飲





各位

邊個負皮

離開緊嘅途中已經call定的士，直到機場




呢個字型設計真係好正好展現到不斷隊酒嗰個心態

頭幾秒真係懷疑自己醉咗，仲諗緊自己點解廢咗咁多，一支啤酒都醉




最後請途人幫我同招牌影多張相，影完的士就到了，啱啱好

去呢度之後對Guinness呢個品牌印象正面咗好多，真係好利害嘅公關，我比錢睇廣告仲要睇得好開心






的士起飛前半個鐘先到機場，應該係我成世人最遲去到機場嘅一次 仲要排安檢嗰條隊就咁睇起碼要排20分鐘，唯有不斷同人say sorry咁樣無視排隊直衝，對樓主呢啲面皮薄過張牛油紙嘅毒撚嚟講係好大嘅挑戰


排完安檢，距離登機口竟然仲有十幾分鐘路程，我就孭住個大背囊瘋狂向前跑，成個星期運動量喺曬度


好彩，ryanair 喺例牌遲起飛嘅，我跑到去嘅時候，先啱啱開始登機check in手續，第一次感受到ryanair嘅好







天空上望多最後一眼都柏林，再見了

都柏林，完！

唔經唔覺都寫咗唔少遊記，統計一下先

以下係去完，而且已經寫咗遊記嘅地方：

國外：
羅馬尼亞 Bucharest brasov
比利時 brugge gent Brussels
法國 馬賽
愛爾蘭 都柏林


西班牙國內：
Salamanca 薩拉曼卡
Valencia 華倫西亞
Palma Mallorca 帕爾馬



以下就係我爭落嘅街數，即係去過但未寫遊記嘅地方兩樣加埋，就係成個旅程我全部去過嘅地方，所以唔使再問我有咩地方去過咩地方未去過了

國外：
瑞士日內瓦
英國 london, Bristol
德國法蘭克福 (半日)
英國(海外領土) 直布羅陀Gibraltar
丹麥 Copenhagen

西班牙國內：
Bilbao 畢比包
Segovia 塞哥維亞
Madrid 馬德里
Ronda 龍達

以上咁多個未寫嘅地方，交畀你哋決定跟住寫邊一個，我好民主的

點解唔順住時間線寫落去 係都要跳嚟跳去咁寫

投順住時間線一票
雖然想快啲睇到直布羅陀同bilbao