(不定期live) 西班牙讀書與歐遊之旅(2)

我諗通關都未有文

日內瓦呢？

樓主仲未出文

冇計啦，未必一定嘅，實際上都係睇每個國家個別情況，又唔少係本身biotech都可以嘅，只係未必認得，要解釋多啲


同埋依家情況同我唔同，我見唔少歐洲國家都開始完全解封，應該冇咁多旅遊限制，詳情要你自己睇下最新消息

視乎國家啦，但絕對係有機會唔得

如果揸住香港biotech，就係要不斷強調自己呢張係Pfizer 跟住就睇下接待員理唔理你


所以其實真係好麻煩，所以我當時一到步就即刻盡能力去搞green pass先

有啲得有啲唔得

仲以為有文

日內瓦遊記，正式啟動！！！

2021年九月尾，嚟到西班牙之後，第一次出國旅行，今次喺去日內瓦


兩年半前歐遊期期，我有幸到訪瑞士，去咗瑞士嘅少女峰同埋蘇黎世，一直留下好美好嘅印象，除咗物價之外，基本上搵唔到乜嘢挑剔嘅地方。少女峰、first高聳入雲嘅雪山景色，Interlaken深藍色嘅溪流，蘇黎世嘅天鵝同埋河流，歷歷在目

但係，當時嘅我同自己講，呢度嘅物價實在太恐怖啦，我未正式返工搵錢之前應該都冇機會嚟到。估唔到，機緣巧合之下，我竟然會重臨瑞士，世事真係講唔埋

(廣告：起底就搵到兩年半前篇遊記)

本身心情好好嘅，終於再嚟到瑞士，但落機之後，我走去atm諗住去撳少少瑞士法郎出嚟，點知atm突然顯示咗兩行字，card confiscation，我被atm食卡

我完全呆咗咁企喺度，畀唔到任何反應，呢個完全係超出我預期之外嘅結果



打去求助電話，值得慶幸嘅係呢度嘅人嘅英文果然係非常之好，溝通上冇乜大問題，但對方堅持冇辦法可以退返張卡畀我，最多只係叫我下星期一嘅朝早再嚟到呢個atm面前，問下周圍嘅職員試下運氣


成個人就即刻頹廢咗，雖然話我手上仲有另一張信用卡，但冇cash喺身嘅感覺真係好不安，人在外地要補領信用卡，諗下都覺得頭痕，難得嘅好心情就冇咗

第一次畀人食卡，搞到第一晚心情唔係幾好，之後落街散步嘅時候，行咗陣先發覺唔見咗電話，原來係漏咗喺酒店冇帶出嚟，成個人失魂落魄咁樣所以第一日係乜相都冇嘅



第二日起身之後，收拾心情，準備食個靚早餐 掙扎咗好耐之後，最尾決定食酒店嘅自助早餐，價錢好似大約21歐左右，但只係提供最基本嘅嘢，方包、火腿、炒蛋、果jam、牛奶等等，咁就放低咗兩嚿幾水，真係心痛






錢就畀咗，就放低物質顧慮，準備打開肚皮吃飯





由於我遲起身，成個食早餐地方得啦我自己一個。坐喺室外慢慢食嘢，雖然只係一啲簡單嘅嘢食，但餐廳周圍嘅環境好令人放鬆，花槽紅色嘅花，近處嘅一座教堂同埋車站，周圍一切真係好美好，好chill，就係一種我想像中嘅歐洲休閒生活

咁多日得咁少文，交行貨比我地？