(不定期live) 西班牙讀書與歐遊之旅(2)

唔經唔覺已經開咗post超過兩個月，小弟我喺今年2021年9月頭嚟到西班牙exchange一個sem，而我嘅exchange之旅已經即將來到尾聲


但正正係因為有完結嘅一日，先賦予咗呢趟旅程價值 我開呢個post嘅最大目的，就係要紀錄低今次旅程，令將來嘅我記得呢段日子嘅我


感性嘅嘢唔多講 馬上開始

其實我依家人在丹麥哥本哈根，但我依家仲補緊我喺法國馬賽時候嘅遊記我寫埋馬賽之後，就會寫我依家喺丹麥嘅經歷


講起，丹麥啱啱就係今日19號開始，全部室內活動被暫時禁止咗，全部博物館、皇宮、展覽全部閂門，唔早唔遲，咁啱就係我第一日嚟到開始實行呢個政策，真係玩死我



如果有任何人去過哥本哈根，歡迎俾下任何意見小弟，我依家都唔知有乜好做啦真係考慮緊或者過去Malmö一日，仲未決定

G持

巴打多謝支持
我認得你出嘅第一個post，多謝手足

馬賽day3

補返法國馬賽先，上個post講到第三日去完Frioul島，坐船返咗去馬賽老港


一落船，就見到摩天輪原來仲有開，一直想去高少少嘅地方睇下夜景，咁就即刻去啦，學生只要5歐




喺高空上睇，下面啲市集原來係咁靚嘅落去之後一定要去行下





摩天輪上到最高點嘅時候，周圍嘅景色非常誇張 聖誕燈飾再加本身有嘅燈光，令馬賽老港喺黑夜中有一種繁華同溫暖嘅感覺，望住一排一排藍色燈光嘅船，金黃色嘅街道，繪畫出呢個城市唔同嘅線條，令成個城市嘅輪廓清晰咗








轉咗兩個圈之後就請我離開了，如果可以留耐啲就好，未睇夠呢個靚景呀

即刻落去摩天輪下面嘅市集行下



周圍望下攤位，首先見到一啲手作梘，但其實我周圍唔少店舖都見到一模一樣嘅嘢，極度可疑 即使真係都好，但都冇咗嗰種手作嘅味道啦





跟住就見到，我喺西班牙見得多嘅churros，同埋已經喺比利時試過嘅華夫餅 食過正版就對翻版興趣唔大啦




我唔肯定係蛋糕定係朱古力，但我喺唔少國家都見我同樣嘅嘢，唔知佢係屬於邊個國家嘅聖誕菜式呢




跟住見到一間賣黑松露同埋芝士嘅舖頭，雖然老闆一見到我就係咁講ni hao，有少少唔舒服，但佢哋真係幾nice，係咁請我食嘢，佢啲芝士加黑松露亦都好正


老闆話佢哋係自己親手一嚿一嚿芝士放啲黑松露醬入去，最尾忍唔住買咗一小舊返去，但其實帶咗返西班牙之後唔知點樣食好，結果就放到變咗





好似係全場最正路嘅嘢，周圍都有唔少人買

你指哥本哈根？的確，而家日照時間太短但本身我係想嚟睇雪，估唔到呢度竟然冇...

新post留名

開始肚餓，一邊慢慢行下街一邊搵食，周圍街道都係幾靚






但有一點好奇怪，行過見到嘅餐廳基本上都一個人都冇，真係驚咗唔敢入去，見其中一間冇人嘅餐廳google map評分幾好，諗住入去睇下情況，結果老闆極度熱情咁出嚟講一堆嘢，太熱情通常都唔係好事，都係唔好了


搵極都未搵到啱心水嘅嘢食，呢個時候見到有間中國嘢，難得見到係繁體字，而且食客都唔少，好似唔錯咁，但我一場嚟到，都係想試下南法嘢呀

好彩我決定再行下先，結果行入少少，下一條內街裏面終於搵到一堆熱鬧嘅餐廳，見到周圍咁多人，終於搵到真正嘅覓食地方啦




餐廳名：L'Esquinade

企咗喺度唔知揀邊間好，呢個時候畀呢間嘢嘅魚櫃吸引咗，咁就畀佢呃咗入去




前菜，芝士醬加芝士送麵包





Bouillabaisse，即係馬賽魚湯，應該係成個馬賽最出名最特色嘅嘢，咁一場嚟到，即使貴都要中下伏㗎喇，講起，其實我見好多歐洲沿海城市，出名嘅都係魚湯


味道超級濃，直情去到濃縮液咁樣，我覺得我可以加水沖水再溝嚟飲飲到係非常足料，仲有少少魚肉碎，係幾好飲嘅



三文魚他他，不過不失



呢個真係唔係幾得，首先塊牛扒大家都見到幾頹又細塊，最大問題係佢燒得太耐，陣燶味直情搞到有啲苦，冚過咗本身嘅肉味

芝士打手表示好撚想食個芝士醬加芝士加麵包

自己整啦，好簡單啫，佢係芝士醬都應該係超市嗰啲，唔係貴嘢

新post歡迎你

巴打幾時番香港？。我都working holiday last month 了，呢排都四圍去不過主要係南歐地區

依加疫情咁嚴重，驚唔驚周圍走呀我自己都好驚國與國之間嘅檢疫措施突然間有變

新po留名

見到個魚湯就諗起好耐無飲過

間嘢冇人唔敢入去
間嘢太多人費事同人迫

太熱情通常都唔係好事
太冷淡服務好似好差

真呀，我下個月10號番， 月頭有o滅共個陣驚土耳其封關就67 （我去土耳其飛香港）

下個sem到我歐遊啦

去邊? 幾時出發幾時返?

我諗你就諗清楚好啲，依家疫情都好嚴峻，最癲係港府朝令夕改，你完sem返香港嗰陣可能會好頭痕 (我就係例子，可能又要改機票同隔離酒店)